Virat Kohli: ಕೊಹ್ಲಿ ಶತಕದ ಬಗ್ಗೆ ಸಚಿನ್, ಅನುಷ್ಕಾ ಹೇಳಿದ್ದೇನು? ಇನ್ನಿಂಗ್ಸ್ ಬಳಿಕ ಕೊಹ್ಲಿ ಏನಂದ್ರು?

ಭಾರತೀಯ ಕ್ರಿಕೆಟ್ ಅಭಿಮಾನಿಗಳ ಬಹಳ ದಿನದ ಕನಸು ಕೊನೆಗೂ ನನಸಾಗಿದೆ. ಕ್ರಿಕೆಟ್‌ ದೇವರ 49 ಶತಕಗಳ ದಾಖಲೆಯನ್ನು ಕಿಂಗ್ ಕೊಹ್ಲಿ ಸರಿಗಟ್ಟಿದ್ದಾರೆ. ಹೌದು, ಭಾರತದ ಕ್ರಿಕೆಟ್ ಕಾಶಿ ಈಡನ್ ಗಾರ್ಡನ್ಸ್ ಅಂಗಳದಲ್ಲಿ ತಮ್ಮ ಹುಟ್ಟು ಹಬ್ಬದ ದಿನವೇ ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಶತಕ ಗಳಿಸಿ ಮಿಂಚಿದರು.

ವಿರಾಟ್ ಕೊಹ್ಲಿ ಶತಕ ಗಳಿಸಿದ ನಂತರ ವಿಶ್ವದಾದ್ಯಂತ ಕ್ರಿಕೆಟ್ ಪ್ರೇಮಿಗಳು ಸಂತಸ ವ್ಯಕ್ತಪಡಿಸಿದ್ದಾರೆ. ಹಲವು ಮಾಜಿ ಕ್ರಿಕೆಟಿಗರು ಕೊಹ್ಲಿ ಸಾಧನೆಯನ್ನು ಹಾಡಿ ಹೊಗಳಿದ್ದಾರೆ, ಇನ್ನು ಸ್ವತಃ ಸಚಿನ್ ತೆಂಡೂಲ್ಕರ್ ಕೂಡ ವಿರಾಟ್ ಕೊಹ್ಲಿ ಶತಕ ಗಳಿಸಿದ ನಂತರ ಅಭಿನಂದನೆ ತಿಳಿಸಿದ್ದಾರೆ.

50ನೇ ಶತಕ ಗಳಿಸಲು ಹಾರೈಕೆ

ಸಾಮಾಜಿಕ ಮಾಧ್ಯಮದಲ್ಲಿ ಸಂದೇಶ ಹಂಚಿಕೊಂಡಿರುವ ಸಚಿನ್ ತೆಂಡೂಲ್ಕರ್ ವಿರಾಟ್ ಕೊಹ್ಲಿಗೆ ಅಭಿನಂದನೆ ಸಲ್ಲಿಸಿದರು. "ವಿರಾಟ್ ಚೆನ್ನಾಗಿ ಆಡಿದ್ದಾರೆ. ಈ ವರ್ಷದ ಆರಂಭದಲ್ಲಿ 49 ರಿಂದ 50 ಕ್ಕೆ ಹೋಗಲು ನನಗೆ 365 ದಿನಗಳು ಬೇಕಾಯಿತು. ನೀವು 49 ರಿಂದ 50 ಕ್ಕೆ ಹೋಗಿ ಮುಂದಿನ ಕೆಲವು ದಿನಗಳಲ್ಲಿ ನನ್ನ ದಾಖಲೆಯನ್ನು ಮುರಿಯುತ್ತೀರಿ ಎಂದು ನಾನು ಭಾವಿಸುತ್ತೇನೆ. ಅಭಿನಂದನೆಗಳು!!" ಎಂದು ಹೇಳಿದ್ದಾರೆ.

Well played Virat.
It took me 365 days to go from 49 to 50 earlier this year. I hope you go from 49 to 50 and break my record in the next few days.
Congratulations!!#INDvSA pic.twitter.com/PVe4iXfGFk

— Sachin Tendulkar (@sachin_rt) November 5, 2023

ಸಚಿನ್ ಏಪ್ರಿಲ್ 24, 2023ರಂದು 50ನೇ ವರ್ಷಕ್ಕೆ ಕಾಲಿಟ್ಟಿದ್ದನ್ನು ಇಲ್ಲಿ ಸೂಚ್ಯವಾಗಿ ಹೇಳಿದ್ದಾರೆ. ಸಚಿನ್ ತೆಂಡೂಲ್ಕರ್ ತಮ್ಮ ಸಾಮಾಜಿಕ ಮಾಧ್ಯಮ ವೇದಿಕೆಯಲ್ಲಿ ಹಾಸ್ಯದ ಸಂದೇಶವನ್ನು ಕಳುಹಿಸಿದ್ದಾರೆ. 49 ರಿಂದ 50 ವರ್ಷ ತುಂಬಲು ತನಗೆ 365 ದಿನಗಳು ಬೇಕಾಯಿತು ಎಂದು ಅವರು ಹೇಳಿಕೊಂಡರು. ಕೊಹ್ಲಿ ಶೀಘ್ರದಲ್ಲೇ 50ನೇ ಶತಕ ಸಿಡಿಸಲಿ ಎಂದು ಹಾರೈಸಿದ್ದಾರೆ.

ಪತ್ನಿ ಅನುಷ್ಕಾರಿಂದ ಕೂಡ ಅಭಿನಂದನೆ

ಇನ್ನು ವಿರಾಟ್ ಕೊಹ್ಲಿ ಶತಕ ಗಳಿಸಿದ ನಂತರ ಪತ್ನಿ ಅನುಷ್ಕಾ ಶರ್ಮಾ ಕೂಡ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಕೊಹ್ಲಿ ಫೋಟೊ ಹಂಚಿಕೊಂಡಿದ್ದು, ಅಭಿನಂದನೆ ಸಲ್ಲಿಸಿದ್ದಾರೆ. 'ನಿಮ್ಮ ಜನ್ಮದಿನದಂದು ನಿಮಗಾಗಿ ನಿಮ್ಮದೇ ಉಡುಗೊರೆ' ಎಂದು ಕೊಹ್ಲಿ ಶತಕವನ್ನು ಸಂಭ್ರಮಿಸಿದ್ದಾರೆ.

ಶತಕ ಸಿಡಿಸಿದ ಬಳಿಕ ಕೊಹ್ಲಿ ಹೇಳಿದ್ದೇನು?

ಇನ್ನು ಭಾರತದ ಇನ್ನಿಂಗ್ಸ್ ಮುಗಿದ ಬಳಿಕ ಮಾತನಾಡಿದ ವಿರಾಟ್ ಕೊಹ್ಲಿ, "ನನಗೆ ಆಡಲು ಅವಕಾಶ ನೀಡಿದ್ದಕ್ಕಾಗಿ ಮತ್ತು ತಂಡದ ಯಶಸ್ಸಿಗೆ ಕೊಡುಗೆ ನೀಡಿದ ದೇವರಿಗೆ ನಾನು ಆಭಾರಿಯಾಗಿದ್ದೇನೆ. ಈ ಮಹಾನ್ ಸ್ಥಳದಲ್ಲಿ ಈ ದೊಡ್ಡ ಗುಂಪಿನ ಮುಂದೆ ನನ್ನ ಜನ್ಮದಿನದಂದು ನೂರು ರನ್ ಗಳಿಸುವುದು ಅದ್ಭುತವಾಗಿದೆ. ಪಿಚ್ ನಿಧಾನವಾಗಿದೆ, ನಾವು ಗುಣಮಟ್ಟದ ಬೌಲಿಂಗ್ ಲೈನ್-ಅಪ್ ಅನ್ನು ಹೊಂದಿದ್ದೇವೆ, ನಾವು ಉತ್ತಮವಾಗಿ ಆಡಬೇಕಾಗಿವೆ, ವಿಕೆಟ್ ಪಡೆಯುವುದು ಪ್ರಮುಖವಾಗಿವೆ, ಜೋಡಿಯನ್ನು ಬೇಗ ಪಡೆಯುವುದು ಈ ಪಿಚ್‌ನ ವರ್ತನೆಯೊಂದಿಗೆ ಅವರನ್ನು ಒತ್ತಡಕ್ಕೆ ಒಳಪಡಿಸುತ್ತದೆ," ಎಂದು ವಿರಾಟ್ ಕೊಹ್ಲಿ ಹೇಳಿದರು.

English summary

Sachin Tendulkar Extends Congratulations to Virat Kohli for His 49th ODI Century, Equaling the World Record of 49 ODI Centuries Set by Tendulkar. Anushka Sharma Also Congratulate Kohli.