ನರೇಂದ್ರ ಮೋದಿ ಭೇಟಿಗೆ ಬಂದ ಆ 'ಸ್ಪೆಶಲ್ ಫ್ರೆಂಡ್' ಯಾರು?!
ನವದೆಹಲಿ, ಜುಲೈ 23: "ಇಂದು ಸಂಸತ್ತಿನಲ್ಲಿ ನನ್ನನ್ನು ಭೇಟಿ ಮಾಡಲು ಒಬ್ಬರು ತುಂಬಾ ವಿಶೇಷ ಸ್ನೇಹಿತ ಬಂದಿದ್ದರು" ಎಂಬ ಅಡಿಬರಹದೊಂದಿಗೆ ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ಇನ್ ಸ್ಟಾಗ್ರಾಂ ಖಾತೆಯಲ್ಲಿ ಚಿತ್ರವೊಂದನ್ನು ಪೋಸ್ಟ್ ಮಾಡಿದ್ದಾರೆ.
ಮುದ್ದಾಗ ಮಗುವಿನೊದಿಗೆ ಮೋದಿ ಸಮಯ ಕಳೆಯುತ್ತಿರುವ ಈ ಚಿತ್ರ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಅಷ್ಟಕ್ಕೂ ಮೋದಿಯವರ ಆ ವಿಶೇಷ ಸ್ನೇಹಿತ, ಆ ಮಗು ಯಾರು?
ಈ ಮಗು ಮಧ್ಯಪ್ರದೇಶದ ಉಜ್ಜೈನಿ ಕ್ಷೇತ್ರದ ಬಿಜೆಪಿ ಸಂಸದ ಸತ್ಯನಾರಾಯಣ ಜಾಟಿಯಾ ಅವರ ಮೊಮ್ಮಗಳು ಎನ್ನಲಾಗಿದೆ. ಪ್ರಧಾನಿ ಮೋದಿ ಅವರ ಭೇಟಿಗೆಂದು ಸತ್ಯನಾರಾಯಣ ಅವರ ಕುಟುಂಬ ಸಂಸತ್ತಿಗೆ ಬಂದಿದ್ದಾಗ ಅವರ ಮೊಮ್ಮಗಳನ್ನು ಮೋದಿ ಆಡಿಸಿ, ಕೆಲ ಸಮಯ ಕಳೆದರು.
ಮುದ್ದು ಮುದ್ದಾದ ಈ ಪುಟ್ಟ ಮಗುವಿಗೆ ಪ್ರಧಾನಿ ಟೇಬಲ್ ಮೇಲಿರುವ ಚಾಕೋಲೇಟ್ ಮೇಲೆ ಕಣ್ಣು!
ಈ ಚಿತ್ರವನ್ನು ಮೋದಿ ಇನ್ ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ ಕೇವಲ 30 ನಿಮಿಷದಲ್ಲಿ 5 ಲಕ್ಷಕ್ಕೂ ಹೆಚ್ಚು ಜನ ಅದನ್ನು ಲೈಕ್ ಮಾಡಿದ್ದಾರೆ.
Click it and Unblock the Notifications
Sign in with Google