ಮಂಗಳೂರಲ್ಲಿ ರಾಮಮಂದಿರ ಮಾದರಿಯ ಅಭಿಯಾನ: ವಿಎಚ್ಪಿ
ಮಂಗಳೂರು, ಮೇ 24: ಕರ್ನಾಟಕದ ಮಂಗಳೂರಿನ ಹೊರವಲಯದಲ್ಲಿರುವ ಹಳೆಯ ಮಸೀದಿಯೊಂದರ ಕೆಳಗೆ ದೇವಾಲಯದಂತಹ ರಚನೆ ಕಂಡುಬಂದ ನಂತರ, ವಿಶ್ವ ಹಿಂದೂ ಪರಿಷತ್ (ವಿಎಚ್ಪಿ) ನಾಯಕರೊಬ್ಬರು "ರಾಮ ಮಂದಿರದಂತಹ ಅಭಿಯಾನ"ದ ಸಾಧ್ಯತೆಯ ಬಗ್ಗೆ ಸುಳಿವು ನೀಡಿದ್ದಾರೆ ಮತ್ತು ಕಾನೂನು ಹೋರಾಟವನ್ನು ಮುಂದುವರಿಸುವುದಾಗಿ ಪ್ರತಿಜ್ಞೆ ಮಾಡಿದ್ದಾರೆ.
ಗ್ರಾಮಸ್ಥರು ಮತ್ತು ಸ್ಥಳೀಯ ಬಿಜೆಪಿ ಮುಖಂಡರು ಭಾಗವಹಿಸಿದ್ದ ವಿಎಚ್ಪಿಯ ಸಭೆಯಲ್ಲಿ ದೇವರ ಸಾನ್ನಿಧ್ಯವನ್ನು ಖಚಿತಪಡಿಸಿಕೊಳ್ಳಲು ಮೇ 26ರ ಮೊದಲು ಗ್ರಾಮದಲ್ಲಿ ತಾಂಬೂಲ ಪ್ರಶ್ನೆ (ವಿವಾದಿತ ಸ್ಥಳದಲ್ಲಿ ಅಲ್ಲ) ಮಾಡಲು ನಿರ್ಧರಿಸಲಾಯಿತು.
ಮಂಗಳೂರಿನ ಹೊರವಲಯದಲ್ಲಿರುವ ಮಳಲಿಯ ಜುಮಾ ಮಸೀದಿಯಲ್ಲಿ ಏಪ್ರಿಲ್ನಲ್ಲಿ ನವೀಕರಣ ಕಾರ್ಯದ ಸಂದರ್ಭದಲ್ಲಿ ಹಿಂದೂ ದೇವಾಲಯದಂತಹ ವಾಸ್ತುಶಿಲ್ಪದ ರಚನೆಯನ್ನು ಕಂಡುಹಿಡಿಯಲಾಯಿತು. ಮಸೀದಿಯ ಅಧಿಕಾರಿಗಳು ನವೀಕರಣ ಕಾರ್ಯವನ್ನು ನಡೆಸುತ್ತಿದ್ದರು.
ಜಿಲ್ಲಾಧಿಕಾರಿಗಳಿಗೆ ಮನವಿ ಸಲ್ಲಿಸಿದ್ದೇವೆ: ಪ್ರದೀಪ್ ಸರಿಪಳ್ಳ
"ಮಳಲಿ ಮಸೀದಿಯ ಜೀರ್ಣೋದ್ಧಾರದ ವೇಳೆ ದೇವಾಲಯದಂತಹ ರಚನೆ ಕಂಡುಬಂದಿದೆ. ಆ ಸಮಯದಲ್ಲಿ ನಾವು ಜಿಲ್ಲಾಧಿಕಾರಿಗಳಿಗೆ ಮನವಿ ಸಲ್ಲಿಸಿದ್ದೇವೆ ಮತ್ತು ಕಾನೂನು ಪ್ರಕ್ರಿಯೆಗೆ ಒತ್ತಾಯಿಸಿದ್ದೇವೆ. ಘಟನೆಯ ಬಗ್ಗೆ ನಾವು ಸ್ಥಳೀಯರೊಂದಿಗೆ ಸಭೆ ಕರೆದು ಮಾತನಾಡಲು ತೀರ್ಮಾನಿಸಿದೆವು. ತಾಂಬೂಲ ಪ್ರಶ್ನೆ ಮೂಲಕ ಅಲ್ಲಿ ಯಾವ ದೇವರು ಮೊದಲು ನೆಲೆಸಿದ್ದಾನೆ ಎಂದು ಖಚಿತಪಡಿಸಿಕೊಳ್ಳಲು ತೀರ್ಮಾನಿಸಿದ್ದೇವೆ" ವಿಎಚ್ಪಿ ನಾಯಕ ಪ್ರದೀಪ್ ಸರಿಪಳ್ಳ ಹೇಳಿದರು.
ಸ್ಥಳವನ್ನು ಮರಳಿ ಪಡೆಯಲು ನಾವು ಸಮಿತಿ
"ಹಾಗಾದರೆ ನಾವು ಅಷ್ಟಮಂಗಲ ಪ್ರಶ್ನೆ ಮಾಡುತ್ತೇವೆ. ಹಾಗೆಯೇ ನಾವು ಕಾನೂನು ಹೋರಾಟವನ್ನು ಮುಂದುವರಿಸುತ್ತೇವೆ. ಇಲ್ಲಿ ಎಲ್ಲಾ ಹಿಂದೂಗಳು ಖಂಡಿತವಾಗಿಯೂ ಹಿಂದೂ ದೇವರು ಎಂದು ಬಲವಾಗಿ ನಂಬುತ್ತಾರೆ. ಈ ಎಲ್ಲಾ ಆಚರಣೆಗಳ ನಂತರ ನಾವು ಸ್ಥಳವನ್ನು ಮರಳಿ ಪಡೆಯಲು ನಾವು ಸಮಿತಿಯನ್ನು ರಚಿಸುತ್ತೇವೆ. ಹೋರಾಟವು ರಾಮಮಂದಿರ ಅಭಿಯಾನದ ರೀತಿ ಇರಬಹುದು" ಎಂದು ಹೇಳಿದರು.
ಈ ಬಗ್ಗೆ ಪುರಾತತ್ವ ಸಮೀಕ್ಷೆ ನಡೆಸಬೇಕು ಎಂದು ಸ್ಥಳೀಯ ಶಾಸಕ ಭರತ್ ಶೆಟ್ಟಿ ಆಗ್ರಹಿಸಿದರು. ವಿಎಚ್ಪಿ ಮುಖಂಡರು, ಭಜರಂಗದಳ ಮುಖಂಡರು ಹಾಗೂ ಇತರ ಕೆಲವು ಹಿಂದೂ ಸಂಘಟನೆಗಳು ನ್ಯಾಯಾಲಯದ ಮೊರೆ ಹೋಗಿ ಮಸೀದಿ ಧ್ವಂಸಕ್ಕೆ ತಡೆಯಾಜ್ಞೆ ತಂದಿದ್ದು, ಸೂಕ್ತ ತನಿಖೆ ನಡೆಸದೆ ದೇಗುಲದಂತಹ ಕಟ್ಟಡಗಳನ್ನು ಕೆಡವಬಾರದು ಎಂದು ಪುರಾತತ್ವ ಇಲಾಖೆ ಸಂಪೂರ್ಣ ಸಮೀಕ್ಷೆ ನಡೆಸಬೇಕು. ಸತ್ಯವನ್ನು ಕಂಡುಹಿಡಿಯಿರಿ ಎಂದು ಅವರು ಹೇಳಿದರು.
ಮುಂದಿನ ಆದೇಶದವರೆಗೆ ರಚನೆಯ ಯಥಾಸ್ಥಿತಿಗೆ ಕೋರಿಕೆ
ಇದಕ್ಕೂ ಮುನ್ನ ವಿಎಚ್ಪಿ ಮುಖಂಡರು ದಾಖಲೆಗಳ ಪರಿಶೀಲನೆ ಆಗುವವರೆಗೆ ಕಾಮಗಾರಿ ಸ್ಥಗಿತಗೊಳಿಸುವಂತೆ ಜಿಲ್ಲಾಡಳಿತಕ್ಕೆ ಮನವಿ ಮಾಡಿದ್ದರು. ಈ ನಡುವೆ ಮುಂದಿನ ಆದೇಶದವರೆಗೆ ರಚನೆಯ ಯಥಾಸ್ಥಿತಿ ಕಾಯ್ದುಕೊಳ್ಳಲು ದಕ್ಷಿಣ ಕನ್ನಡ ಜಿಲ್ಲಾಡಳಿತ ಆದೇಶಿಸಿದೆ. ಆಡಳಿತವು ಭೂ ದಾಖಲೆಗಳನ್ನು ಪರಿಶೀಲಿಸುತ್ತಿದ್ದು, ಜನರು ಶಾಂತಿ ಕಾಪಾಡುವಂತೆ ಮನವಿ ಮಾಡಿದ್ದಾರೆ.
ಮಳಲಿ ಮಸೀದಿಗೆ ಐನೂರು ವರ್ಷಗಳ ಇತಿಹಾಸ
ಶಾಸಕ ಯು. ಟಿ. ಖಾದರ್, "ಮಳಲಿ ಮಸೀದಿ ಬಗ್ಗೆ ಹಲವರಿಗೆ ಸಂಶಯ ಇದೆ. ದಾಖಲೆಗಳೆಲ್ಲಾ ಜಿಲ್ಲಾಧಿಕಾರಿ ಬಳಿ ಇದೆ. ಮಳಲಿ ಮಸೀದಿಗೆ ಐನೂರು ವರ್ಷಗಳ ಇತಿಹಾಸ ಇದೆ. ಹಳೇ ಕಾಲದ ಮಸೀದಿ ಕೆತ್ತನೆ ಹಿಂದೂ ಶೈಲಿಯಲ್ಲೇ ಇದೆ. ಇದು ಮಸೀದಿ ಅಂತಾ ಊರಿನ ಎಲ್ಲಾ ಜನರಿಗೆ ಗೊತ್ತಿದೆ. ಆದರೆ ಹೊರಗಿನವರಿಗೆ ಈ ಬಗ್ಗೆ ಸಂಶಯ ಇದೆ. ಹೀಗಾಗಿ ಇದರ ಬಗ್ಗೆ ಕೆಲವರು ಜಿಲ್ಲಾಧಿಕಾರಿಗೆ ಅರ್ಜಿ ನೀಡಿದ್ದಾರೆ. ಅವರು ಮೊದಲು ದಾಖಲೆ ನೋಡಿ ತೀರ್ಪು ಕೊಡಬೇಕು" ಎಂದು ಹೇಳಿದ್ದರು.
"ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ. ವಿ. ಈ ಬಗ್ಗೆ ಕಾರ್ಯಪ್ರವೃತರಾಗಬೇಕು. ಡಿಸಿ ಆದೇಶದಲ್ಲಿ ಅಸಮಾಧಾನ ಇದ್ದವರು ಕೋರ್ಟ್ಗೆ ಹೋಗುತ್ತಾರೆ. ಮನೆಯಡಿಯಲ್ಲಿ ಶವ ಸಿಕ್ಕಿದರೆ ಆ ಮನೆ ಶವವಾದವನಾ ಪಾಲಾಗುತ್ತದಾ?. ಈ ವಿಚಾರದಲ್ಲಿ ಜಿಲ್ಲಾಧಿಕಾರಿ ಯಾಕೆ ತಡ ಮಾಡುತ್ತಾರೆ ಗೊತ್ತಾಗುತ್ತಿಲ್ಲ. ಜಿಲ್ಲಾಧಿಕಾರಿಗೆ ಈ ಬಗ್ಗೆ ಒತ್ತಡ ಇರಬಹುದು. ಜಿಲ್ಲಾಧಿಕಾರಿ ತಕ್ಷಣ ಆದೇಶ ಮಾಡಬೇಕು" ಎಂದು ಖಾದರ್ ಆಗ್ರಹಿಸಿದ್ದರು.
"ಜಿಲ್ಲಾ ಪರಿಸ್ಥಿತಿ ನಿಭಾಯಿಸಲು ಡಿಸಿಗೆ ಮ್ಯಾಜಿಸ್ಟ್ರೇಟ್ ಅಧಿಕಾರ ನೀಡಲಾಗಿದೆ. ಡಿಸಿ ಆದೇಶ ನೀಡಲಿ, ತೀರ್ಮಾನ ತೆಗೆದುಕೊಳ್ಳುವವರು ತೆಗೆದುಕೊಳ್ಳಲಿ. ಜಿಲ್ಲಾಧಿಕಾರಿ ಜನರ ಮಧ್ಯೆ ಯಾಕೆ ಗೊಂದಲ ಸೃಷ್ಠಿಸಬೇಕು?" ಎಂದು ಯು. ಟಿ. ಖಾದರ್ ಅಸಮಾಧಾನ ವ್ಯಕ್ತಪಡಿಸಿದ್ದರು.
Click it and Unblock the Notifications
Sign in with Google