• search

ಮಡಿಕೇರಿ: ಗುಂಡಿಕ್ಕಿ ಮಹಿಳೆ ಕೊಲೆ, ಆರೋಪಿ ಆತ್ಮಹತ್ಯೆ

By ಮಡಿಕೇರಿ ಪ್ರತಿನಿಧಿ
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಮಡಿಕೇರಿ, ಫೆಬ್ರವರಿ 24: ವ್ಯಕ್ತಿಯೊಬ್ಬ ಕ್ಷುಲ್ಲಕ ಕಾರಣಕ್ಕೆ ಎದುರು ಮನೆಯ ಮಹಿಳೆಗೆ ಗುಂಡು ಹಾರಿಸಿ ಬಳಿಕ ತಾನೂ ಗುಂಡು ಹಾರಿಸಿಕೊಂಡು ಸಾವನ್ನಪ್ಪಿದ ಘಟನೆ ಮಡಿಕೇರಿಯ ಕಾಲೂರಿನಲ್ಲಿ ನಡೆದಿದೆ.

    ಕಾಲೂರು ನಿವಾಸಿ ಕುಳೋಡಂಡ ಧರ್ಮರಾಯ(ಕಾಶಿ 43) ಎಂಬಾತ ಚನ್ನಪಂಡ ನಂಜಪ್ಪ ಎಂಬವರ ಪತ್ನಿ ವಿಶಾಲಾಕ್ಷಿ (ಲಲಿತಾ 42)ಯನ್ನು ಗುಂಡುಹಾರಿಸಿ ಕೊಲೆಗೈದು ಬಳಿಕ ತನಗೆ ತಾನೇ ಗುಂಡು ಹೊಡೆದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.

    ಮಡಿಕೇರಿಯಲ್ಲಿ ಒಡಹುಟ್ಟಿದವರನ್ನೇ ಹತ್ಯೆಗೈದ ಆಸ್ತಿ ವೈಷಮ್ಯ

    ನಂಜಪ್ಪ ಅವರ ಪತ್ನಿ ವಿಶಾಲಾಕ್ಷಿ ತನ್ನ ಮನೆಯ ಅಂಗಳದಲ್ಲಿ ಕಾಫಿಯನ್ನು ಶುದ್ಧೀಕರಿಸುತ್ತಿದ್ದಾಗ ಕೋವಿಯೊಂದಿಗೆ ತನ್ನ ಮನೆಯಿಂದ ಬಂದ ಧರ್ಮರಾಯ ನೇರವಾಗಿ ಆಕೆಯ ಕುತ್ತಿಗೆಯಿಂದ ಕೆಳಭಾಗಕ್ಕೆ ಗುಂಡು ಹಾರಿಸಿದ್ದಾನೆ. ಇದರಿಂದ ವಿಶಾಲಾಕ್ಷಿ ಅಲ್ಲೇ ಕುಸಿದುಬಿದ್ದು ಪ್ರಾಣ ಬಿಟ್ಟಿದ್ದಾಳೆ. ಆ ನಂತರ ತನ್ನ ತಲೆಯ ಭಾಗಕ್ಕೆ ಆತ ಗುಂಡು ಹಾರಿಸಿಕೊಂಡಿದ್ದು ಮುಖದ ಭಾಗ ಛಿದ್ರವಾಗಿದೆ. ಆದರೂ ಸಾಯದೆ ನರಳಾಡುತ್ತಿದ್ದನು. ಗುಂಡಿನ ಶಬ್ದ ಕೇಳಿ ಪಕ್ಕದವರು ಓಡಿಬಂದು ನೋಡುವಾಗ ವಿಶಾಲಾಕ್ಷಿ ಸಾವನ್ನಪ್ಪಿದ್ದರೆ, ಧರ್ಮರಾಯ ನರಳುತ್ತಿದ್ದ. ತಕ್ಷಣ ಆತನನ್ನು ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಆತ ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ್ದಾನೆ.

    A man kills a woman by firing gun and kills himself in Madikeri

    ಸ್ಥಳಕ್ಕೆ ಮಡಿಕೇರಿ ಗ್ರಾಮಾಂತರ ಠಾಣಾಧಿಕಾರಿ ಚೇತನ್ ಹಾಗೂ ಸಿಬ್ಬಂದಿ ಸ್ಥಳಕ್ಕೆ ಧಾವಿಸಿ ಮಹಜರು ನಡೆಸುವುದರೊಂದಿಗೆ ಮುಂದಿನ ಕ್ರಮ ಕೈಗೊಂಡಿದ್ದು ಇಂದು ಮರಣೋತ್ತರ ಪರೀಕ್ಷೆ ನಡೆಸಿ ಶವವನ್ನು ವಾರಸುದಾರರಿಗೆ ನೀಡಲಾಗಿದೆ.

    A man kills a woman by firing gun and kills himself in Madikeri

    ಕೆಲವುದಿನಗಳ ಹಿಂದೆ ಧರ್ಮರಾಯ ಮೃತೆ ವಿಶಾಲಾಕ್ಷಿಯ ಜತೆ ಅನುಚಿತವಾಗಿ ವರ್ತಿಸಿದ್ದು, ಈ ವಿಚಾರಕ್ಕೆ ಜಗಳ ನಡೆದಿತ್ತು. ಮತ್ತೆ ಅದೇ ರೀತಿ ವರ್ತಿಸಿ ಆಕೆ ಪ್ರತಿಭಟಿಸಿದ್ದರಿಂದ ಕೊಲೆ ಮಾಡಿ, ತಾನು ಆತ್ಮಹತ್ಯೆಗೆ ಶರಣಾಗಿರಬಹುದೆಂದು ಶಂಕಿಸಲಾಗಿದೆ. ಮಡಿಕೇರಿ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಮುಂದಿನ ಕ್ರಮ ಕೈಗೊಳ್ಳಲಾಗಿದೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    A man kills a woman by firing gun and kills himself in Madikeri on Feb 23rd. "He wanted to have an illicit relationship with the woman, but she had refused. The angry man killed her.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more