ಬಿಹಾರದಲ್ಲಿ ಚಿರಾಗ್ ಇಸ್ ಕಿಂಗ್, ಎಲ್ಜೆಪಿ ಇಸ್ ಕಿಂಗ್ ಮೇಕರ್
ಪಾಟ್ನಾ, ಅ.12: ಕೇಂದ್ರದ ಮಾಜಿ ಸಚಿವ ರಾಮ್ ವಿಲಾಸ್ ಪಾಸ್ವಾನ್ ಅವರ ನಿಧನದಿಂದ ಲೋಕ ಜನ ಶಕ್ತಿ ತೀವ್ರವಾಗಿ ನೊಂದಿದೆ. ಆದರೆ, ಅವರ ಆಸೆಯಂತೆ ಚಿರಾಗ್ ಪಾಸ್ವಾನ್ ಅವರನ್ನು ಬಿಹಾರ ಸಿಎಂ ಆಗಿ ಈ ಬಾರಿ ನೋಡುವುದು ನಿಶ್ಚಿತ. ಬಿಹಾರದಲ್ಲಿ ಎಲ್ಜೆಪಿ ಕಿಂಗ್ ಮೇಕರ್ ಆಗಲಿದೆ ಎಂದು ಲೋಕ ಜನಶಕ್ತಿ ಪಕ್ಷದ ಕರ್ನಾಟಕ ಅಧ್ಯಕ್ಷ ಜಗನ್ನಾಥ್ ಅವರು ಖಾಸಗಿ ವಾಹಿನಿ ಜೊತೆ ಮಾತನಾಡುತ್ತಾ ಹೇಳಿದ್ದಾರೆ.
ಬಿಹಾರದಲ್ಲಿ ಕಳೆದ ಬಾರಿ 33 ಸ್ಥಾನವನ್ನು ಗೆದ್ದಿದ್ದ ಎಲ್ಜೆಪಿ ಬಗ್ಗೆ ಅಪಾರ ನಿರೀಕ್ಷೆಯಿದೆ. ಸಿ ಎಂ ಆಗಿ ನಿತೀಶ್ ಕುಮಾರ್ ಅವರು ವಿಫಲರಾಗಿದ್ದು, ಬಿಹಾರ ಮೊದಲು, ಬಿಹಾರಿ ಮೊದಲು ಎಂಬುದು ಮನೆ ಮನೆ ಮಾತಾಗಿದೆ. ಚಿರಾಗ್ ಅವರು ಕೊವಿಡ್ 19 ಸಂಕಷ್ಟದ ಸಂದರ್ಭದಲ್ಲಿ ಬಿಹಾರಿಗಳ ಜೊತೆ ನಿಂತಿದ್ದಾರೆ.
ಎನ್ಡಿಎ ಮೈತ್ರಿಕೂಟದಿಂದ ಹೊರ ಬಂದಿರುವುದಕ್ಕೂ ನಿತೀಶ್ ಹಾಗೂ ಜೆಡಿಯು ಧೋರಣೆಯೇ ಕಾರಣ. ಬಿಜೆಪಿ ಜೊತೆ ಎಲ್ಜೆಪಿ ಚೆನ್ನಾಗಿದೆ ಎಂದು ಹೇಳಿದರು.
ರಾಮ್ ವಿಲಾಸ್ ಪಾಸ್ವಾನ್ ಅವರು ಬಿಹಾರಕ್ಕಾಗಿ ಸಾಕಷ್ಟು ಮಾಡಿದ್ದಾರೆ. ಈಗ ಅಲ್ಲಿನ ಜನರು ಚಿರಾಗ್ ಆಯ್ಕೆ ಮಾಡಿ ತಮ್ಮ ಅಭಿಮಾನ ಮೆರೆಯಲಿದ್ದಾರೆ ಎಂಬ ನಂಬಿಕೆಯಿದೆ ಎಂದು ಜಗನ್ನಾಥ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
Click it and Unblock the Notifications
Sign in with Google