ಅತ್ಯಾಚಾರ ಪ್ರಕರಣದಲ್ಲಿ ಜನಪ್ರಿಯ ಕಿರುತೆರೆ ನಟ ಬಂಧನ

ಮುಂಬೈ, ಮೇ 06: ಹಿಂದಿ ಕಿರುತೆರೆಯ ಜನಪ್ರಿಯ ನಟ ಕರಣ್ ಒಬೆರಾಯ್ ಅವರನ್ನು ಇಲ್ಲಿನ ಓಶಿವಾರ ಠಾಣೆ ಪೊಲೀಸರು ಬಂಧಿಸಿದ್ದಾರೆ. ಕರಣ್ ಮೇಲೆ ಅತ್ಯಾಚಾರ ಮಾಡಿ, ವಿಡಿಯೋ ಮಾಡಿದ ಆರೋಪವಿದೆ.

ಮುಂಬೈನ ಒಶಿವಾರಾ ಪ್ರದೇಶದಲ್ಲಿ ಅತ್ಯಾಚಾರ ನಡೆದಿದ್ದು, ಮಹಿಳಾ ಜ್ಯೋತಿಷಿಯೊಬ್ಬಳ ಜತೆ ಇದ್ದ ಕರಣ್ ಅವರು, ಆಕೆಯನ್ನು ಮದುವೆಯಾಗುವೆ ಎಂದು ನಂಬಿಸಿ, ಮೋಸ ಮಾಡಿದ್ದಲ್ಲದೆ, ಅತ್ಯಾಚಾರ ಎಸಗಿದ್ದಾನೆ ಎಂದು ದೂರು ದಾಖಲಾಗಿದೆ.

ಆಕೆ ಮೇಲೆ ಅತ್ಯಾಚಾರ ಮಾಡಿದ ವಿಡಿಯೋ ಇಟ್ಟುಕೊಂಡು ಆಕೆಗೆ ಬೆದರಿಕೆ ಹಾಕುತ್ತಿದ್ದ ಎನ್ನಲಾಗಿದೆ.ಆಕೆಯಿಂದ ಹಣ ಗಳಿಸಲು ಈ ರೀತಿ ಮಾಡುತ್ತಿದ್ದ. ಮೊದ ಮೊದಲು ಆತನ ಬೇಡಿಕೆ ಮನ್ನಿಸುತ್ತಿದ್ದೆ, ಆದರೆ, ನಂತರ ಅವನ ಕಿರುಕುಳ ಸಹಿಸಲು ಆಗಲಿಲ್ಲ, ಹೀಗಾಗಿ, ಪೊಲೀಸರ ನೆರವು ಕೇಳುತ್ತಿದ್ದೇನೆ ಎಂದು ದೂರುದಾರರು ಹೇಳಿದ್ದಾಳೆ.

Mumbai:TV Actor Karan Oberoi arrested by police in connection with an alleged rape case. More details awaited.

— ANI (@ANI) May 6, 2019

ಅಕ್ಟೋಬರ್ 2016 ರಲ್ಲಿ ಡೇಟಿಂಗ್ ಸೈಟ್ ಮೂಲಕ ನಮ್ಮಿಬ್ಬರ ಪರಿಚಯವಾಗಿತ್ತು. ಸ್ನೇಹ, ಪ್ರೀತಿ ಬೆಳೆದು ಕರಣ್ ಮನೆಗೆ ಆಗಾಗ ಹೋಗಿ ಬರುತ್ತಿದ್ದೆ.

ಒಂದು ದಿನ ಎಳನೀರಿನಲ್ಲಿ ಮತ್ತು ಬರುವಂಥ ಪದಾರ್ಥವನ್ನು ಹಾಕಿ ನಾನು ಪ್ರಜ್ಞೆ ತಪ್ಪುವಂತೆ ಮಾಡಿ, ನನ್ನ ಮೇಲೆ ಬಲಾತ್ಕಾರ ಮಾಡಿದ್ದಾನೆ. ನಂತರ ಮದುವೆಯಾಗುವೆ ಚಿಂತಿಸಬೇಡ ಎಂದು ಭರವಸೆ ನೀಡುತ್ತಾ ಕಾಲದೂಡುತ್ತಿದ್ದ. ಆದರೆ, ಭರವಸೆ ಹುಸಿಯಾಯಿತು. ಕಿರುಕುಳ ಅಧಿಕವಾಯಿತು ಎಂದು ನೊಂದ ಮಹಿಳೆ ದೂರಿನಲ್ಲಿ ಹೇಳಿಕೊಂಡಿದ್ದಾಳೆ.

English summary

Popular TV actor Karan Oberoi has recently been arrested by Mumbai police in connection with an alleged rape case.