• search
  • Live TV
ವಾಷಿಂಗ್ಟನ್ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
Oneindia App Download

just in: ಪೊಲೀಸರನ್ನು ಬೈಯಲು 12,000ಕ್ಕೂ ಹೆಚ್ಚು ಕರೆ, ಮಹಿಳೆ ಬಂಧನ

|
Google Oneindia Kannada News

ವಾಷಿಂಗ್ಟನ್, ಆಗಸ್ಟ್ 19: 51 ವರ್ಷದ ಫ್ಲೋರಿಡಾದ ಮಹಿಳೆಯೊಬ್ಬರು ಈ ವರ್ಷವೊಂದರಲ್ಲೇ 12,000 ಕ್ಕೂ ಹೆಚ್ಚು ಬಾರಿ 911 ಕರೆ ಮಾಡಿ ಅಧಿಕಾರಿಗಳಿಗೆ ಕಿರುಕುಳ ಮತ್ತು ಕೀಳರಿಮೆಯನ್ನುಂಟು ಮಾಡಿದ ಕಾರಣ ಆಕೆಯನ್ನು ಬಂಧಿಸಲಾಗಿದೆ.

ಪಿನೆಲ್ಲಾಸ್ ಕೌಂಟಿಯ ಕಾರ್ಲಾ ಜೆಫರ್ಸನ್ ಅವರು ಈ ವರ್ಷ ಬರೋಬ್ಬರಿ 12,512 ಬಾರಿ ಪೊಲೀಸ್ ಇಲಾಖೆಗೆ ತುರ್ತು ಕರೆ ಮಾಡಿದ್ದಾರೆ. ಕರೆ ಮಾಡಿ ಪೊಲೀಸರಿಗೆ ಕಿರುಕುಳ, ಕೀಳರಿಮೆ, ವಾದ ಮಾಡುವುದು ಮಾಡಿದ್ದಾರೆ. ಈ ಹಿನ್ನೆಲೆ ಆಕೆಯ ವಿರುದ್ಧ ಪ್ರಕರಣ ದಾಖಲಸಿ, ಬಂಧಿಸಲಾಗಿದೆ.

ಮನೆಯಲ್ಲೊಬ್ಬ ಮನದಲ್ಲೊಬ್ಬ ಎಂದಾಕೆ ಕೃಷ್ಣನ ಜನ್ಮಸ್ಥಾನ ಸೇರಿದ್ದೇಕೆ? ಇಲ್ಲಿದೆ ಸಂಪೂರ್ಣ ಮಾಹಿತಿಮನೆಯಲ್ಲೊಬ್ಬ ಮನದಲ್ಲೊಬ್ಬ ಎಂದಾಕೆ ಕೃಷ್ಣನ ಜನ್ಮಸ್ಥಾನ ಸೇರಿದ್ದೇಕೆ? ಇಲ್ಲಿದೆ ಸಂಪೂರ್ಣ ಮಾಹಿತಿ

ಸೇಂಟ್ ಪೀಟರ್ಸ್‌ಬರ್ಗ್ ಪೊಲೀಸ್ ಇಲಾಖೆಗೆ ಬರುವ ಎಲ್ಲಾ ಒಳಬರುವ ಕರೆಗಳಲ್ಲಿ 10% ರಷ್ಟು ಆಕೆಯ ಪುನರಾವರ್ತಿತ ಮತ್ತು ನಿರಂತರ ಕರೆಗಳು ಇರುತ್ತವೆ. ಕರೆ ದಟ್ಟಣೆಗೂ ಆಕೆಯ ಕರೆಗಳೆ ಕಾರಣವೆಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.

ಕಳೆದ ತಿಂಗಳು, ಜೆಫರ್ಸನ್ 24 ಗಂಟೆಗಳ ಅವಧಿಯಲ್ಲಿ 512 ಬಾರಿ ಪೊಲೀಸರಿಗೆ ಕರೆ ಮಾಡಿದ್ದಾರೆ. ನ್ಯಾಯಾಲಯದ ಮುಂದೆ ಪೊಲೀಸರು ಸಲ್ಲಿಸಿರುವ ಅಫಿಡವಿಟ್‌ನಲ್ಲಿ ಆಕೆಯ ಈ ಕರೆಗಳನ್ನು "ಅಶ್ಲೀಲ, ಬೆದರಿಕೆ ಮತ್ತು ಅವಾಚ್ಯ" ಎಂದು ವಿವರಿಸಿದ್ದಾರೆ.

"ಆಕೆ ಯಾವುದೇ ಪೋಲೀಸ್ ಸೇವೆಗಳನ್ನು ಪಡೆಯಲು ಕರೆ ಮಾಡುವುದಿಲ್ಲ. ಕೇವಲ ಕಿರುಕುಳ ನೀಡಲು ಮತ್ತು ಕರೆ ತೆಗೆದುಕೊಳ್ಳುವವರನ್ನು ಕೀಳುಗೊಳಿಸಲು ಕರೆ ಮಾಡುತ್ತಾರೆ. ಆಕೆಯ ಕರೆಗಳಿಂದ ಸಾಮಾನ್ಯ ನಿವಾಸಿಗಳಿಗೆ ಪ್ರತಿಕ್ರಿಯಿಸುವ ನಮ್ಮ ಸಾಮರ್ಥ್ಯಕ್ಕೆ ಅಡ್ಡಿಯಾಗುತ್ತಿವೆ" ಎಂದು ಪೊಲೀಸ್ ವಕ್ತಾರ ಯೋಲಾಂಡಾ ಫರ್ನಾಂಡೀಸ್ ತಿಳಿಸಿದ್ದಾರೆ.

ಪೊಲೀಸರು ಜೂನ್‌ನಲ್ಲಿ ಪಿನೆಲ್ಲಾಸ್ ಕೌಂಟಿಯ ಕಾರ್ಲಾ ಜೆಫರ್ಸನ್ ಅವರಿಗೆ ನೋಟಿಸ್ ಕೂಡ ಕಳುಹಿಸಿದ್ದಾರೆ, ಆಕೆ ಸುಮ್ಮನೆ ಕರೆ ಮಾಡುವುದನ್ನು ನಿಲ್ಲಿಸದಿದ್ದರೇ ಬಂಧಿಸುವುದಾಗಿ ಬೆದರಿಕೆ ಹಾಕಿದ್ದಾರೆ. ಆದರೆ ನೋಟಿಸ್ ಪಡೆದ ನಂತರವೂ, ಆಕೆ ಪೊಲೀಸರಿಗೆ ಕರೆ ಮಾಡಿ ಅಧಿಕಾರಿಗಳು ತನ್ನನ್ನು ಬಂಧಿಸಬೇಕೆಂದು ಒತ್ತಾಯಿಸಿದ್ದಾರೆ.

ಆಕೆ ಪದೇ ಪದೇ ಕರೆ ಮಾಡುವುದನ್ನು ಮುಂದುವರೆಸಿದ ಕಾರಣ ಆಕೆಯನ್ನು ಬಂಧಿಸಲಾಗಿದೆ. ನಂತರ ಬಿಡುಗಡೆ ಮಾಡಲಾಯಿತು. ಮಹಿಳೆಯ ವಿರುದ್ಧ ಈ ಮೊದಲು ಕೂಡ ಅಪರಾಧ ಪ್ರಕರಣಗಳಿದ್ದು, ಹಲವಾರು ವರ್ಷಗಳ ಕಾಲ ಜೈಲಿನಲ್ಲಿ ಕಳೆದಿದ್ದಾರೆ ಎಂದು ಪೋಲೀಸ್ ತನ್ನ ವರದಿಯಲ್ಲಿ ತಿಳಿಸಿದೆ.

English summary
A woman in Florida has been Arrested For Calling police More Than 12,000 Times To Abuse Officers. know more.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X