ಬ್ರಿಕ್ಸ್ ವಿವಿಗಳಲ್ಲಿ 5ನೇ ಸ್ಥಾನ ಗಳಿಸಿದ ಐಐಎಸ್ ಸಿ
ನವದೆಹಲಿ, ಜುಲೈ, 09 : ಬೆಂಗಳೂರಿನ ಭಾರತೀಯ ವಿಜ್ಞಾನ ಸಂಸ್ಥೆ (ಐಐಎಸ್ ಸಿ) ಬ್ರಿಕ್ಸ್ ವಿಶ್ವವಿದ್ಯಾಲಯಗಳ ಪೈಕಿ 5ನೇ ಸ್ಥಾನ ಪಡೆದುಕೊಂಡಿದೆ. ಜಾಗತಿಕ ಮಟ್ಟದಲ್ಲಿ ಭಾರತೀಯ ವಿಶ್ವವಿದ್ಯಾಲಯಗಳ ಪೈಕಿ ಇದು ಅತ್ಯುತ್ತಮ ಸಾಧನೆ ಎನಿಸಿಕೊಂಡಿದೆ.
ಅಂತಾರಾಷ್ಟ್ರೀಯ ಮಾನ್ಯತಾ ಸಂಸ್ಥೆಯೊಂದು ಸಮೀಕ್ಷೆ ನಡೆಸಿ ಬ್ರಿಕ್ಸ್ನ ಅತ್ಯುತ್ತಮ ವಿಶ್ವವಿದ್ಯಾಲಯಗಳನ್ನು ಆಯ್ಕೆ ಮಾಡಿದೆ. ಸಂಸ್ಥೆ ತನ್ನ ವರದಿಯನ್ನು ಬುಧವಾರ ಬಿಡುಗಡೆ ಮಾಡಿದ್ದು, ಚೀನಾದ ತ್ಸಿನ್ಗುವಾ ವಿಶ್ವವಿದ್ಯಾಲಯ, ಪೀಕಿಂಗ್ ವಿಶ್ವವಿದ್ಯಾಲಯ ಮತ್ತು ಫುಡಾನ್ ವಿಶ್ವವಿದ್ಯಾಲಯ ಅನುಕ್ರಮವಾಗಿ ಮೊದಲ 3 ಸ್ಥಾನಗಳನ್ನು ಹಂಚಿಕೊಂಡಿವೆ[ಇದೇನಪ್ಪಾ ಇದು... ನಗು ಕಲಿಯೋಕೂ ಬಂತು ವಿಶ್ವವಿದ್ಯಾಲಯ]
ಈ 3 ವಿಶ್ವವಿದ್ಯಾಲಯಗಳು ಸೇರಿದಂತೆ ಅಗ್ರ 10 ವಿಶ್ವವಿದ್ಯಾಲಯಗಳ ಪೈಕಿ ಚೀನಾದ ಒಟ್ಟು 7 ವಿಶ್ವವಿದ್ಯಾಲಯಗಳು ಇರುವುದು ಗಮನಾರ್ಹವಾಗಿದೆ. ಅಗ್ರ 50 ವಿಶ್ವವಿದ್ಯಾಲಯಗಳ ಪಟ್ಟಿಯಲ್ಲಿ ಚೀನಾದ 25 ವಿಶ್ವವಿದ್ಯಾಲಯಗಳು ಕಾಣಿಸಿಕೊಂಡಿವೆ.
ಬೆಂಗಳೂರಿನ ಐಐಎಸ್ ಸಿಯ ಬೋಧನಾ ವರ್ಗದ ಅನುಪಾತಕ್ಕೆ ಹೋಲಿಸಿದರೆ ಅಲ್ಲಿ ಅತಿ ಹೆಚ್ಚು ಪೇಪರ್ಗಳು ಸಲ್ಲಿಕೆಯಾಗಿವೆ. ಜೊತೆಗೆ ಜಾಗತಿಕ ಮಟ್ಟದಲ್ಲಿರುವ ಪ್ರಖ್ಯಾತಿ, ಅಂತಾರಾಷ್ಟ್ರೀಕರಣ, ಬೋಧನಾ ವರ್ಗದವರ ಮಟ್ಟ ಮತ್ತು ಸಂಶೋಧನೆಯಿಂದಾಗುವ ಪರಿಣಾಮ ಸೇರಿದಂತೆ ಸುಮಾರು 8 ಅಂಶಗಳ ಮೌಲ್ಯಮಾಪನದಲ್ಲಿ ಅತಿ ಹೆಚ್ಚು ಅಂಕಗಳು ಬಂದಿರುವ ಕಾರಣ ಅದಕ್ಕೆ 5ನೇ ಸ್ಥಾನ ದೊರೆತಿದೆ ಎಂದು ಅಂತಾರಾಷ್ಟ್ರೀಯ ಸಂಸ್ಥೆಯ ವರದಿ ಸ್ಪಷ್ಟಪಡಿಸಿದೆ.