ನಾವು ಅಮೇಥಿ ಗೆದ್ದಿಲ್ಲ, ಇಲ್ಲಿಯ ಜನರ ಹೃದಯ ಗೆದ್ದಿದ್ದೇವೆ : ನರೇಂದ್ರ ಮೋದಿ
Recommended Video
Lok sabha elections 2019 : ರಾಹುಲ್ ಗಾಂಧಿಯನ್ನು ಟಾರ್ಗೆಟ್ ಮಾಡಿದ ಮೋದಿ..! | Oneindia kannada
ಲಕ್ನೋ, ಮಾರ್ಚ್ 03 : ಪ್ರಧಾನಿ ನರೇಂದ್ರ ಮೋದಿ ಅವರು ಉತ್ತರ ಪ್ರದೇಶದ ಅಮೇಥಿಯಲ್ಲಿ ಭಾನುವಾರ ಚುನಾವಣಾ ಪ್ರಚಾರ ಸಮಾವೇಶ ನಡೆಸಿದರು. 2014ರ ಬಳಿಕ ಅಮೇಥಿಗೆ ನರೇಂದ್ರ ಮೋದಿ ಅವರು ಮೊದಲ ಬಾರಿಗೆ ಭೇಟಿ ನೀಡಿದ್ದಾರೆ.
ಭಾನುವಾರ ನರೇಂದ್ರ ಮೋದಿ ಅವರು ಅಮೇಥಿಯಲ್ಲಿ ಚುನಾವಣಾ ಪ್ರಚಾರ ಸಮಾವೇಶ ಉದ್ದೇಶಿಸಿ ಮಾತನಾಡಿದರು. ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಅವರ ತವರು ಕ್ಷೇತ್ರ ಅಮೇಥಿ. ಕ್ಷೇತ್ರದಲ್ಲಿ ವಿವಿಧ ಅಭಿವೃದ್ಧಿ ಕಾಮಗಾರಿಗಳಿಗೂ ನರೇಂದ್ರ ಮೋದಿ ಅವರು ಚಾಲನೆ ನೀಡಿದರು.
'2014ರ ಚುನಾವಣೆಯಲ್ಲಿ ಸ್ಮೃತಿ ಇರಾನಿ ಅವರನ್ನು ನೀವು ಅಮೇಥಿಯಲ್ಲಿ ಸೋಲಿಸಿದಿರಿ. ನಾವು ಕ್ಷೇತ್ರದಲ್ಲಿ ಗೆಲುವು ಸಾಧಿಸಿಲ್ಲ. ಆದರೆ, ನಿಮ್ಮ ಹೃದಯವನ್ನು ಗೆದ್ದಿದ್ದೇವೆ' ಎಂದು ನರೇಂದ್ರ ಮೋದಿ ಹೇಳಿದರು.
'ಜಗತ್ತಿನಲ್ಲಿಯೇ ಅತ್ಯಾಧುನಿಕ ಬಂದೂಕು ಅಮೇಥಿಯಲ್ಲಿ ತಯಾರಾಗಲಿದೆ. ನಮ್ಮ ಯೋಧರು ಮೇಡ್ ಇನ್ ಅಮೇಥಿ ಬಂದೂಕು ಹಿಡಿದು ಉಗ್ರರ ವಿರುದ್ಧ, ನಕ್ಸಲರ ವಿರುದ್ಧ ಹೊರಾಡಲಿದ್ದಾರೆ' ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದರು.
ಅಮೇಥಿಯಲ್ಲಿ ಇಂದಿನ ಉತ್ಸಾಹ ನೋಡಿ ನನಗೆ ಭರವಸೆ ಮೂಡುತ್ತಿದೆ. ನೀವು ದೇಶದಲ್ಲಿ ಹೊಸ ಇತಿಹಾಸವನ್ನು ನಿರ್ಮಾಣ ಮಾಡಲಿದ್ದೀರಿ. ಅಮೇಥಿಯ ಜನರ ತೀರ್ಪನ್ನು ಇಡೀ ದೇಶವೇ ನೋಡಲಿದೆ.
ಕಿಸಾನ್ ಸಮ್ಮಾನ್ ಯೋಜನೆಯಿಂದ ರೈತರಿಗೆ ನೇರವಾಗಿ ಹಣ ಸಿಗಲಿವೆ. ಬಿತ್ತನೆ ಬೀಜ ಖರೀದಿ, ಔಷಧಿಗಳ ಖರೀದಿ ಮುಂತಾದವುಗಳನ್ನು ಖರೀದಿ ಮಾಡಬಹುದು
ಮತಗಳನ್ನು ಪಡೆದ ಬಳಿಕ ಬಡವರನ್ನು ಮರೆತು ಬಿಡುವುದು ಕೆಲವು ಕುಟುಂಬಗಳ ಸಾಮಾನ್ಯ ಪ್ರಕ್ರಿಯೆ. ಆದರೆ, ಬಡವರನ್ನು ಮರೆತ ಅವರು ಬಡವರ ಬಗ್ಗೆ ಮಾತನಾಡುತ್ತಾರೆ.
ನಿಯತ್ತು ಇಲ್ಲದ ಜನರು ಅಮೇಥಿಗೆ ಏನು ದ್ರೋಹ ಮಾಡಿದರು ಎಂಬುದು ನಿಮಗೆ ಬಿಟ್ಟು ಬೇರೆ ಯಾರಿಗೂ ಉತ್ತಮವಾಗಿ ಗೊತ್ತಿರಲು ಸಾಧ್ಯವಿಲ್ಲ.
ರಫೆಲ್ ಖರೀದಿಯಲ್ಲಿ ಯಾವುದೇ ಅವ್ಯವಹಾರವಾಗಿಲ್ಲ ಎಂದು ಹೇಳಿದೆ. ಹಿಂದಿನ ಸರ್ಕಾರ ಕಮೀಷನ್ ಸಿಗಲಿಲ್ಲ ಎಂದು ಈಗ ರಫೆಲ್ ಬಗ್ಗೆ ಆರೋಪಗಳನ್ನು ಮಾಡಲಿಲ್ಲ.
ನಮ್ಮ ದೇಶದಕ್ಕೆ ಆಧುನಿಕ ಬಂದೂಕು, ಬುಲೆಟ್ ಪ್ರೂಫ್ ಜಾಕೆಟ್ ಮಾತ್ರವಲ್ಲ ಅತ್ಯಾಧುನಿಕ ವಿಮಾನಗಳು ಬೇಕಾಗುತ್ತವೆ. ಆದರೆ, ಹಿಂದಿನ ಸರ್ಕಾರ ರಫೆಲ್ ವಿಮಾನದ ಖರೀದಿಯನ್ನು ಮಾಡಲಿಲ್ಲ
ಹಿಂದಿನ ಸರ್ಕಾರ ನಮ್ಮ ಯೋಧರ, ರಕ್ಷಣಾ ಪಡೆಗಳ ಸುರಕ್ಷತೆಯನ್ನು ಗಮನಕ್ಕೆ ತೆಗೆದುಕೊಳ್ಳಲಿಲ್ಲ. ಯೋಧರಿಗಾಗಿ ಬುಲೆಟ್ ಫ್ರೂಫ್ ಜಾಕೆಟ್ ಖರೀದಿ ಮಾಡಲಿಲ್ಲ.
ಜಗತ್ತಿನಲ್ಲಿಯೇ ಅತ್ಯಾಧುನಿಕ ಬಂದೂಕು ಅಮೇಥಿಯ ಈ ಘಟಕದಲ್ಲಿ ಸ್ಥಾಪನೆಯಾಗಲಿದೆ. ಅಮೇಥಿಯ ಯುವಜನರಿಗೆ ಉದ್ಯೋಗದ ಭರವಸೆ ನೀಡಿದ ಹಿಂದಿನ ಸರ್ಕಾರ ನಿಮ್ಮ ಸಂಸದರು 10 ವರ್ಷ ಏನು ಮಾಡಿದರು ಎಂದು ಕೇಳಿ
2010ರಲ್ಲಿ ಕಾರ್ಯ ಆರಂಭವಾಗಬೇಕಿದ್ದ ಘಟಕ 2019ರಲ್ಲಿ ಕಟ್ಟಡ ನಿರ್ಮಾಣ ಮಾಡಲಾಗುತ್ತಿದೆ. ಏಕೆ ಸರ್ಕಾರ ಈ ಕೆಲಸವನ್ನು ಮಾಡಲಿಲ್ಲ ಎಂದು ನೀವು ಕೇಳಿ
ಈ ಘಟಕ 10 ವರ್ಷಗಳ ಹಿಂದೆ ಆಗಬೇಕಿತ್ತು. ನಿಮ್ಮ ಸಂಸದರು 2010ರಲ್ಲಿ ಈ ಘಟಕ ಕಾರ್ಯಾರಂಭ ಮಾಡಲಿದೆ ಎಂದು ಹೇಳಿದ್ದರು. ಅವರದ್ದೇ ಪಕ್ಷದ ಸಂಸದರ ಇದ್ದರು ಘಟಕ ಸ್ಥಾಪನೆಯಾಗಲಿಲ್ಲ.
ರಷ್ಯಾ ಸಹಕಾರದೊಂದಿಗೆ ಅಮೇಥಿಯಲ್ಲಿ ಬಂದೂಕಿನ ಘಟಕ ಆರಂಭಿಸಲಾಗಿದೆ. ಇದಕ್ಕಾಗಿ ನಾನು ಪುಟಿನ್ ಅವರಿಗೆ ಅಭಿನಂದನೆ ಸಲ್ಲಿಸುತ್ತೇನೆ. ಇದರಿಂದ ಇಲ್ಲಿನ ಯುವಕರಿಗೆ ಉದ್ಯೋಗ ಸಿಗಲಿದೆ.
2022ರಲ್ಲಿ ನಮ್ಮ ಸೈನಿಕರು ಬಳಸುವ ಬಂದೂರು ಮೇಡ್ ಇನ್ ಅಮೇಥಿ ಎಂದು ಇರುತ್ತದೆ. ಉಗ್ರರ ವಿರುದ್ಧ, ನಕ್ಸಲರ ವಿರುದ್ಧ ಯೋಧರು ಅದನ್ನು ಬಳಸುತ್ತಾರೆ.
2014ರ ಚುನಾವಣೆಯಲ್ಲಿ ನಾವು ಅಮೇಥಿಯನ್ನು ಗೆದ್ದಿಲ್ಲ. ಆದರೆ, ನಿಮ್ಮ ಹೃದಯವನ್ನು ಗೆದ್ದಿದ್ದೇವೆ.
ನಮ್ಮ ಸಬ್ ಕೇ ಸಾಥ್ ಸಬ್ ಕೇ ವಿಕಾಸ್ ಮಂತ್ರಕ್ಕೆ ಅಮೇಥಿ ಉತ್ತಮ ಉದಾಹರಣೆ. ನಮಗೆ ಓಟು ಕೊಟ್ಟವರು, ಓಟು ಕೊಡದೇ ಇರುವವರು ಸಹ ನಮ್ಮವರು. 5 ವರ್ಷಗಳ ಬಳಿಕ ನಾನು ಅಮೇಥಿಗೆ ಬಂದಿದ್ದಾನೆ.
Click it and Unblock the Notifications
Sign in with Google