100ಸಿಸಿ: ಹಳೆಯ ಬೈಕ್ ಗಳ ಮೇಲೂ ಡಬಲ್ ರೈಡ್ ನಿಷೇಧದ ತೂಗುಗತ್ತಿ

ಬೆಂಗಳೂರು, ಅಕ್ಟೋಬರ್ 25: 100 ಸಿಸಿಗಿಂತ ಕಡಿಮೆ ಸಾಮರ್ಥ್ಯದ ಎಂಜಿನ್ ಹೊಂದಿರುವ 0ಬೈಕ್ ಗಳಲ್ಲಿ ಹಿಂಬದಿ ಸವಾರರ ಸೀಟಿದ್ದರೆ ನೋಂದಣಿ ಮಾಡದಂತೆ ಸಾರಿಗೆ ಇಲಾಖೆ ಸುತ್ತೋಲೆ ಹೊರಡಿಸಿತ್ತು. ಇದೀಗ ಈ ಸಂಬಂಧ ಕರ್ನಾಟಕ ಮೋಟಾರು ವಾಹನ ಕಾಯ್ದೆ 1989ಕ್ಕೆ ತಿದ್ದುಪಡಿ ತರಲು ಸರಕಾರ ಹೊರಟಿದೆ.

"ಇತ್ತೀಚೆಗೆ ಹೊರಡಿಸಿದ ಆದೇಶ ಹೊಸ 100ಸಿಸಿಗಿಂತ ಕಡಿಮೆ ಸಾಮರ್ಥ್ಯದ ಬೈಕ್ ಗಳಿಗೆ ಮಾತ್ರ ಅನ್ವಯವಾಗಲಿದೆ. ಇದನ್ನು ಜನರು ತರ್ಕಬದ್ಧವಲ್ಲ ಎನ್ನುತ್ತಿದ್ದಾರೆ. ಹೀಗಾಗಿ ಬೆಳಗಾವಿ ಚಳಿಗಾಲದ ಅಧಿವೇಶನದಲ್ಲಿ ನಾವು ಇದಕ್ಕೆ ಮಾರ್ಗದರ್ಶಿ ಸೂತ್ರಗಳನ್ನು ನಿರ್ಧರಿಸಲಿದ್ದೇವೆ," ಎಂದು ಮಂಗಳವಾರ ಸಾರಿಗೆ ಸಚಿವ ಎಚ್.ಎಂ ರೇವಣ್ಣ ಹೇಳಿದ್ದಾರೆ.

ಈ ಮೂಲಕ 100ಸಿಸಿಗಿಂತ ಕಡಿಮೆ ಸಾಮರ್ಥ್ಯದ ಎಂಜಿನ್ ಹೊಂದಿರುವ ಬೈಕ್ ಗಳಿಗೂ ಡಬಲ್ ರೈಡ್ ನಿಷೇಧದ ಭೀತಿ ಎದುರಾಗಿದೆ.

ಇನ್ನು ಬೈಕ್ ಗಳಲ್ಲಿ ಡಬಲ್ ರೈಡ್ ನಿಷೇಧಿಸದಂತೆ ಬೈಕ್ ಉತ್ಪಾದಕರು ರಾಜ್ಯ ಸರಕಾರದ ಮೇಲೆ ಒತ್ತಡ ಹೇರುತ್ತಿದ್ದಾರೆ ಎಂಬ ಆರೋಪಗಳೂ ಕೇಳಿ ಬಂದಿವೆ.

English summary

The Transport Department is planning to amend the Karnataka Motor Vehicles Rules 1989, which forbids pillion seat to motorcycles having less than 100 cc engine capacity. The order issued recently will apply only to new bikes below 100cc. But in next amendment it may apply to old bikes too.