ಉಡುಪಿಯಲ್ಲಿ 144 ಸೆಕ್ಷನ್ ಜಾರಿಯಿದ್ದರೂ ತೆರೆದ ಅಂಗಡಿಗಳು

ಉಡುಪಿ, ಮಾರ್ಚ್ 23: ಉಡುಪಿಯಲ್ಲಿ ಸೆಕ್ಷನ್ 144 ಜಾರಿಯಲ್ಲಿದ್ದರೂ ಅಂಗಡಿ ಮುಂಗಟ್ಟುಗಳನ್ನು ವ್ಯಾಪಾರಸ್ಥರು ತೆರೆದಿದ್ದಾರೆ. ಬಂದ್ ಮಾಡಿ ಎಂದು ನಗರಸಭೆ ಆಯುಕ್ತರು ಎಷ್ಟೇ ಹೇಳಿದರೂ ವ್ಯಾಪಾರಿಗಳು ಕೇಳಲಿಲ್ಲ.

ಮಾತಿಗೆ ಬಗ್ಗದ ವ್ಯಾಪಾರಿಗಳ ಮೇಲೆ ನಗರಸಭೆ ಆಯುಕ್ತರು ಕೆಂಡಾಮಂಡಲರಾದ ಪ್ರಸಂಗ ನಡೆಯಿತು. ಅಂಗಡಿ ಮುಚ್ಚದಿದ್ದರೆ ಲೈಸನ್ಸ್ ರದ್ದು ಮಾಡುತ್ತೇನೆ ಎಂದು ನಗರಸಭೆ ಆಯುಕ್ತ ಆನಂದ್ ಕಲ್ಲೋಲಿಕರ್ ಗುಡುಗಿದರು.

ಪೌರಾಯುಕ್ತರು ಹೀಗೆ ಹೇಳುತ್ತಿದ್ದಂತೆಯೇ ದಡಬಡನೆ ಅಂಗಡಿ ಬಾಗಿಲುಗಳು ಮುಚ್ಚಿದವು. ಉಡುಪಿ ನಗರ ಭಾಗದ ಎಲ್ಲಾ ಅಂಗಡಿಗಳನ್ನು ಪೌರಾಯುಕ್ತರು ಮುಚ್ಚಿಸಿದ್ದಾರೆ.

ದಿನದ ಅಗತ್ಯ ವಸ್ತುಗಳನ್ನು ಹೊರತುಪಡಿಸಿ ಬೇರೆಲ್ಲಾ ಅಂಗಡಿಗಳನ್ನು ಮುಚ್ಚಿಸಿದ್ದು, ಉಡುಪಿ ನಗರದಲ್ಲಿ ಕೊರೊನಾ ವೈರಸ್ ಹರಡುವಿಕೆ ತಡೆಯಲು ನಗರಸಭೆಯಿಂದ ಕಠಿಣ ಕ್ರಮ ತೆಗೆದುಕೊಳ್ಳಲಾಗಿದೆ.

English summary

All shops in Udupi city area have been closed by Muncipality Commissioner.