ಸಿಯಾಚಿನ್ ಹೀರೋ ಹಾಸನದ ನಾಗೇಶ್‌ಗೆ ದುಃಖತಪ್ತ ವಿದಾಯ

Updated: Tuesday, February 16, 2016, 19:47 [IST]

ಹಾಸನ, ಫೆಬ್ರವರಿ , 16: ಸಿಯಾಚಿನ್ ನಲ್ಲಿ ದೇಶಕ್ಕೆ ಪ್ರಾಣ ತ್ಯಾಗ ಮಾಡಿದ ವೀರಯೋಧನಿಗೆ ಜೈಕಾರ. ಅಗಲಿದ ಜಿಲ್ಲೆಯ ಪುತ್ರನಿಗೆ ಸಹಸ್ರಾರು ಜನರಿಂದ ಗೌರವ ಅರ್ಪಣೆ. ಹಾಸನದ ವೀರ ಸುಬೇದಾರ್ ನಾಗೇಶ್ ಭಾರತದ ಪತಾಕೆಯಡಿ ಮಲಗಿ ಮಣ್ಣು ಸೇರಿದ್ದಾರೆ.

ಜಿಲ್ಲೆ ಮತ್ತು ಪಕ್ಕದ ಜಿಲ್ಲೆಯಿಂದ ಆಗಮಿಸಿದ ಜನರು ನಾಗೇಶ್ ಅವರಿಗೆ ಅಂತಿಮ ನಮನ ಸಲ್ಲಿಕೆ ಮಾಡಿದರು. ಮಂಗಳವಾರ ಸಾವಿರಾರು ಜನರು ಸಿಯಾಚಿನ್ ಹಿಮಪಾತಕ್ಕೆ ಸಿಲುಕಿ ಹುತಾತ್ಮರಾದ ಜಿಲ್ಲೆಯ ಪುತ್ರ ಟಿ.ಟಿ. ನಾಗೇಶ್ ಅವರ ಅಂತಿಯ ಯಾತ್ರೆಯಲ್ಲಿ ಪಾಲ್ಗೊಂಡು ಗೌರವ ಸಲ್ಲಿಕೆ ಮಾಡಿದ್ದಾರೆ. ತಮ್ಮ ಕುಟುಂಬದ ವ್ಯಕ್ತಿಯನ್ನು ಕಳೆದುಕೊಂಡಿರುವಂತೆ ಜನರು ಸಂತಾಪ ವ್ಯಕ್ತಪಡಿಸಿದರು.[ಹಿಮದಡಿ ಸಿಲುಕಿ ಎದ್ದುಬಂದ ಹನುಮಂತಪ್ಪ ಕೊಪ್ಪದ್]

ಹಾಸನ ತಾಲೂಕಿನ ತೇಜೂರು ಗ್ರಾಮದ ಯೋಧ ಟಿ.ಟಿ. ನಾಗೇಶ್ ಅವರ ಪಾರ್ಥಿವ ಶರೀರವನ್ನು ಮಂಗಳವಾರ ಬೆಳಿಗ್ಗೆ ಸಾರ್ವಜನಿಕ ದರ್ಶನಕ್ಕೆ ಇಡಲಾಗಿತ್ತು ಮಂಗಳವಾರ ಬೆಳಿಗ್ಗೆ 8 ಗಂಟೆಯಿಂದ 9 ಗಂಟೆಯವರೆಗೆ ಜಿಲ್ಲಾಧಿಕಾರಿ ಕಚೇರಿ ಆವರಣದಲ್ಲಿ ಸಾರ್ವಜನಿಕರ ದರ್ಶನಕ್ಕೆ ಇರಿಸಲಾಗಿತ್ತು.