• search
  • Live TV
ಕಾರವಾರ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ನಾಲ್ಕನೇ ಸ್ಥಾನದಲ್ಲಿ ಉ.ಕ.ಜಿಲ್ಲೆ: ಸೌಂದರ್ಯ, ಅಮಿತಾ, ಮೈತ್ರಿ, ಏಕತಾ ಟಾಪರ್ಸ್

By ಕಾರವಾರ ಪ್ರತಿನಿಧಿ
|

ಕಾರವಾರ, ಮೇ 1 : ಸೋಮವಾರ ಪ್ರಕಟಗೊಂಡ ಪಿಯು ಫಲಿತಾಂಶದಲ್ಲಿ ಉತ್ತರ ಕನ್ನಡ ಜಿಲ್ಲೆಯು ಶೇ 76.75ರಷ್ಟು ಫಲಿತಾಂಶ ಸಾಧಿಸುವ ಮೂಲಕ ಈ ಬಾರಿ ರಾಜ್ಯದಲ್ಲಿ ನಾಲ್ಕನೇ ಸ್ಥಾನ ಪಡೆದುಕೊಂಡಿದೆ.

ಕಳೆದ ವರ್ಷ ಜಿಲ್ಲೆ ರಾಜ್ಯದಲ್ಲೇ ಮೂರನೇ ಸ್ಥಾನದಲ್ಲಿತ್ತು. ಈ ಬಾರಿ ಮಾರ್ಚ್ 1ರಿಂದ 17ರವರೆಗೆ ಜಿಲ್ಲೆಯ 30 ಕೇಂದ್ರಗಳಲ್ಲಿ ನಡೆದಿದ್ದ ಪರೀಕ್ಷೆಗೆ ಒಟ್ಟು 15,475 ಮಂದಿ ಕುಳಿತಿದ್ದರು. ಅದರಲ್ಲಿ 10,600 ಮಂದಿ ಉತ್ತೀರ್ಣರಾಗಿದ್ದಾರೆ. ಪರೀಕ್ಷೆಗೆ ಕುಳಿತ 7,045 ಬಾಲಕರಲ್ಲಿ 4,233 ಮಂದಿ ಹಾಗೂ 8,430 ಬಾಲಕಿಯರ ಪೈಕಿ 6,367 ಮಂದಿ ಉತ್ತೀರ್ಣರಾಗಿದ್ದಾರೆ.

ಪೈಪೋಟಿಯಲ್ಲಿ ಉಡುಪಿಯನ್ನು ಹಿಂದಿಕ್ಕಿದ ದಕ್ಷಿಣ ಕನ್ನಡ

ವಿಜ್ಞಾನ ವಿಭಾಗದಲ್ಲಿ ಭಟ್ಕಳದ ಸಿದ್ದಾರ್ಥ ಪದವಿಪೂರ್ವ ಕಾಲೇಜಿನ ಸೌಂದರ್ಯ ಡಿ.ನಾಯಕ ಹಾಗೂ ಯಲ್ಲಾಪುರದ ವೈಟಿಎಸ್ಎಸ್ ಪಿಯು ಕಾಲೇಜಿನ ಅಮಿತಾ ರಾಜೇಂದ್ರ ಗಾಂವ್ಕರ್ 587 (ಶೇ 97.83), ಕುಮಟಾದ ಸರಸ್ವತಿ ಪಿಯು ಕಾಲೇಜಿನ ಮುಕುಂದ ಪಾಂಡುರಂಗ ನಾಯಕ 586 (ಶೇ 97.66) ಹಾಗೂ ಅದೇ ಕಾಲೇಜಿನ ನಿರಂಜನ್ ಭರತ್ ಭಂಡಾರಕರ್ 585 (ಶೇ 97.5) ಅಂಕಗಳೊಂದಿಗೆ ಕ್ರಮವಾಗಿ ಮೊದಲ ಮೂರು ಸ್ಥಾನಗಳನ್ನು ಪಡೆದುಕೊಂಡಿದ್ದಾರೆ.

ವಾಣಿಜ್ಯ ವಿಭಾಗದಲ್ಲಿ ಶಿರಸಿಯ ಎಂಇಎಸ್ ಪಿಯು ಕಾಲೇಜಿನ ಮೈತ್ರಿ ಹೆಗಡೆ ಹಾಗೂ ತೇಜ ಹೆಗಡೆ 589 (ಶೇ 98.16) ಅಂಕಗಳೊಂದಿಗೆ ಪ್ರಥಮ, ಶಿರಸಿಯ ಎಂಇಎಸ್ ಚೈತನ್ಯ ಪಿಯು ಕಾಲೇಜಿನ ಶ್ರೀರಕ್ಷಾ ಹೆಗಡೆ, ಕುಮಟಾದ ಡಾ.ಎ.ವಿ.ಬಾಳಿಗಾ ಕಲಾ ಮತ್ತು ವಾಣಿಜ್ಯ ಪಿಯು ಕಾಲೇಜಿನ ಪವಿತ್ರಾ ಶ್ರೀನಿವಾಸ್ ಪೈ, ಕಾರವಾರದ ಸೇಂಟ್ ಜೋಸೆಫ್ ಪಿಯು ಕಾಲೇಜಿನ ವೆಲಿಂಕಾ ಕಬ್ರಾಲ್, ಶಿರಸಿಯ ಮಾರಿಕಾಂಬಾ ಸರ್ಕಾರಿ ಪದವಿಪೂರ್ವ ಕಾಲೇಜಿನ ಗಣೇಶ್ ವಿ.ಶೇಟ್ 583 (ಶೇ 97.16) ಅಂಕಗಳೊಂದಿಗೆ ದ್ವಿತೀಯ ಹಾಗೂ ಕುಮಟಾದ ಡಾ.ಎ.ವಿ.ಬಾಳಿಗಾ ಕಲಾ ಮತ್ತು ವಾಣಿಜ್ಯ ಪಿಯು ಕಾಲೇಜಿನ ಸಜ್ನ್ಯಾ ಪೈ 581 (ಶೇ 96.83 ಅಂಕಗಳೊಂದಿಗೆ ತೃತೀಯ ಸ್ಥಾನ ಪಡೆದುಕೊಂಡಿದ್ದಾರೆ.

ಕಲಾ ವಿಭಾಗದಲ್ಲಿ ಶಿರಸಿಯ ಎಂಇಎಸ್ ಪಿಯು ಕಾಲೇಜಿನ ಏಕತಾ ಭಟ್ 566 (ಶೇ 94.33) ಅಂಕಗಳೊಂದಿಗೆ ಪ್ರಥಮ, ಇದೇ ಕಾಲೇಜಿನ ಭಾರತಿ ಜಿ.ಹೆಗ್ಡೆ 554 (ಶೇ 92.33) ಅಂಕಗಳೊಂದಿಗೆ ದ್ವಿತೀಯ ಹಾಗೂ ಹೊನ್ನಾವರ ಎಂಪಿಇಎಸ್ ಎಸ್‌ಡಿಎಂ ಪಿಯು ಕಾಲೇಜಿನ ನಯನಾ ಗಜಾನನ ನಾಯ್ಕ ಹಾಗೂ ಕುಮಟಾದ ಡಾ.ಎ.ವಿ.ಬಾಳಿಗಾ ಕಲಾ ಮತ್ತು ವಾಣಿಜ್ಯ ಪಿಯು ಕಾಲೇಜಿನ ತೃಪ್ತಿ ಬಾಲಚಂದ್ರ ನಾಯ್ಕ 552 (ಶೇ 92) ಅಂಕಗಳೊಂದಿಗೆ ತೃತೀಯ ಸ್ಥಾನ ಪಡೆದುಕೊಂಡಿದ್ದಾರೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Karnataka Pu exam results of 2018 has been announced on monday. Amita, Maithri, Ekta topper of Uttara Kannada District. Last year Uttara Kannada district wasthird place in the state.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more