Click it and Unblock the Notifications
Just In
-
-
-
Don't Miss
-
'ಮಾರ್ಟಿನ್' ಚಿತ್ರದ ನಿರ್ಮಾಪಕ- ನಿರ್ದೇಶಕರ ಮಧ್ಯೆ ಕಿರಿಕ್: ಕೊನೆಗೂ ಸಿಕ್ತು ಸ್ಪಷ್ಟನೆ -
RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ? -
ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..! -
ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ! -
ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್! -
Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್‌ ಲೈನ್ ಸಮಸ್ಯೆ! ವರದಿ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕಳೆದ 15 ದಿನಗಳಲ್ಲಿ ದೇಶದ ರೆಡ್‌ಜೋನ್‌ಗಳ ಸಂಖ್ಯೆ ಇಳಿಕೆ
ನವ ದೆಹಲಿ, ಮೇ 1: ಕೊರೊನಾ ವೈರಸ್ ಸೋಂಕಿನ ಪ್ರಮಾಣವನ್ನು ಗಮನಿಸಿ ಜಿಲ್ಲೆಗಳನ್ನು ರೆಡ್ ಝೋನ್, ಆರೆಂಜ್ ಝೋನ್ ಹಾಗೂ ಗ್ರೀನ್‌ ಝೋನ್ ಎಂದು ವಿಭಾಗ ಮಾಡಲಾಗಿದೆ. ಲಾಕ್‌ಡೌನ್ ಸಡಿಲಿಕೆ ಸೇರಿದಂತೆ, ಕೆಲವು ನಿಯಮಗಳು ಆಯಾ ವಲಯಕ್ಕೆ ತಕ್ಕ ಹಾಗೆ ಬದಲಾಗುತ್ತವೆ.
ರೆಡ್ ಝೋನ್‌ನಲ್ಲಿ ಅಲ್ಲಿನ ಜಿಲ್ಲಾಡಳಿತ ಹೆಚ್ಚಿನ ಕಟ್ಟಿನಿಟ್ಟಿನ ಕ್ರಮಗಳನ್ನು ಕೈಗೊಳ್ಳುತ್ತಿದೆ. ಪರಿಣಾಮ ದೇಶದಲ್ಲಿ ರೆಡ್ ಝೋನ್‌ಗಳ ಸಂಖ್ಯೆ ಕಡಿಮೆ ಆಗುತ್ತಿದೆ. ಕಳೆದ 15 ದಿನಗಳಲ್ಲಿ ರೆಡ್ ಝೋನ್ ಪ್ರದೇಶಗಳು ಶೇ.23ರಷ್ಟು ಇಳಿಕೆ ಕಂಡಿವೆ. 15 ದಿನಗಳ ಹಿಂದೆ 170 ಜಿಲ್ಲೆಗಳು ಕೆಂಪು ವಲಯದಲ್ಲಿ ಇದ್ದು, ಅದು 130 ಜಿಲ್ಲೆಗಳಿಗೆ ಇಳಿಕೆಯಾಗಿದೆ.
ಸದ್ಯ, ಒಂದು ಜಿಲ್ಲೆಯಲ್ಲಿ ಸತತ 28 ದಿನಗಳ ಕಾಲ ಒಂದೂ ಕೊರೊನಾ ಕೇಸ್ ಪತ್ತೆ ಆಗದೆ ಇದ್ದರೆ, ಅಂತಹ ಜಿಲ್ಲೆಯನ್ನು ಹಸಿರು ವಲಯ ಎಂದು ಪರಿಗಣಿಸಲಾಗುತ್ತದೆ. ಆದರೆ, ಅದರ ಬದಲಾಗಿ ಈ ನಿಯಮವನ್ನು 21 ದಿನಗಳ ಇಳಿಕೆ ಮಾಡಲು ಆರೋಗ್ಯ ಸಚಿವಾಲಯ ಎಲ್ಲ ರಾಜ್ಯಗಳ ಕಾರ್ಯದರ್ಶಿಗಳಿಗೆ ಬರೆದ ಪತ್ರದಲ್ಲಿ ತಿಳಿಸಿದೆ.
ಆರೆಂಜ್ ಝೋನ್‌ಗಳ ಸಂಖ್ಯೆ ಹೆಚ್ಚು
ಆರೆಂಜ್ ಝೋನ್‌ಗಳ ಸಂಖ್ಯೆ 207 ಜಿಲ್ಲೆಗಳಿಂದ 284ಕ್ಕೆ ಏರಿಕೆ ಕಂಡಿದೆ. ಗ್ರೀನ್‌ ಜೋನ್‌ ಗಳ ಸಂಖ್ಯೆ 356 ರಿಂದ 319ಕ್ಕೆ ಇಳಿಕೆಯಾಗಿದೆ. ರೆಡ್‌ನಲ್ಲಿ ಇದ್ದ ಜಿಲ್ಲೆಗಳಲ್ಲಿ ಕೊರೊನಾ ಪ್ರಕರಣಗಳು ಕಡಿಮೆಯಾಗಿದ್ದು, ಅವು ಆರೆಂಜ್ ಝೋನ್‌ಗೆ ಬಂದಿವೆ. ಅದೇ ರೀತಿ ಹಸಿರು ವಲಯದಲ್ಲಿ ಇದ್ದ ಕೆಲವು ಜಿಲ್ಲೆಗಳಲ್ಲಿ ಕೊರೊನಾ ಕೇಸ್ ಹೆಚ್ಚಾಗಿದ್ದು, ಅವೂ ಆರೆಂಜ್ ಝೋನ್‌ಗೆ ಪ್ರದೇಶಿಸಿವೆ.
ಅಸ್ಸಾಂನಲ್ಲಿ ಅತಿ ಹೆಚ್ಚು ಹಸಿರು ವಲಯ
ದೇಶದಲ್ಲಿ ಅಸ್ಸಾಂ ರಾಜ್ಯದಲ್ಲಿ ಅತಿ ಹೆಚ್ಚು ಗ್ರೀನ್‌ ಜೋನ್‌ಗಳು ಇವೆ. ಅಸ್ಸಾಂನಲ್ಲಿ ಒಟ್ಟು 33 ಜಿಲ್ಲೆಗಳು ಇದ್ದು, ಇದರ ಪೈಕಿ 30 ಹಸಿರು ವಲಯದ ಪ್ರದೇಶಗಳಿವೆ. ನಿನ್ನೆ ಅಸ್ಸಾಂನಲ್ಲಿ 4 ಹೊಸ ಕೇಸ್‌ಗಳು ಬಂದಿವೆ. ಅಸ್ಸಾಂನಲ್ಲಿ ಒಟ್ಟು 42 ಕೊರೊನಾ ಕೇಸ್‌ಗಳು ಪತ್ತೆಯಾಗಿವೆ. ಇದರಲ್ಲಿ 29 ಮಂದಿ ಕೊರೊನಾದಿಂದ ಗುಣಮುಖರಾಗಿದ್ದಾರೆ. 12 ಜನರಿಗೆ ಚಿಕಿತ್ಸೆ ನಡೆಯುತ್ತಿದೆ. ಒಬ್ಬ ವ್ಯಕ್ತಿ ಕೊರೊನಾಗೆ ಬಲಿಯಾಗಿದ್ದಾರೆ.
ರೆಡ್ ಝೋನ್‌ನಲ್ಲಿ 7 ಮೆಟ್ರೋ ನಗರಗಳು
ದೇಶದ 7 ಮೆಟ್ರೋ ನಗರಗಳು ಕೆಂಪು ವಲಯದಲ್ಲಿವೆ. ಈ ಪೈಕಿ ದೆಹಲಿ ಹಾಗೂ ಮುಂಬೈನಲ್ಲಿ ಅತಿ ಹೆಚ್ಚು ಕೊರೊನಾ ಕೇಸ್‌ಗಳು ದಾಖಲಾಗಿವೆ. ದೆಹಲಿ ಹಾಗೂ ಮುಂಬೈ ಎರಡು ನಗರಗಳಲ್ಲಿ ಒಟ್ಟು 10 ಸಾವಿರಕ್ಕೂ ಹೆಚ್ಚು ಕೇಸ್‌ಗಳು ದಾಖಲಾಗಿವೆ. ದೆಹಲಿಯಲ್ಲಿ 11 ಕೆಂಪು ವಲಯಗಳಿದ್ದು, ಇಡೀ ದಿಲ್ಲಿಯನ್ನೇ ರೆಡ್ ಝೋನ್ ಎಂದು ಮಾಡಲಾಗಿದೆ.
ಯಾವ ಯಾವ ರಾಜ್ಯಗಳಲ್ಲಿ ರೆಡ್‌ಝೋನ್?
ಕರ್ನಾಟಕದಲ್ಲಿ 3 ರೆಡ್ಜೋನ್ ಇವೆ. ಅದೇ ರೀತಿ ಮಹಾರಾಷ್ಟ್ರದಲ್ಲಿ 14 ರೆಡ್ ಜೋನ್‌, ತಮಿಳುನಾಡು 12 ರೆಡ್ ಜೋನ್‌, ಉತ್ತರ ಪ್ರದೇಶದಲ್ಲಿ 19 ರೆಡ್ಜೋನ್, ಪಶ್ಚಿಮ ಬಂಗಾಳ 10 ರೆಡ್ ಜೋನ್‌, ಗುಜರಾತ್‌ 9 ರೆಡ್ ಜೋನ್‌, ತೆಲಂಗಾಣ 6 ರೆಡ್ ಜೋನ್‌ ಹಾಗೂ ರಾಜಸ್ಥಾನ 8 ರೆಡ್ ಜೋನ್‌ಗಳು ಇವೆ. ಭಾರತದಲ್ಲಿ 35,000ಕ್ಕೂ ಹೆಚ್ಚು ಕೊರೊನಾ ಪ್ರಕರಣಗಳು ಈವರೆಗೆ ಪತ್ತೆಯಾಗಿವೆ.
