ಹಡಗು ಯಾತ್ರಿಗಳಿಗೆ ಮಂಗಳೂರು ಬಂದರಿನಲ್ಲಿ ಇ-ವೀಸಾ ಸೌಲಭ್ಯ!
ಬಂದರುಗಳ ವ್ಯವಹಾರ ಸುಲಭಗೊಳಿಸಿ ಎನ್ನುವ ಕೇಂದ್ರ ಸರ್ಕಾರದ ನಿಯಮದಂತೆ ದೇಶದ ಬೃಹತ್ ಬಂದರುಗಳಲ್ಲೇ ಪ್ರಥಮ ಬಾರಿಗೆ ನವ ಮಂಗಳೂರು ಬಂದರಿನಲ್ಲಿ ಹಡಗು ಪ್ರಯಾಣಿಕರಿಗೆ ಇ-ವೀಸಾ ಸೌಲಭ್ಯ ಕಲ್ಪಿಸಲಾಗಿದೆ.
ಮಂಗಳೂರು, ಏಪ್ರಿಲ್ 13 : ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಇತ್ತೀಚೆಗೆ ಇ-ವೀಸಾ ಸೌಲಭ್ಯ ಕಲ್ಪಿಸದ ಬೆನ್ನಲ್ಲಿಯೇ ಹಡಗು ಯಾತ್ರಿಗಳ ಆಗಮನಕ್ಕಾಗಿ ಇದೀಗ ನವ ಮಂಗಳೂರು ಬಂದರಿನಲ್ಲಿ ಇ-ವೀಸಾ ಸ್ಟಾಂಪಿಂಗ್ ಸೌಲಭ್ಯವನ್ನು ವಿಸ್ತರಿಸಲಾಗಿದೆ.
ಬಂದರುಗಳ ವ್ಯವಹಾರ ಸುಲಭಗೊಳಿಸಿ ಎನ್ನುವ ಕೇಂದ್ರ ಸರ್ಕಾರದ ನಿಯಮದಂತೆ ದೇಶದ ಬೃಹತ್ ಬಂದರುಗಳಲ್ಲೇ ಪ್ರಥಮ ಬಾರಿಗೆ ನವ ಮಂಗಳೂರು ಬಂದರಿನಲ್ಲಿ ಹಡಗು ಪ್ರಯಾಣಿಕರಿಗೆ ಈ ಸೌಲಭ್ಯ ಕಲ್ಪಿಸಲಾಗಿದೆ. [ಏ,1ರಿಂದ ಮಂಗಳೂರು ವಿಮಾನ ನಿಲ್ದಾಣದಲ್ಲಿ ಇ-ವೀಸಾ ಸರ್ವೀಸ್]
ಎಂ. ಎಸ್ ಸೀಬೋರ್ನ್ ಎನ್ಕೋರ್ ಹಡಗಿನಲ್ಲಿ ಆಗಮಿಸಿದ ಇಂಗ್ಲೆಂಡ್, ಅಮೆರಿಕಾ ಮತ್ತು ಆಸ್ಟ್ರೇಲಿಯಾದ ಆರು ಮಂದಿ ಪ್ರವಾಸಿಗರಿಗೆ ಮೊದಲ ಬಾರಿಗೆ ಇಮಿಗ್ರೇಷನ್ ವಿಭಾಗ ಇ-ವೀಸಾ ನೀಡಿತು. [ನವ ಮಂಗಳೂರು ಬಂದರಿನಲ್ಲಿ ಕಾರು ಸಾಗಾಟ ಸೇವೆ ಆರಂಭ]
ಇಮ್ಮಿಗ್ರೇಷನ್ ಬ್ಯುರೋಗೆ ಹಸ್ತಾಂತರ
ಇ-ವೀಸಾ ಸೌಲಭ್ಯ ಕಲ್ಪಿಸಲು ಎನ್ಎಂಪಿಟಿಯಿಂದ ಲಾನ್ ಕನೆಕ್ಷನ್, ವರ್ಕ್ ಸ್ಟೇಷನ್, ಏರ್ ಕಂಡೀಷನ್ ವ್ಯವಸ್ಥೆ, ಸಿಸಿ ಕ್ಯಾಮೆರಾ, ಕ್ಯೂ ಮ್ಯಾನೇಜರ್ ಗಳು 24 ಗಂಟೆ ವಿದ್ಯುತ್ ಸೌಲಭ್ಯ ಮತ್ತು ಬ್ಯಾಕ್ ಅಪ್ ವ್ಯವಸ್ಥೆಗಳನ್ನು ಮಾಡಿ ಇಮ್ಮಿಗ್ರೇಷನ್ ಬ್ಯುರೋಗೆ ಹಸ್ತಾಂತರಿಸಿತ್ತು.
ಮೊದಲ ಬಾರಿಗೆ 6 ಮಂದಿ ಪ್ರವಾಸಿಗರಿಗೆ ಇ-ವೀಸಾ
ಎಂ. ಎಸ್ ಸೀಬೋರ್ನ್ ಎನ್ಕೋರ್ ಹಡಗಿನಲ್ಲಿ ಆಗಮಿಸಿದ ಇಂಗ್ಲೆಂಡ್, ಅಮೆರಿಕಾ ಮತ್ತು ಆಸ್ಟ್ರೇಲಿಯಾದ ಆರು ಮಂದಿ ಪ್ರವಾಸಿಗರಿಗೆ ಮೊದಲ ಬಾರಿಗೆ ಇಮಿಗ್ರೇಷನ್ ವಿಭಾಗ ಇ-ವೀಸಾ ನೀಡಿತು.
ಎನ್ಎಂಪಿಟಿಯಲ್ಲಿ ಹಡಗು ಯಾತ್ರಿಕರ ಸಂಖ್ಯೆ ಹೆಚ್ಚಳ
ಕಳೆದ ಕೆಲವು ವರ್ಷಗಳಿಂದ ಎನ್ಎಂಪಿಟಿಯಲ್ಲಿ ಹಡಗು ಯಾತ್ರಿಕರ ಸಂಖ್ಯೆ ಹೆಚ್ಚಾಗಿದೆ. 2016-17ನೇ ಸಾಲಿನಲ್ಲಿ ದಾಖಲೆಯ 28 ಹಡಗುಗಳಲ್ಲಿ 30246 ಪ್ರಯಾಣಿಕರು ಆಗಮಿಸಿದ್ದರೆ, 2015-16ರಲ್ಲಿ 23 ಹಡಗುಗಳಲ್ಲಿ 19000 ಪ್ರಯಾಣಿಕರು ಆಗಮಿಸಿದ್ದರು. ಹೀಗಾಗಿ ಹಡಗು ಸಂಚಾರ ಹೆಚ್ಚಾಗುತ್ತಿದ್ದು, ಹಡಗು ಯಾತ್ರಿಗಳ ಆಗಮನಕ್ಕಾಗಿ ಇ-ವೀಸಾ ಸೌಲಭ್ಯ ಕಲ್ಪಿಸಲಾಗಿದೆ.
ಮಂಗಳೂರು ವಿಮಾನ ನಿಲ್ದಾಣದಲ್ಲಿ ಇ-ವೀಸಾ ಸೌಲಭ್ಯ
ಏಪ್ರಿಲ್ ಒಂದರಿಂದಲೇ ಮಂಗಳೂರು ವಿಮಾನ ನಿಲ್ದಾಣದಲ್ಲಿ ಇ-ವೀಸಾ ಸೌಲಭ್ಯ ಕಲ್ಪಿಸಿರುವುದನ್ನು ಇಲ್ಲಿ ಸ್ಮರಿಸಬಹುದು.