ನವದೆಹಲಿಯಲ್ಲಿ ಲಷ್ಕರ್ ಉಗ್ರ ಹಬೀಬುಲ್ ಬಂಧನ
ನವದೆಹಲಿ, ಆಗಸ್ಟ್ 06: ಲಷ್ಕರ್ ಇ ತೋಯ್ಬಾ ಉಗ್ರ ಸಂಘಟನೆಗೆ ಸೇರಿರುವ ಹಬೀಬುರ್ ರಹ್ಮಾನ್ ಎಂಬಾತನನ್ನು ಇಂದಿರಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕಳೆದ ರಾತ್ರಿ ಬಂಧಿಸಿರುವುದಾಗಿ ರಾಷ್ಟ್ರೀಯ ತನಿಖಾ ದಳ(ಎನ್ಐಎ) ಹೇಳಿದೆ.
On August 5, NIA arrested Habibur Rahman, one of the handlers of LeT terrorist Shaikh Abdul Naeem who was initially arrested in 2007 while trying to infiltrate two Pakistani and one Kashmiri terrorist into India through Bangladesh.
— ANI (@ANI) August 6, 2018
2008ರ ಮುಂಬೈ ಉಗ್ರರ ದಾಳಿಯ ರುವಾರಿ ಹಫೀಜ್ ಸಯೀದ್ ನ ಪರಮಾಪ್ತನಾದ ಹಬೀಬುರ್ ನನ್ನು ಬಂಧಿಸಿ, ವಿಚಾರಣೆಗೊಳಪಡಿಸಲಾಗುತ್ತಿದೆ.
2007ರಲ್ಲಿ ಬಂಧಿತನಾದ ಲಷ್ಕರ್ ಉಗ್ರ ಶೇಖ್ ಅಬ್ದುಲ್ ನಯೀಮ್ ಹಾಗೂ ಆತನ ಸಹಚರರನ್ನು ಹಬೀಬುರ್ ನಿಯಂತ್ರಿಸುತ್ತಿದ್ದ. ಒಬ್ಬ ಕಾಶ್ಮೀರಿ ಮೂಲದ ಉಗ್ರ ಹಾಗೂ ಇಬ್ಬರು ಪಾಕಿಸ್ತಾನಿಗಳನ್ನು ಬಾಂಗ್ಲಾದೇಶದ ಗಡಿ ಮೂಲಕ ಭಾರತದ ಗಡಿಯೊಳಗೆ ಸೇರಿಸಲು ಯತ್ನಿಸಿದ್ದ ಎಂದು ತಿಳಿದು ಬಂದಿದೆ.