Click it and Unblock the Notifications
Just In
-
-
-
Don't Miss
-
3ನೇ ಬಾರಿ ಬಾಹ್ಯಾಕಾಶಕ್ಕೆ ಹಾರಲು ಮುಂದಾದ ಸುನೀತಾ ವಿಲಿಯಮ್ಸ್..! -
Maruti Suzuki: 1 ವರ್ಷದಲ್ಲಿಯೇ ಹೊಸ ದಾಖಲೆ.. 134,735 ಫ್ರಾಂಕ್ಸ್ ಕಾರುಗಳು ಮಾರಾಟ, ಬೆಲೆ ರೂ.7.51 ಲಕ್ಷ -
T20 World Cup 2024: ವೀರೇಂದ್ರ ಸೆಹ್ವಾಗ್ ಆಯ್ಕೆಯ ಭಾರತ ತಂಡದಲ್ಲಿ ಪ್ರಮುಖ ಆಟಗಾರರಿಗೆ ಸ್ಥಾನವಿಲ್ಲ! -
Realme: ರಿಯಲ್ಮಿ ನಾರ್ಜೋ 70 5G, ನಾರ್ಜೋ 70x 5G ಸ್ಮಾರ್ಟ್ಫೋನ್ ಲಾಂಚ್! ಸಖತ್ ಫೀಚರ್ಸ್... ಬೆಲೆ ಎಷ್ಟು? -
"ಸದಾ ನನ್ನ ಹಿಂಭಾಗವನ್ನೇ ಜೂಮ್ ಮಾಡ್ತಾರೆ"; ನೋರಾ ಫತೇಹಿ ಆಕ್ರೋಶ -
ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ? -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಒಸಾಮಾ ಬಿನ್ ಲಾಡೆನ್ ಶಿಷ್ಯ ಅಬುಜುಭೇದಾಗೆ ಮೈಸೂರಿನ ನಂಟು ರಿವೀಲ್!
ಮೈಸೂರು, ಅಕ್ಟೋಬರ್. ೦3: ಭಯೋತ್ಪಾದಕ ಅಬು ಜುಬೇಧಾ ಮೈಸೂರಿನಲ್ಲಿ ನೆಲೆಸಿ ವ್ಯಾಸಂಗ ಮಾಡಿದ್ದನು ಎಂಬ ಆಘಾತಕಾರಿ ಅಂಶವೊಂದು ಬೆಳಕಿಗೆ ಬಂದಿದೆ.
2002ರ ಭಯೋತ್ಪಾದನಾ ಕೃತ್ಯದಲ್ಲಿ ಪಾಕಿಸ್ತಾನದೊಂದಿಗೆ ನಂಟು ಹೊಂದಿದ್ದ ಎಂಬ ಆರೋಪದ ಮೇಲೆ ಅಮೆರಿಕಾ ಪಡೆಗಳಿಂದ ಬಂಧಿತನಾದ ಜೇನ್ ಅಲ್‍ಅಬಿದಿನ್ ಮುಹಮದ್ ಹುಸೇನ್ ಅಬು ಜುಬೇಧಾನನ್ನು ಇದೀಗ ಕ್ಯೂಬಾದಲ್ಲಿರುವ ಗೌಂಟೋನಾಮೋ ಸಾಗರದ ಬಂಧಿತರ ಶಿಬಿರದಲ್ಲಿ ಬಿಗಿ ಭದ್ರತೆಯಲ್ಲಿ ಇಡಲಾಗಿದೆ.
ಒಸಾಮಾ ಬಿನ್ ಲಾಡೆನ್ ನ ಹಿರಿಯ ಲೆಫ್ಟಿನೆಂಟ್ ಹಾಗೂ ಕೌಂಟರ್ ಇಂಟೆಲಿಜೆನ್ಸ್ ಅಧಿಕಾರಿಯಾಗಿದ್ದ ಜುಬೇಧಾ ಅಲ್ ಖೈದಾದಲ್ಲಿ 3ನೇ ಶ್ರೇಣಿಯ ಅಧಿಕಾರಿಯಾಗಿದ್ದ ಎಂದು ಹೇಳಲಾಗಿದೆ.
ಅಲ್ ಖೈದಾ ವಿಶ್ವ ವಾಣಿಜ್ಯ ಕೇಂದ್ರ (ವರ್ಲ್ಡ್ ಟ್ರೇಡ್ ಸೆಂಟರ್)ದ ಮೇಲೆ ನಡೆಸಿದ 9/11 ದಾಳಿ ಸೇರಿದಂತೆ ಪ್ರತಿಯೊಂದು ದೊಡ್ಡಮಟ್ಟದ ಕಾರ್ಯಾಚರಣೆಯಲ್ಲಿಯೂ ಈತನು ಭಾಗಿಯಾಗಿದ್ದನಲ್ಲದೆ, ಅಮೆರಿಕಾದ ವಿರುದ್ಧ ಮುಂದೆ ನಡೆಸಬೇಕಿದ್ದ ಎಲ್ಲಾ ಕಾರ್ಯಾಚರಣೆಗಳನ್ನು ರೂಪಿಸಿದ್ದನು ಎಂದು ಆರೋಪಿಸಲಾಗಿದೆ.
2002ರಲ್ಲಿ ಬಂಧಿತನಾದ ಜುಬೇಧಾ ಸುಮಾರು ನಾಲ್ಕೂವರೆ ವರ್ಷಗಳ ಕಾಲ ಅಮೆರಿಕಾದ ಸಿಐಎ ಅಧೀನದಲ್ಲಿ ಗುಪ್ತ ಸ್ಥಳದಲ್ಲಿ ವಿಚಾರಣೆಯನ್ನು ಎದುರಿಸಿದ್ದನು. ಆನಂತರ ಅವನನ್ನು ವಿವಿಧ ಸೆರೆಮನೆಗಳಲ್ಲಿ ಇಡಲಾಗಿತ್ತು. ಈ ಸಂಬಂಧ ಸಿಐಎ ಈತ ವಿವಿಧ ರಾಷ್ಟ್ರಗಳಲ್ಲಿ ನಡೆಸಿದ ಭಯೋತ್ಪಾದನಾ ಕೃತ್ಯದ ಬಗ್ಗೆ ತನಿಖೆ ನಡೆಸುತ್ತಿದೆ. ಮುಂದೆ ಓದಿ...
ವಿಚಾರಣೆ ನಡೆಸಿದ ಅಧಿಕಾರಿಗಳು
ಜುಬೇಧಾ ಮೈಸೂರಿನ ಸಂಪರ್ಕ ಕುರಿತು ಮಾಹಿತಿ ದೊರೆತ ಕೂಡಲೇ ರಾಜ್ಯ ಮತ್ತು ಕೇಂದ್ರದ ಆಂತರಿಕ ಭದ್ರತಾ ಪೊಲೀಸ್ ವಿಭಾಗದ ಅಧಿಕಾರಿಗಳು ಮೈಸೂರು ನಗರಕ್ಕೆ ಆಗಮಿಸಿ, ಆತನ ಬಗ್ಗೆ ಮಾಹಿತಿ ಕಲೆ ಹಾಕಿದರಲ್ಲದೆ, ಮೈಸೂರಿನ ಜತೆಗಿನ ಆತನ ನಂಟು ಹಾಗೂ ಅವನೊಂದಿಗೆ ಸಂಪರ್ಕ ಹೊಂದಿದ್ದವರ ಬಗ್ಗೆ ವಿಚಾರಣೆ ನಡೆಸಿದ್ದಾರೆ.
3 ವಿಷಯಗಳಲ್ಲಿ ಅನುತ್ತೀರ್ಣ
ಜುಬೇಧಾ ತನ್ನ ನಾಲ್ವರು ಸೌದಿ ಸ್ನೇಹಿತರೊಂದಿಗೆ ಮೈಸೂರಿನ ಕೃಷ್ಣಮೂರ್ತಿಪುರಂನಲ್ಲಿರುವ ಶಾರದಾ ವಿಲಾಸ ಕಾಲೇಜಿನಲ್ಲಿ 1989ರಲ್ಲಿ ಪ್ರಥಮ ವರ್ಷದ ಬಿಎಸ್ ಸಿಗೆ ಪ್ರವೇಶ ಪಡೆದಿದ್ದ.
ಭೌತಶಾಸ್ತ್ರ, ಗಣಿತ ಶಾಸ್ತ್ರ ಮತ್ತು ಗಣಕ ವಿಜ್ಞಾನವನ್ನು ಐಚ್ಛಿಕವಾಗಿ ತೆಗೆದುಕೊಂಡಿದ್ದನು. 
ಒಂದು ವರ್ಷ ಅಧ್ಯಯನ ಮಾಡಿ 3 ವಿಷಯಗಳಲ್ಲಿ ಅನುತ್ತೀರ್ಣನಾದ ನಂತರ ಕಾಲೇಜಿಗೆ ಹಿಂತಿರುಗಲಿಲ್ಲ.
ಗಾಯಗೊಂಡಿದ್ದ ಜುಬೇಧಾ
ವ್ಯಾಸಂಗದ ವೇಳೆ ಅಬು ಜುಬೇಧಾ ಮೈಸೂರಿನ ಉದಯ ಗಿರಿಯ ಮನೆಯೊಂದನ್ನು ಬಾಡಿಗೆಗೆ ಪಡೆದು ತನ್ನ ನಾಲ್ವರು ಸಹಚರರೊಂದಿಗೆ ವಾಸವಾಗಿದ್ದ.
ಸೌದಿ ಅರೇಬಿಯಾದಲ್ಲಿ ನೆಲೆಸಿದ್ದ ಪ್ಯಾಲೆಸ್ಟೈನ್ ಕುಟುಂಬದಲ್ಲಿ ಜನಿಸಿದ್ದ ಜುಬೇಧಾ ಮೈಸೂರಿನಿಂದ ದಿಲ್ಲಿ ಮೂಲಕ ಪಾಕಿಸ್ತಾನ ಸೇರಿಕೊಂಡಿದ್ದನು. ನಂತರ ಸೋವಿಯತ್ ಪಡೆಗಳೊಂದಿಗೆ ಹೋರಾಡಲು ಆಫ್ಘಾನಿಸ್ತಾನ್ ಗೆ ತೆರಳಿದ್ದನು. ಈ ಯುದ್ಧದಲ್ಲಿ ಜುಬೇಧಾ ಗಾಯಗೊಂಡಿದ್ದನು ಎನ್ನಲಾಗಿದೆ.
ಫಿಲೋಮಿನಾಗಾಗಿ ಹುಡುಕಾಟ
ಜುಬೇಧಾ ಡೈರಿಯಲ್ಲಿ ನಮೂದಾಗಿದ್ದ ಮಾಹಿತಿ ಪ್ರಕಾರ 20 ವರ್ಷದ ಅಬು ಜುಬೇಧಾಗೆ ಅಡುಗೆ ಮಾಡಿ ಕೊಡುತ್ತಿದ್ದ 33 ವರ್ಷದ ಫಿಲೋಮಿನಾಗಾಗಿ ಆಂತರಿಕ ಭದ್ರತಾ ಅಧಿಕಾರಿಗಳು ಶೋಧ ನಡೆಸಿದರು ಎಂದು ಗೊತ್ತಾಗಿದೆ.
