ಅಮೆರಿಕದಲ್ಲೂ ಮೊಳಗಿದ ಪಾಕಿಸ್ತಾನ್ ಮುರ್ದಾಬಾದ್ ಘೋಷಣೆ

ನ್ಯೂಯಾರ್ಕ್, ಫೆಬ್ರವರಿ 23: ಅಮೆರಿಕದಲ್ಲಿರುವ ಪಾಕಿಸ್ತಾನ ರಾಯಭಾರಿ ಕಚೇರಿ ಎದುರು 'ಪಾಕಿಸ್ತಾನ್ ಮುರ್ದಾಬಾದ್' ಘೋಷಣೆ ಮೊಳಗಿದೆ! ಅಮೆರಿಕದಲ್ಲಿ ವಾಸವಿರುವ ಭಾರತೀಯರುವ ಫೆಬ್ರವರಿ 14 ರಂದು ಪಾಕ್ಮುಲದ ಜೈಷ್ ಇ ಮೊಹಮ್ಮದ್ ಉಗ್ರ ಸಂಘಟನೆ ನಡೆಸಿದ ಪುಲ್ವಾಮಾ ಉಗ್ರ ದಾಳಿಯನ್ನು ಖಂಡಿಸಿ, ಪ್ರತಿಭಟನೆ ನಡೆಸಿದರು.

ತ್ರಿವರ್ಣಧ್ವಜವನ್ನು ಹಿಡಿದು, 'ಪಾಕಿಸ್ತಾನ್ ಮುರ್ದಾಬಾದ್', 'ಗ್ಲೋಬಲ್ ಟೆರರ್ ಪಾಕಿಸ್ತಾನ', 'ಎಲ್ ಇ ಟಿ ಪಾಕಿಸ್ತಾನ', '9/11 ಪಾಕಿಸ್ತಾನ', '26/11 ಪಾಕಿಸ್ತಾನ', 'ಒಸಾಮಾ ಬಿನ್ ಲಾಡೆಲ್ ಪಾಕಿಸ್ತಾನ'' ಎಂಬ ಘೋಷಣೆಯೊಂದಿಗೆ ಪ್ರತಿಭಟನೆ ನಡೆಸಲಾಗುತ್ತಿದೆ.

"ಪಾಕಿಸ್ತಾನ-ಒಂದುದ ಭಯೋತ್ಪಾದಕ ರಾಷ್ಟ್ರ, ಪಾಕಿಸ್ತಾನ ದೇಶವನ್ನು ಅಭಿವೃದ್ಧಿಪಡಿಸಲಿ, ಭಯೋತ್ಪಾದನೆಯನ್ನಲ್ಲ" ಎಂಬಿತ್ಯಾದಿ ಪೆಕಾರ್ಡ್ ಗಳೂ ಕಂಡುಬರುತ್ತಿವೆ.

ಫೆಬ್ರವರಿ 14 ರಂದು ಜಮ್ಮು-ಕಾಶ್ಮೀರದ ಪುಲ್ವಾಮಾದಲ್ಲಿ ಪಾಕಿಸ್ತಾನ ಮೂಲದ ಜೈಷ್ ಇ ಮೊಹಮ್ಮದ್ ಉಗ್ರ ಸಂಘಟನೆಯ ಆದಿಲ್ ದಾರ್ ಎಂಬ ಭಯೋತ್ಪಾದಕ ನಡೆಸಿದ ಆತ್ಮಾಹುತಿ ಕಾರ್ ಬಾಂಬ್ ದಾಳಿಯಲ್ಲಿ ಭಾರತೀಯ ಸೇನೆಯ 40 ಕ್ಕೂ ಹೆಚ್ಚು ಯೋಧರು ಹುತಾತ್ಮರಾಗಿದ್ದರು.

ಈ ಘಟನೆಯ ಕುರಿತು ಕಳವಳ ವ್ಯಕ್ತಪಡಿಸಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, 'ಉಭಯ ದೇಶಗಳ ನಡುವೆ ಅಪಾಯಕಾರಿ ಸನ್ನಿವೇಶ ಏರ್ಪಟ್ಟಿದೆ, ಕಾಶ್ಮೀರದಲ್ಲಿ ಯುದ್ಧವಾಗದಂತೆ ತಡೆಯಲು ನಾವೂ ಉಭಯ ದೇಶಗಳೊಂದಿಗೆ ಮಾತುಕತೆ ನಡೆಸುತ್ತೇವೆ' ಎಂದಿದ್ದಾರೆ.

English summary

More than hundred US-based Indians protested outside the Pakistan consulate in New York, on 22 February, against Pulwama terror attack,