ಕಾಲ್, ಚಾಟ್ ಸೇವೆಗಳಿಗೆ ಶುಲ್ಕ ನಿಗದಿಸಲಿರುವ ವಾಟ್ಸಾಪ್
ನವದೆಹಲಿ, ಸೆಪ್ಟೆಂಬರ್ 8: ತಾನು ನೀಡುತ್ತಿರುವ ಕಾಲ್ ಹಾಗೂ ಚಾಟ್ ಸೇವೆಗಳಿಗೆ ಶೀಘ್ರದಲ್ಲೇ ಶುಲ್ಕ ಪದ್ಧತಿಯನ್ನು ಜಾರಿಗೊಳಿಸಲು ವಾಟ್ಸಾಪ್ ನಿರ್ಧರಿಸಿದೆ.
ಆದರೆ, ಈ ಶುಲ್ಕ ನಿಗದಿಯು ವಾಟ್ಸಾಪ್ ಸದ್ಯಕ್ಕೆ ನೀಡುತ್ತಿರುವ ಬ್ಯುಸಿನೆಸ್ ಸೇವೆಗಳಿಗೆ ಮಾತ್ರ ಅನ್ವಯಿಸಲಿದೆ ಎಂದು ಹೇಳಲಾಗಿದೆ. ಸಣ್ಣ ಪುಟ್ಟ ಕಂಪನಿಗಳು ಸದ್ಯಕ್ಕೆ ಈ ಸೇವೆಯನ್ನು ಉಪಯೋಗಿಸುತ್ತಿವೆ.
ವಾಟ್ಸಾಪ್ ಗ್ರೂಪ್ ಗಳ ಮೂಲಕ ತಮ್ಮ ಸಹವರ್ತಿಗಳೊಂದಿಗೆ ಮಾತುಕತೆ, ಗ್ರಾಹಕರೊಂದಿಗೆ ನೇರ ಮಾಹಿತಿ ವಿನಿಮಯ ಮುಂತಾದವುಗಳನ್ನು ಆಯಾ ಕಂಪನಿಗಳು ವಿಡಿಯೋ ಕಾಲ್ ಅಥವಾ ಚಾಟಿಂಗ್ ಮೂಲಕ ನಡೆಸುತ್ತಿವೆ. ಈ ಸೇವೆಗಳನ್ನು ಶೀಘ್ರದಲ್ಲೇ ಮೇಲ್ಮಟ್ಟಕ್ಕೆ ಏರಿಸಲಿರುವ ಸಂಸ್ಥೆಯು ಆ ಹೊಸ ಫೀಚರ್ ಗಳನ್ನು ಹೊಂದಲು ಶುಲ್ಕವನ್ನು ನಿಗದಿಪಡಿಸಲಿದೆ.
ಪ್ರಸ್ತುತ ವಾಟ್ಸಾಪ್ ಬಳಕೆ ಈಗ ಸುಮಾರು 100 ದೇಶಗಳಲ್ಲಿದೆ. 1.2 ಬಿಲಿಯನ್ ಗ್ರಾಹಕರು ಇದನ್ನು ಉಪಯೋಗಿಸುತ್ತಿದ್ದಾರೆ. ಆದರೂ, ಸಂಸ್ಥೆಗೆ ಹಣದ ಹರಿವು ಅಷ್ಟಕ್ಕಷ್ಟೇ ಆಗಿರುವುದರಿಂದ ಇದರ ಕೆಲವು ಸೇವೆಗಳಿಗೆ ವ್ಯಾವಹಾರಿಕ ರೂಪ ಕೊಡಲು ಸಂಸ್ಥೆ ನಿರ್ಧರಿಸಿದೆ.
Click it and Unblock the Notifications
Sign in with Google