5,8ನೇ ತರಗತಿಗೆ ಮಕ್ಕಳಿಗಿನ್ನು ಪಬ್ಲಿಕ್ ಪರೀಕ್ಷೆ?
ಬೆಂಗಳೂರು, ಸೆ. 10 : ರಾಜ್ಯ ಸರ್ಕಾರ ಐದು ಮತ್ತು ಎಂಟನೆ ತರಗತಿ ವಿದ್ಯಾರ್ಥಿಗಳಿಗೆ ತಾಲೂಕು ಅಥವ ಜಿಲ್ಲಾ ಮಟ್ಟದ ಪಬ್ಲಿಕ್ ಪರೀಕ್ಷೆಯನ್ನು ನಡೆಸುವ ಕುರಿತು ಚಿಂತನೆ ನಡೆಸುತ್ತಿದೆ ಎಂದು ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣ ಸಚಿವ ಕಿಮ್ಮನೆ ರತ್ನಾಕರ್ ಹೇಳಿದ್ದಾರೆ.
ಮಂಗಳವಾರ
ನವದೆಹಲಿಯಲ್ಲಿ
ಮಾತನಾಡಿದ
ಕಿಮ್ಮನೆ
ರತ್ನಾಕರ್
ಅವರು,
ಒಂದರಿಂದ
ಎಂಟನೆ
ತರಗತಿ
ವರೆಗಿನ
ಶಿಕ್ಷಣದ
ಗುಣಮಟ್ಟವನ್ನು
ಹೆಚ್ಚಿಸಲು
ಸರ್ಕಾರ
ನಿರ್ಧರಿಸಿದೆ.
ಆದ್ದರಿಂದ
ಐದು
ಮತ್ತು
ಎಂಟನೆ
ತರಗತಿ
ವಿದ್ಯಾರ್ಥಿಗಳಿಗೆ
ತಾಲೂಕು
ಅಥವ
ಜಿಲ್ಲಾ
ಮಟ್ಟದ
ಪಬ್ಲಿಕ್
ಪರೀಕ್ಷೆಯನ್ನು
ನಡೆಸುವ
ಕುರಿತು
ಚಿಂತನೆ
ನಡೆಸಲಾಗುತ್ತದೆ
ಎಂದರು.
ಪಬ್ಲಿಕ್ ಪರೀಕ್ಷೆಗಳನ್ನು ನಡೆಸುವುದರಿಂದ ಶಿಕ್ಷಕರು ಮತ್ತು ವಿದ್ಯಾರ್ಥಿಗಳಿಗೆ ಅನುಕೂಲವಾಗಲಿದೆ. ಪ್ರೌಢಶಾಲೆಗೆ ಬಂದ ಎಷ್ಟೋ ವಿದ್ಯಾರ್ಥಿಗಳಿಗೆ ತಮ್ಮ ಹೆಸರು ಬರೆಯಲು ಬಾರದೆ ಇರುವ ಸ್ಥಿತಿ ಇದೆ. ಪಬ್ಲಿಕ್ ಪರೀಕ್ಷೆಗಳನ್ನು ನಡೆಸಿದರೆ ಅವುಗಳಿಂದ ಶಿಕ್ಷಕರು ಮತ್ತು ವಿದ್ಯಾರ್ಥಿಗಳಿಬ್ಬರ ಶಿಕ್ಷಣದ ಗುಣಮಟ್ಟವನ್ನು ಪರೀಕ್ಷಿಸಿದಂತಾಗುತ್ತದೆ ಎಂದು ಸಚಿವರು ತಿಳಿಸಿದರು.
16 ಸಾವಿರ ಶಿಕ್ಷಕರ ನೇಮಕ : ರಾಜ್ಯದಲ್ಲಿ ಒಟ್ಟು 28 ಸಾವಿರ ಶಿಕ್ಷಕರ ಕೊರತೆಯಿದೆ. ನವೆಂಬರ್ ಅಂತ್ಯದೊಳಗೆ 11 ಸಾವಿರ ಶಿಕ್ಷಕರನ್ನು ನೇಮಕ ಮಾಡಿಕೊಳ್ಳಲಾಗುತ್ತಿದೆ ಎಂದು ಕಿಮ್ಮನೆ ರತ್ನಾಕರ್ ಹೇಳಿದರು. [ಶೀಘ್ರದಲ್ಲೇ 11,500 ಶಿಕ್ಷಕರ ನೇಮಕಾತಿ]
16 ಸಾವಿರ ಶಿಕ್ಷಕರ ನೇಮಕ ಪ್ರಕ್ರಿಯೆಯನ್ನು ರಾಜ್ಯ ಸರ್ಕಾರ ಆರಂಭಿಸಿದೆ. 11 ಸಾವಿರ ಶಾಲಾ ಶಿಕ್ಷಕರ ನೇಮಕಕ್ಕೆ ಹಣಕಾಸು ಇಲಾಖೆ ಅನುಮೋದನೆ ನೀಡಿದೆ. ಉಳಿದ ಐದು ಸಾವಿರ ಶಿಕ್ಷಕರ ನೇಮಕಕ್ಕೆ ಮುಖ್ಯಮಂತ್ರಿಯವರ ಮೌಖಿಕ ಒಪ್ಪಿಗೆ ದೊರೆತಿದೆ ಎಂದರು.