ಬಿಗ್ ಬಾಸ್ ರಿಯಾಲಿಟಿ ಶೋಗೆ ಹೋಗಿದ್ದಕ್ಕೆ ಸ್ಪಷ್ಟನೆ ನೀಡಿದ ಶಾಸಕ ಪ್ರದೀಪ್ ಈಶ್ವರ್
ಬೆಂಗಳೂರು, ಅಕ್ಟೋಬರ್ 10: ಕನ್ನಡದ ರಿಯಾಲಿಟಿ ಶೋ ಬಿಗ್ ಬಾಸ್ ಮನೆಗೆ ಚಿಕ್ಕಬಳ್ಳಾಪುರ ಶಾಸಕ ಪ್ರದೀಪ್ ಈಶ್ವರ್ ಅವರು ಹೋಗಿದ್ದಕ್ಕೆ ಭಾರೀ ಟೀಕೆಗಳು ವ್ಯಕ್ತವಾದ ಬೆನ್ನಲ್ಲೇ ಅದರಿಂದ ಹೊರ ಬಂದಿರುವ ಅವರು ತಾವು ಹೋಗಿದ್ದ ಕಾರಣವನ್ನು ಬಹಿರಂಗಪಡಿಸಿದ್ದಾರೆ.
ರಿಯಾಲಿಟಿ ಶೋ ಒಂದಕ್ಕೆ ಜನಪ್ರತಿನಿಧಿಯೊಬ್ಬರು ಹೋಗಿದ್ದು ಇದೇ ಮೊದಲಾಗಿತ್ತು. ಆದ್ದರಿಂದ ಕನ್ನಡ ಬಿಗ್ ಬಾಸ್ ಶೋಗೆ ಪ್ರವೇಶಿಸಿದ ಒಂದು ದಿನದ ನಂತರ, ಚಿಕ್ಕಬಳ್ಳಾಪುರ ಕಾಂಗ್ರೆಸ್ ಶಾಸಕ ಪ್ರದೀಪ್ ಈಶ್ವರ್ ತಮ್ಮ ನಿರ್ಧಾರವನ್ನು ಸಮರ್ಥಿಸಿಕೊಂಡಿದ್ದಾರೆ. ತಾವು ಈ ಸ್ಪರ್ಧೆಗೆ ಹೋಗಿದ್ದವರನ್ನು ಪ್ರೇರೇಪಿಸಲು ನಾನು ಕೇವಲ ಮೂರು ಗಂಟೆಗಳ ಕಾಲ ಮನೆಯಲ್ಲಿದ್ದೆ ಎಂದು ಹೇಳಿದ್ದಾರೆ.
ಕನ್ನಡ ಬಿಗ್ ಬಾಸ್ ಶೋಗೆ ಪ್ರವೇಶಿಸಲು ನಿರ್ಧರಿಸಿದ್ದಕ್ಕಾಗಿ ಸೋಮವಾರ ಹಲವಾರು ವಿರೋಧ ಪಕ್ಷದ ನಾಯಕರು ಶಾಸಕರನ್ನು ತರಾಟೆಗೆ ತೆಗೆದುಕೊಂಡಿದ್ದರು. ಒಬ್ಬ ಶಾಸಕರಾದವರಿಗೆ ಜವಾಬ್ದಾರಿ ಇಲ್ಲ ಎನ್ನವುದಕ್ಕೆ ಇದಕಿಂತ ಉದಾಹರಣೆ ಬೇಕಿಲ್ಲ ಎಂದು ಆರೋಪಿಸಿದ್ದರು.
ಸೋಮವಾರ ಕನ್ನಡ ಬಿಗ್ ಬಾಸ್ ಶೋ ಅನ್ನು ಪ್ರಸಾರ ಮಾಡುವ ಚಾನೆಲ್ನಿಂದ ಪ್ರೋಮೋ ಬಿಡುಗಡೆ ಮಾಡಲಾಗಿದ್ದು, ಇದರಲ್ಲಿ ಪ್ರದೀಪ್ ಈಶ್ವರ್ ಮನೆಗೆ ಪ್ರವೇಶಿಸಿದ್ದರು. ಇದು ಶಾಸಕರ ವಿರುದ್ಧ ತೀವ್ರ ಟೀಕೆಗೆ ಕಾರಣವಾಯಿತು. ಪ್ರದೀಪ್ ಅವರನ್ನು ಶಾಸಕ ಸ್ಥಾನದಿಂದ ವಜಾಗೊಳಿಸುವಂತೆ ವಿಧಾನಸಭಾಧ್ಯಕ್ಷ ಯು.ಟಿ.ಖಾದರ್ ಅವರಿಗೆ ಸಂಘಟನೆಯೊಂದು ಪತ್ರವನ್ನೂ ಬರೆದಿತ್ತು.
ನನ್ನನ್ನು ಕೇವಲ 3 ಗಂಟೆಗಳ ಕಾಲ ಬಿಗ್ ಬಾಸ್ಗೆ ಆಹ್ವಾನಿಸಲಾಯಿತು. ನಾನು ನನ್ನ ಪಾತ್ರವನ್ನು ನಿರ್ವಹಿಸಿ ಹೊರಬಂದೆ. ನಾನು ಕಾರ್ಯಕ್ರಮದ ಸ್ಪರ್ಧಾರ್ಥಿಗಳನ್ನು ಹಾಗೂ ರಾಜ್ಯದ ಯುವಕರನ್ನು ಪ್ರೇರೇಪಿಸಲು ಹೋಗಿದ್ದೆ. ನನ್ನ ಹೋರಾಟಗಳು ಮತ್ತು ನಾನು ಬಂದ ದಾರಿಯ ಬಗ್ಗೆ ಮಾತನಾಡಲು ನಾನು ಅಲ್ಲಿಗೆ ಹೋಗಿದ್ದೇ ಎಂದು ಪ್ರದೀಪ್ ಹೇಳಿದರು.
ಇನ್ನು ಕಳೆದ ವಿಧಾನಸಭೆ ಚುನಾವಣೆಯಲ್ಲಿ ಮಾಜಿ ಸಚಿವ ಡಾ ಕೆ ಸುಧಾಕರ್ ಅವರನ್ನು ಸೋಲಿಸಿ ಮೊದಲ ಬಾರಿಗೆ ಶಾಸಕನಾಗಿ ಆಯ್ಕೆಯಾಗಿದ್ದ ಅವರು ಸುಧಾಕರ್ ಅವರ ಟೀಕೆಗೆ ಅವರು ಟೀಕೆ ಮಾಡುವ ಅವಕಾಶ ಬಳಸಿಕೊಳ್ಳಲು ವಿಫಲವಾದರು ಎಂದು ವ್ಯಂಗ್ಯವಾಡಿದ್ದಾರೆ. ಈಗ ಅವರು ವಿರೋಧ ಪಕ್ಷದಲ್ಲಿದ್ದು, ಮಾತನಾಡುವುದು ಅವರ ಹಕ್ಕು. ಆದರೆ, ಸೋಮವಾರ ನನ್ನನ್ನು ಟೀಕಿಸಲು ಸುಧಾಕರ್ ಅವರಿಗೆ ಉತ್ತಮ ಅವಕಾಶವಿತ್ತು, ಆದರೆ ಅವರು ಅದರಲ್ಲಿ ವಿಫಲರಾದರು ಎಂದು ನಾನು ಹೇಳಲು ಬಯಸುತ್ತೇನೆ. ಅವರು ಕಾಮೆಂಟ್ ಮಾಡುವ ಮೊದಲು ಸ್ವಲ್ಪ ಸಮಯ ಕಾಯುತ್ತಿದ್ದರು. ಆದರೆ ಅವರು ಅತಿಯಾಗಿ ಪ್ರತಿಕ್ರಿಯಿಸಿದರು ಎಂದು ಶಾಸಕರು ಹೇಳಿದರು.
"ನಾನು ಸೋಮವಾರ ನನ್ನ ವಿದ್ಯಾರ್ಥಿಗಳಿಗೆ ಕಲಿಸುತ್ತಿದ್ದೆ ಮತ್ತು ಇಲ್ಲಿಯೇ ಇದ್ದೆ. ಧಾರಾವಾಹಿ ಪ್ರಸಾರವಾಗುವವರೆಗೂ ಈ ವಿಚಾರದಲ್ಲಿ ಮೌನ ವಹಿಸುವಂತೆ ಚಾನೆಲ್ನವರು ಹೇಳಿದ್ದರು. ಇದು ಸೋಮವಾರ ಪ್ರಸಾರವಾಯಿತು ಮತ್ತು ನಾನು ನನ್ನ ಮೌನವನ್ನು ಮುರಿದೆ. ಇದರಲ್ಲಿ ತಪ್ಪೇನಿಲ್ಲ ಎಂದು ನನಗನಿಸುತ್ತದೆ' ಎಂದು ಪ್ರದೀಪ್ ಹೇಳಿದ್ದಾರೆ.
Click it and Unblock the Notifications
Sign in with Google