• search

ಬಹುಮತವನ್ನು ಬಿಜೆಪಿ ಹೇಗೆ ಸಾಬೀತುಪಡಿಸುತ್ತದೆ? ದಾರಿಗಳೇನು?

Posted By: ವಿಕಾಸ್ ನಂಜಪ್ಪ
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಬೆಂಗಳೂರು, ಮೇ 17 : ಪ್ರಮಾಣವಚನ ಸ್ವೀಕಾರಕ್ಕೆ ಸರ್ವೋಚ್ಚ ನ್ಯಾಯಾಲಯ ನಡುರಾತ್ರಿ ಗ್ರೀನ್ ಸಿಗ್ನಲ್ ನೀಡಿದ್ದರಿಂದ ಭಾರತೀಯ ಜನತಾ ಪಕ್ಷ ಮತ್ತು ಯಡಿಯೂರಪ್ಪ ನಿರಾಳರಾಗಿದ್ದಾರೆ. ದಿನಬೆಳಗಾಗುತ್ತಲೇ ಯಡಿಯೂರಪ್ಪನವರ ಪ್ರಮಾಣವಚನ ಸ್ವೀಕಾರ ಸಮಾರಂಭವೂ ಮುಗಿದುಹೋಗಿದೆ.

    ಆದರೆ, ನಿಜವಾದ ಸವಾಲು ಇದೀಗ ಆರಂಭವಾಗಲಿದೆ. ಬಹುಮತಕ್ಕೆ ಬೇಕಾಗಿರುವ 112 ಮತಗಳ ಬದಲಾಗಿ ಕೇವಲ 104 ಸ್ಥಾನಗಳನ್ನು ಹೊಂದಿರುವ ಬಿಜೆಪಿ ಹೇಗೆ ಬಹುಮತ ಸಾಬೀತುಪಡಿಸುತ್ತದೆ? ಈಬಾರಿ ಆಪರೇಶನ್ ಕಮಲ ಮಾಡುವುದಿಲ್ಲವೆಂದು ಕೂಡ ಹೇಳಿದೆ. ಹೀಗಿದ್ದ ಮೇಲೆ ಬಹುಮತ ಹೇಗೆ ಸಾಧ್ಯ?

    24ನೇ ಮುಖ್ಯಮಂತ್ರಿ ಯಡಿಯೂರಪ್ಪ ಮುಂದಿರುವ ಸವಾಲುಗಳು

    ತೆರೆಯ ಹಿಂದೆ ಭಾರೀ ಚಟುವಟಿಕೆಗಳು, 'ಲೆಕ್ಕಾಚಾರ'ಗಳು ನಡೆಯುತ್ತಿವೆ. ರೆಡ್ಡಿ ಸಹೋದರರು ಮತ್ತೆ ಚುರುಕಾಗಿದ್ದಾರೆ. ಶ್ರೀರಾಮುಲು ಮುಂದಾಳತ್ವ ವಹಿಸಿದ್ದಾರೆ. ಕಾಂಗ್ರೆಸ್ ಮತ್ತು ಜೆಡಿಎಸ್ ಪಾಳಯದಲ್ಲಿದ್ದ ಕೆಲ ಶಾಸಕರು ಇದ್ದಕ್ಕಿದ್ದಂತೆ ನಿಗೂಢವಾಗಿ ಕಣ್ಮರೆಯಾಗಿದ್ದಾರೆ.

    It is strategy abstain, not Operation Lotus this time for BJP Karnataka

    ಒನ್ಇಂಡಿಯಾಗೆ ತಿಳಿದುಬಂದ ಮಾಹಿತಿ ಏನೆಂದರೆ, ಯಡಿಯೂರಪ್ಪನವರ ಪ್ರಮಾಣವಚನ ಸಮಾರಂಭ ಮುಗಿಯುತ್ತಿದ್ದಂತೆ ಕೆಲ ಶಾಸಕರು, ಕಮಲದ ದಳವನ್ನು ಹಿಡಿಯಲಿದ್ದಾರೆ. ವಿರೋಧಿಗಳ ಬಲವನ್ನು ತಗ್ಗಿಸಿ, ಬಿಜೆಪಿ ಬೆಂಬಲಿಗ ಶಾಸಕರು ಬಹುಮತದ ಸಮಯದಲ್ಲಿ ವಿರೋಧಿಗಳ ಪರ ಮತ ಹಾಕದಂತೆ ತಡೆಯುವುದೇ ಪ್ಲಾನ್.

    ಮೊದಲಿಗೆ, 2008ರಲ್ಲಿ ನಡೆಸಿದಂತೆ 'ಆಪರೇಶನ್ ಕಮಲ' ನಡೆಸುವ ಯೋಜನೆ ರೂಪಿಸಿತ್ತು. ಆದರೆ, ಕೇಂದ್ರ ನಾಯಕತ್ವದಿಂದ ವಿರೋಧ ಬಂದ ಕಾರಣ, ಅದನ್ನು ಕೈಬಿಡಲಾಗಿಯಿತು. ಈ ಕಗ್ಗಂಟನ್ನು ನೀವು ವಿಧಾನಸೌಧದ ಗೋಡೆಗಳ ನಡುವೆಯೇ ಬಗೆಹರಿಸಿಕೊಳ್ಳಬೇಕು ಎಂದು ಸ್ಪಷ್ಟ ನಿರ್ದೇಶನ ನೀಡಿದ್ದಾರೆ ಅಮಿತ್ ಶಾ.

    ದೇವರ ಹೆಸರಿನಲ್ಲಿ ಪ್ರಮಾಣ ವಚನ ಸ್ವೀಕರಿಸಿದ ಯಡಿಯೂರಪ್ಪ

    224ರಲ್ಲಿ 222 ಸ್ಥಾನಗಳಿಗೆ ಮಾತ್ರ ಚುನಾವಣೆ ನಡೆದಿರುವುದರಿಂದ ಬಹುಮತ ಸಾಬೀತುಪಡಿಸಲು ಬೇಕಿರುವುದು 112 ಸ್ಥಾನಗಳು ಮಾತ್ರ. ಬಲ್ಲ ಮೂಲಗಳ ಪ್ರಕಾರ, ಸಿದ್ದರಾಮಯ್ಯ ಆಡಳಿತದಿಂದ ಬೇಸರಗೊಂಡಿದ್ದ ಕೆಲ ಲಿಂಗಾಯತ ಕಾಂಗ್ರೆಸ್ ನಾಯಕರು ಬಿಜೆಪಿಯನ್ನು ಬೆಂಬಲಿಸಲಿದ್ದಾರೆ. ಅಲ್ಲದೆ, ಸುಮಾರು 15 ಎಂಎಲ್ಎಗಳು ಮತ ಚಲಾವಣೆಯಿಂದ ಹೊರಗುಳಿಯಲಿದ್ದಾರೆ. ಯಡಿಯೂರಪ್ಪನವರಿಗೆ ಬಹುಮತ ಸಾಬೀತುಪಡಿಸಲು ಈಗಾಗಲೆ ರಾಜ್ಯಪಾಲರಾದ ವಜುಭಾಯಿ ವಾಲಾ ಅವರು 15 ದಿನಗಳ ಕಾಲಾವಕಾಶ ನೀಡಿದ್ದಾರೆ.

    ಆಪರೇಶನ್ ಕಮಲ ಮಾಡಿ ಶಾಸಕರನ್ನು ಪಕ್ಷದ ತೆಕ್ಕೆಗೆ ತೆಗೆದುಕೊಳ್ಳುವು ಕಷ್ಟಸಾಧ್ಯ. ಏಕೆಂದರೆ, ಪಕ್ಷಾಂತರ ಕಾಯ್ದೆ ಅಡ್ಡ ಬರುವುದರಿಂದ ಅದರ ಸಾಧ್ಯತೆಯನ್ನು ತಳ್ಳಿಹಾಕಲಾಗಿದೆ. ಆ ಕಾರಣದಿಂದಾಗಿ ಬಿಜೆಪಿಯನ್ನು ಬೆಂಬಲಿಸುವ ಶಾಸಕರು ಬಹುಮತ ಸಾಬೀತುಪಡಿಸುವಾಗ ಕಾಂಗ್ರೆಸ್ ಮತ್ತು ಜೆಡಿಎಸ್ ಪರವಾಗಿ ಮತ ಹಾಕದಿದ್ದರೆ ಆಯಿತು.

    ಮತ್ತೊಂದು ಸಾಧ್ಯತೆಯೆಂದರೆ, ನಾಲ್ಕೈದು ಶಾಸಕರನ್ನು ರಾಜೀನಾಮೆ ನೀಡಲು ಹೇಳುವುದು. ಇದರಿಂದ ಕಾಂಗ್ರೆಸ್ ಮತ್ತು ಜೆಡಿಎಸ್ ಬಲ ಬಹುಮತಕ್ಕಿಂತ ಕೆಳಗೆ ಬರಲಿದೆ. ಆಗ ಬಹುಮತ ಸಾಬೀತುಪಡಿಸುವುದು ಬಿಜೆಪಿಗೆ ಸಲೀಸು. ಆದರೆ, ಇದೀಗ ತಾನೆ ವಿಧಾನಸಭೆಗೆ ಆಯ್ಕೆಯಾಗಿರುವ ಶಾಸಕರಿಂದ ರಾಜೀನಾಮೆ ನೀಡಿಸುವುದು ಸ್ಪಲ್ಪ ಕಷ್ಟದ ಕೆಲವೇ. ಆದ್ದರಿಂದ, ಮತ ಹಾಕದಂತೆ ಹೊರಗುಳಿಯುವುದು ಸದ್ಯದ ಸುಲಭದ ಮಾರ್ಗವಾಗಿದೆ. ಇನ್ನೂ ಏನೇನಾಗುತ್ತೆ ಕಾದು ನೋಡಿ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    How Karnataka BJP prove majority on the floor of Karnataka Assembly? Newly sworn chief minister B S Yeddyurappa has only 104 seats and he needs 112 seats to set the govt sailing. How will he do it? The plan would be to bring down the House strength and ensure that many MLAs abstain.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more