ನನ್ನ ಹಣಕಾಸು ವ್ಯವಹಾರಗಳಿಗೂ ವಾದ್ರಾಗೂ ಸಂಬಂಧವಿಲ್ಲ: ಪ್ರಿಯಾಂಕಾ

ಹರ್ಯಾಣದ ಫರೀದಾಬಾದ್ ನಲ್ಲಿ ಪ್ರಿಯಾಂಕಾ ಅವರು ಐದು ಎಕರೆ ಭೂಮಿ ಖರೀದಿಸಿರುವುದರ ಬಗ್ಗೆ ನಕಾರಾತ್ಮಕ ವರದಿ ನೀಡಿದ್ದ ಮಾಧ್ಯಮಗಳಿಗೆ ತಿರುಗೇಟು ನೀಡಿರುವ ಪ್ರಿಯಾಂಕಾ.

ನವದೆಹಲಿ, ಏಪ್ರಿಲ್ 28: ತಮ್ಮ ಯಾವುದೇ ಆರ್ಥಿಕ ವ್ಯವಹಾರಗಳು ತಮ್ಮ ಪತಿ ರಾಬರ್ಟ್ ವಾದ್ರಾಗೆ ಸಂಬಂಧಪಟ್ಟಿರುವುದಿಲ್ಲ ಎಂದು ಪ್ರಿಯಾಂಕಾ ಗಾಂಧಿ ಸ್ಪಷ್ಟಪಡಿಸಿದ್ದಾರೆ.

ಹರ್ಯಾಣದ ಫರೀದಾಬಾದ್ ನಲ್ಲಿ ಪ್ರಿಯಾಂಕಾ ಅವರು ಐದು ಎಕರೆ ಭೂಮಿ ಖರೀದಿಸಿರುವುದರ ಬಗ್ಗೆ ನಕಾರಾತ್ಮಕ ವರದಿ ನೀಡಿದ್ದ ಮಾಧ್ಯಮಗಳು, ಪ್ರಿಯಾಂಕಾ ಪತಿ ರಾಬರ್ಟ್ ವಾದ್ರಾ ಅವರು ಡಿಎಲ್ಎಫ್ ಹಗರಣದಲ್ಲಿ ಪಡೆದ ಹಣದ ಒಂದು ಭಾಗದಿಂದ ಫರೀದಾಬಾದ್ ನಲ್ಲಿ ಪ್ರಿಯಾಂಕಾ ಭೂಮಿ ಖರೀದಿಸಿದ್ದಾರೆಂದು ಹೇಳಿದ್ದವು.[ರಾಹುಲ್ ಬಿಟ್ಟರೆ ಕಾಂಗ್ರೆಸ್ ಮುನ್ನಡೆಸುವ ತಾಕತ್ತು ಯಾರಿಗಿದೆ?]

ಈ ಬಗ್ಗೆ ಸ್ಪಷ್ಟನೆ ನೀಡಿರುವ ಅವರು, ನನ್ನ ಬಾಡಿಗೆ ಆದಾಯದಿಂದ ನಾನು ಭೂಮಿ ಖರೀದಿಸಿದ್ದೇನೆ. ಇದರಲ್ಲಿ ರಾಬರ್ಟ್ ವಾದ್ರಾ ಅವರ ಪಾತ್ರವೇನೂ ಇಲ್ಲ ಅಥವಾ ವಾದ್ರಾ ಅವರ ಸ್ಕೈಲೈನ್ ಕಂಪನಿಗೂ ಯಾವುದೇ ಸಂಬಂಧವಿಲ್ಲ ಎಂದು ಅವರು ತಿಳಿಸಿದ್ದಾರೆ.[ರಾಯ್ ಬರೇಲಿ ಸಭೆಯಲ್ಲಿ ಪ್ರಧಾನಿ ಮೋದಿಯನ್ನು ಪ್ರಿಯಾಂಕ ಕೆಣಕಿದ್ದು ಹೀಗೆ!]

ಫರೀದಾಬಾದ್ ನ ಅಮೀಪುರ ಎಂಬಲ್ಲಿ 2006ರಲ್ಲಿ ಪ್ರಿಯಾಂಕಾ ಅವರು, 5 ಎಕರೆ ಜಾಗವನ್ನು ಸುಮಾರು 15 ಲಕ್ಷ ಕೊಟ್ಟು ಖರೀದಿಸಿದ್ದರು. ಆನಂತರ, ನಾಲ್ಕು ವರ್ಷಗಳ ನಂತರ, 2010ರ ಫೆಬ್ರವರಿ 17ರಂದು ಅದೇ ಜಮೀನನ್ನು ಮಾರಾಟ ಮಾಡಿದವರಿಗೇ ಪುನಃ ಮಾರಾಟ ಮಾಡಿದ್ದ ಪ್ರಿಯಾಂಕಾ ಅದರಿಂದ ಸುಮಾರು 80 ಲಕ್ಷ ರು. ಗಳಿಸಿದ್ದರು.

English summary

Priyanka Gandhi Vadra today said her finances had nothing to do with those of her husband Robert Vadras or his company Skylight Hospitality which is under Haryana governments scanner over its land deals with realty major DLF.