ಕಡಬದಲ್ಲಿ ಬೆಂಕಿಗಾಹುತಿಯಾದ ಒಮ್ನಿ, ಸ್ವಲ್ಪದರಲ್ಲೇ ಕಾರಿನಲ್ಲಿದ್ದವರು ಪಾರು
ಮಂಗಳೂರು, ನವೆಂಬರ್. 29: ಒಮ್ನಿ ಕಾರೊಂದು ಬೆಂಕಿಗಾಹುತಿಯಾದ ಘಟನೆ ದಕ್ಷಿಣ ಕನ್ನಡ ಜಿಲ್ಲೆಯ ಕಡಬದಲ್ಲಿ ನಡೆದಿದೆ. ಕ್ಷಣಾರ್ಧದಲ್ಲೇ ಓಮಿನಿ ಸುಟ್ಟು ಕರಕಲಾಗಿದ್ದು, ಅದೃಷ್ಟವಶಾತ್ ಘಟನೆಯಲ್ಲಿ ಯಾವುದೇ ಸಾವು ನೋವು ಸಂಭವಿಸಿಲ್ಲ.
ಬೆಳ್ತಂಗಡಿ ತಾಲೂಕಿನ ಕಡಬದ ಕುಟ್ರುಪ್ಪಾಡಿ ಗ್ರಾಮದ ತಲೇಕಿ ಎಂಬಲ್ಲಿ ಈ ಘಟನೆ ನಡೆದಿದೆ. ಬೈದ್ರಿಜಾಲು ನಿವಾಸಿ ಸುಂದರ ಗೌಡ ಎಂಬುವವರ ಕಾರು ಇದಾಗಿದ್ದು, ಮನೆಯವರೊಂದಿಗೆ ಮಾರುತಿ ಓಮಿನಿ ಕಾರಲ್ಲಿ ಕಡಬಕ್ಕೆ ಹೋಗುತ್ತಿದ್ದ ಸಂದರ್ಭದಲ್ಲಿ ಈ ಘಟನೆ ನಡೆದಿದೆ.
ತಲೇಕಿ ಬಳಿ ಕಾರಿನ ಎಂಜಿನ್ ನಲ್ಲಿ ಹೊಗೆ ಕಾಣಿಸಿಕೊಂಡಿತ್ತು. ತಕ್ಷಣವೇ ಕಾರು ನಿಲ್ಲಿಸಿ ಚಾಲಕ ಪರಿಶೀಲನೆ ನಡೆಸಿದ್ದಾನೆ. ಈ ಸಂದರ್ಭ ಎಂಜಿನ್ ಬಳಿ ಸಣ್ಣ ಬೆಂಕಿ ಹೊತ್ತಿಕೊಂಡು ಕಾರಿಗೆಲ್ಲಾ ಆವರಿಸಿ ಭಸ್ಮವಾಗಿದೆ ಎಂದು ಹೇಳಲಾಗಿದೆ.
ಕಾರಿನಲ್ಲಿದ್ದವರು ಹೊರಗಡೆ ಇಳಿದಿದ್ದರಿಂದ ಜೀವಪಾಯದಿಂದ ಪಾರಾಗಿದ್ದಾರೆ. ಸ್ಥಳಕ್ಕೆ ಕಡಬ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ.
Click it and Unblock the Notifications
Sign in with Google