• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಕನ್ನಡ-ಇಂಗ್ಲಿಷ್‌ ಅನುವಾದಕರಿಗೆ ಸಾಹಿತ್ಯಗೋಷ್ಠಿಯ ಕರೆ

By Staff
|

*ಡಾಕ್ಟರ್‌ ಕೆ. ಆರ್‌. ಎಸ್‌. ಮೂರ್ತಿ

Jayantha Kaikiniಇದೋ ಕೇಳಿ!

ತಡಮಾಡದೆ ಓಡಿಬನ್ನಿ ; ಅಕ್ಕಂದಿರೆ! ಅಣ್ಣಂದಿರೆ! ಭೂಲೋಕವನ್ನೆಲ್ಲಾ ಸುತ್ತಿ, ಊರು ಕೇರಿಗಳಲ್ಲಿ, ಹಳ್ಳಿ, ಗುಡ್ಡಗಳಲ್ಲಿ ಕನ್ನಡದ ಶ್ರೀಗಂಧವನ್ನು, ಮೈಸೂರು ಮಲ್ಲಿಗೆಯ ಕುಸುಮಗಳನ್ನು, ಧಾರವಾಡದ ಸಿಹಿಪೇಢಗಳನ್ನು, ಕನ್ನಡನಾಡಿನ ಕಡಲ ತೀರದ ಸೌಂದರ್ಯವನ್ನೂ, ಕನ್ನಡಮ್ಮನ ಹೆಮ್ಮೆಯನ್ನು ಪರನಾಡಿನಲ್ಲೆಲ್ಲಾ ಹರಡಿ, ಲೋಕದ ಜನರಿಗೆಲ್ಲಾ ನಾಲಗೆ ಸಿಹಿ ಮಾಡುವ ಅವಕಾಶ ನಿಮಗೆಲ್ಲರಿಗೂ ಇದೆಯೆಂದು ಡಂಗುರ ಬಾರಿಸಲು ಅಮ್ಮ ನಮಗೆ ಹೇಳಿದ್ದಾಳೆ. ಯಾರು ಬೇಕಾದರೂ, ಅಮ್ಮನಿಗೆ ಬಲುಬೇಗ ಪತ್ರವನ್ನು ಬರೆಯಬಹುದಂತೆ.

ಕನ್ನಡ ಭಾಷೆಯು ಕೆಲವು ನೂರು ವರುಷಗಳಿಂದ ಸೃಷ್ಟಿಶೀಲತೆಯಿಂದೊಡಗೂಡಿ ಬೆಳೆದು ತನ್ನ ಸಾಹಿತ್ಯ ಭಂಡಾರದ ಸೊಬಗನ್ನು ಭಾರತದಲ್ಲಿರುವ ಇತರ ಸೋದರ ಭಾಷೆಗಳಿಗೆ ಧಾರಾಳವಾಗಿ ಹಂಚಿರುವುದಲ್ಲದೆ, ಕನ್ನಡದ ಸಾಹಿತ್ಯದ ದಿಗ್ಗಜರು ಅನೇಕ ಜ್ಞಾನಪೀಠಗಳನ್ನೇ ತಂದು ಕನ್ನಡಮ್ಮನನ್ನು ಅಲಂಕರಿಸಿ ಕೂಡಿಸಿ ಮೆಚ್ಚಿನಾರತಿಯನ್ನೇ ಬೆಳಗಿಬಿಟ್ಟಿದ್ದಾರೆ.

ಇಷ್ಟಾದರೂ ಲೋಕದ ಇತರ ನಾಡುಗಳಲ್ಲಿ ಕನ್ನಡಮ್ಮನ ಹೆಸರನ್ನು ಸಾಕಷ್ಟು ಜನರು ಕೇಳಿ ಆನಂದಿಸಿಲ್ಲ ; ನಮ್ಮ ಅಮ್ಮನ ಹಿರಿಮೆಯನ್ನೂ, ಅವಳ ನಾಲಗೆಯಿಂದ ಹೊರಬಂದ ಕಾವ್ಯ ಕಾವೇರಿಯ ಪವಿತ್ರ ಸ್ನಾನವನ್ನು ಇತರ ದೇಶದ ಪ್ರಜೆಗಳು ಅನುಭವಿಸಿಲ್ಲ. ಇದು ಅವರ ತಪ್ಪಲ್ಲ ; ಅವರ ಭಾಷೆಗಳೆಲ್ಲಾ ಬೇರೆ ಬೇರೆ. ನಮ್ಮ ಕನ್ನಡಮಾತೆಯ ಸಾಹಿತ್ಯವನ್ನು ಅವರಿಗೆ ತಿಳಿಯುವಂತೆ ಅವರ ಭಾಷೆಗಳಲ್ಲಿ ಹೇಳಿದರೆ ಅವರು ಆನಂದ ಪಟ್ಟಾರು; ಅವರ ಮನದ ಕಣ್ಣುಗಳಲ್ಲಿ ಕನ್ನಡದ ಸೌಂದರ್ಯ ಕುಣಿದೀತು!

ಕನ್ನಡಮ್ಮನ ಪರವಾಗಿ, ಮೊದಲು ಕನ್ನಡದಿಂದ ಇಂಗ್ಲೀಷಿಗೆ ಕೆಲವು ಸಣ್ಣಕಥೆಗಳನ್ನು ಅನುವಾದಿಸಲು ಅಮೆರಿಕೆಯ ಉತ್ತರ ಕ್ಯಾಲಿಫೋರ್ನಿಯದ ಸಾಹಿತ್ಯ ಗೋಷ್ಠಿ ಯೋಜಿಸಿದೆ. ಹೆಸರಾಂತ ಕಥೆಗಾರರಾದ ಜಯಂತ ಕಾಯ್ಕಿಣಿಯವರ ಕೆಲವು ಸಣ್ಣ ಕಥೆಗಳನ್ನು ಇಂಗ್ಲೀಷಿಗೆ ಅನುವಾದಿಸಿ ಒಂದು ಕಥಾಮಾಲೆಯನ್ನು ಪೋಣಿಸಿ, ಜಯಂತ ಕಾಯ್ಕಿಣಿಯವರ ಬರಹದ ಸುಗಂಧವನ್ನು ಭೂಲೋಕದ ಇಂಗ್ಲೀಷು ಓದುಗರಿಗೆಲ್ಲಾ ಹಂಚುವ ತಯಾರಿ ನಡೆಯುತ್ತಿದೆ.

ಈ ಶುಭ ಕಾರ್ಯಕ್ಕೆ ಸಣ್ಣಕಥೆಗಾರ ವಿಶ್ವನಾಥ ಹುಲಿಕಲ್‌ ಅವರು ಮುಖ್ಯ ಸಂಪಾದಕರಾಗಿ ಈಗಾಗಲೇ ಸ್ವತಃ ಕರ್ನಾಟಕಕ್ಕೆ ಹೋಗಿ ಜಯಂತ ಕಾಯ್ಕಿಣಿಯವರ ಒಪ್ಪಿಗೆಯನ್ನು ಪಡೆದು ಬಂದಿದ್ದಾರೆ.

ಈ ಅನುವಾದದ ಅವಕಾಶವನ್ನು ಎಲ್ಲರಿಗೂ ಡಂಗುರ ಸಾರುತ್ತಿದ್ದೇವೆ. ಆಸಕ್ತರೆಲ್ಲಾ ಕೆಳಗಿನ ವಿಳಾಸವನ್ನು ತಕ್ಷಣ ಸಂಪರ್ಕಿಸಿ. ನಿಮ್ಮ ಹೆಸರು, ವಿಳಾಸ, ದೂರವಾಣಿ ವಿವರ, ಅನುವಾದದ ಅನುಭವ, ಕನ್ನಡ ಮತ್ತು ಇಂಗ್ಲೀಷ್‌ ಸಾಹಿತ್ಯ ರಚನೆಯ ಅನುಭವದ ವಿವರಗಳನ್ನು Baraha 4.0 or later version ನಲ್ಲಿ ಬರೆದು ಕಳಿಸಿ. ಸಾಧ್ಯವಾದರೆ ನಿಮ್ಮ ಫೋಟೊ ಕೂಡ ಕಳಿಸಿ.

ಸಂಪರ್ಕಿಸಬೇಕಾದ ಇ-ಮೇಲ್‌ ವಿಳಾಸ :

ಡಾಕ್ಟರ್‌ ಕೆ. ಆರ್‌. ಎಸ್‌. ಮೂರ್ತಿ: kannada_maathe@yahoo.com

ವಿಶ್ವನಾಥ ಹುಲಿಕಲ್‌: vhulikal@yahoo.com

ಡಿಸೆಂಬರ್‌ 31, 2002 ದಿನಾಂಕದೊಳಗೆ ನಿಮ್ಮ ಅರ್ಜಿ ತಲುಪಬೇಕು.

2003 ರ ಜನವರಿಯ ಕೊನೆಯ ವೇಳೆಗೆ ಆಯ್ಕೆಯಾದ ಅನುವಾದಕರ ಪಟ್ಟಿಯನ್ನು ಪ್ರಕಟಿಸಲು ಸಂಪಾದಕ ಮಂಡಳಿ ಉದ್ದೇಶಿಸಿದೆ.

ನೀವು ನಿಮಗೆ ಗೊತ್ತಿರುವ ಇತರ ಲೇಖಕ ಗೆಳೆಯರಿಗೆ ಕೂಡ ಈ ಡಂಗುರದ ಸುದ್ದಿಯನ್ನು ಸಾರಬಹುದು. ಬನ್ನಿ ಬೇಗ! ಶುಭಕಾರ್ಯಕ್ಕೆ ಇಂದೇ, ಈ ಕ್ಷಣವೇ ಶುಭ ಗಳಿಗೆ. ಬಾರಿಸಿ ಕನ್ನಡದ ಡಿಂಡಿಮವ...

Click here to go to top

ಮುಖಪುಟ / ಸಾಹಿತ್ಯ ಸೊಗಡು

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more