ಮಾರುತಿ 800ನಲ್ಲಿ ಐದು ಸೀಟು, ಬಿಜೆಪಿಗೆ ಮೂರು ಸೀಟು

ಎಕ್ಸಿಟ್ ಪೋಲ್ ಫಲಿತಾಂಶದ ನಂತರ ಸೋಲು ಖಚಿತ ಎನ್ನುವ ಮನಸ್ಥಿತಿಯಲ್ಲಿ ಬಿಜೆಪಿಯವರಿದ್ದರೂ, ಈ ರೀತಿಯ ದಯನೀಯ ಸೋಲು ಎದುರಾಗುತ್ತೆ ಎಂದು ಕನಸು ಮನಸಿನಲ್ಲೂ ನೆನೆಸಿರಲಿಕ್ಕಿಲ್ಲ. ದೆಹಲಿಯ ಮತದಾರ ಎರಡೂ ರಾಷ್ಟೀಯ ಪಕ್ಷಗಳಿಗೆ ತನ್ನ ಶಕ್ತಿ ಏನೆಂಬುದನ್ನು ತೋರಿಸಿಕೊಟ್ಟಿದ್ದಾನೆ.

ಕೇಂದ್ರದಲ್ಲಿ ಅಧಿಕಾರದಲ್ಲಿದ್ದರೂ, ಕೆಲವೇ ತಿಂಗಳ ಹಿಂದೆ ನಡೆದ ಲೋಕಸಭಾ ಚುನಾವಣೆಯಲ್ಲಿ ದೆಹಲಿಯ ಎಲ್ಲಾ ಏಳು ಸೀಟನ್ನು ಗೆದ್ದಿದ್ದ ಬಿಜೆಪಿಗೆ ಈ ಫಲಿತಾಂಶ ಜೀರ್ಣಿಸಲು ಕಷ್ಟವಾಗಬಹುದು. ಇನ್ನು ಶತಮಾನಗಳ ಇತಿಹಾಸವಿರುವ ಕಾಂಗ್ರೆಸ್ ಖಾತೆಯೇ ತೆರೆಯದೇ ತೀವ್ರ ಮುಖಭಂಗ ಅನುಭವಿಸಿದೆ. (ನೆಗಟಿವ್ ಪಬ್ಲಿಸಿಟಿ ಬಿಜೆಪಿ ಸೋಲಿಗೆ ಕಾರಣ)

ಆಪ್ ಜಯಭೇರಿ, ಬಿಜೆಪಿ ಮತ್ತು ಕಾಂಗ್ರೆಸ್ಸಿನ ಸೋಲನ್ನು ಸಾಮಜಿಕ ತಾಣ/ ವಾಟ್ಸಪ್ ನಲ್ಲಿ ಕೆಲವರು ತಮ್ಮದೇ ಶೈಲಿಯಲ್ಲಿ ವರ್ಣಿಸಿಕೊಂಡಿದ್ದಾರೆ. ಅದರೆ ಕೆಲವೊಂದು ಸ್ಯಾಂಪಲ್..

> ಮಾರುತಿ 800 ನಲ್ಲಿ ಐದು ಸೀಟು, ಬಿಜೆಪಿಗೆ ಮೂರು ಸೀಟು
> ಕಳೆದ ದೆಹಲಿ ಅಸೆಂಬ್ಲಿ ಚುನಾವಣೆಯಲ್ಲಿ ಕಾಂಗ್ರೆಸ್ ಶಾಸಕರು (8 ಶಾಸಕರಿದ್ದರು) ಸದನಕ್ಕೆ ಇನ್ನೋವಾದಲ್ಲಿ ಬರುತ್ತಿದ್ದರು, ಈ ಬಾರಿ ಅದರ ಅವಶ್ಯಕತೆಯಿಲ್ಲ.
> ದೆಹಲಿಯಲ್ಲಿ ಮೋದಿ 'ಅಲೆ' ಯಿಲ್ಲ, ಯಾಕೆಂದರೆ ಅಲ್ಲಿ ಸಮುದ್ರವಿಲ್ಲ
> ಗೆದ್ದ ವಾಮನ ಕೇಜ್ರಿವಾಲ, ಜವಾಬ್ದಾರಿ ಹಾಗೂ ನಿರೀಕ್ಷೆ ಹೆಚ್ಚಾಗಿದೆ, ಮರೆಯಬೇಡ ಮಾರಾಯ..
> ಆಪ್ ಬನ್ಗಯಾ ಸಬ್ಕಾ ಬಾಪ್
> ಕಡೆಗೂ ದೆಹಲಿಯಲ್ಲಿ 'ನಕ್ಸಲ್' ಗಳು ಸೇರಿ ಕೊಳೆ ಕಮಲದ ಕಳೆಯನ್ನು ಬುಡ ಸಹಿತ ಕಿತ್ತು ಹಾಕಿದರು.
> ಚುನಾವಣಾ ಸಭೆಯಲ್ಲಿ ಮೋದಿ ಜನರನ್ನು ಕೇಳಿದರು, 'ಮಿತ್ರೋ ಕಿಸ್ಕೋ ವೋಟ್ ಕರೋಗೆ, ಜನ ಹೇಳಿದ್ರು 'ಆಪ್ಕೋ'. ದೆಹಲಿಯ ಜನತೆ ನುಡಿದಂತೆ ನಡೆದರು.
> ಮೋದಿಯ ಅವಸರದ ಬೇಧಿಗೆ ಸರಿಯಾದ ಜಾಪಾಳ ಮಾತ್ರೆ ಕೊಟ್ಟ ಅರವಿಂದ.
> ಕಡೆಗೂ ಕೃಷ್ಣಾನಗರವೂ (ಬೇಡಿ ಸ್ಪರ್ಧಿಸಿದ್ದ ಕ್ಷೇತ್ರ) ಸ್ವಚ್ಚ ಭಾರತದ ಆಂದೋಲನದಲ್ಲಿ ಭಾಯಿಯಾಯಿತು.
> ನೋಡುವ ಹಿಡಿಸೂಡಿ ಹಿಡಿದ ಹೊಸಬರು ಚೆನ್ನಾಗಿ ಗುಡಿಸಿಯಾರು, ಬಿಜೆಪಿಯ ಮೂವರು ಇನ್ನು ಸದನದಲ್ಲಿ ಗೋಲಿ ಆಡಬಹುದು.
> AAP has exceeded expectations, BJP below expectations only Congress met the expectations..

English summary

Delhi Assembly election AAP wins, BJP defeat - messages circulating in whatsApp and Social Media.