• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಡಿಜಿಟಲ್ ತಂತ್ರಜ್ಞಾನ : ಮೋದಿಹಾದಿಯಲ್ಲೇ ಸಿಎಂ ಸಿದ್ದು

|

ಬೆಂಗಳೂರು, ಡಿ.4 : ಪ್ರಧಾನಿ ನರೇಂದ್ರ ಮೋದಿ ಅವರಂತೆ ಡಿಜಿಟಲ್ ತಂತ್ರಜ್ಞಾನಕ್ಕೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಮೊರೆ ಹೋಗಿದ್ದಾರೆ. 'ಮೊಬೈಲ್‌­ ಒನ್‌' ಯೋಜನೆ ಉದ್ಘಾಟನಾ ಆಮಂತ್ರಣ ಪತ್ರಿಕೆಯಲ್ಲಿ ಸಿದ್ದರಾಮಯ್ಯ ಅವರ ಧ್ವನಿ ಮುದ್ರಿತ ಆಮಂತ್ರಣವಿದೆ.

'ನಾಡ ಬಾಂಧವರೇ, ನಾನು ನಿಮ್ಮ ಮುಖ್ಯಮಂತ್ರಿ ಸಿದ್ದ­ರಾಮಯ್ಯ ಮಾತ­ನಾಡುತ್ತಿದ್ದೇನೆ. ಕರ್ನಾ­­­­ಟಕ ಸರ್ಕಾರದ ಮೊಬೈಲ್‌ ಆಡ­ಳಿತ­­­ವನ್ನು ನಾಡಿಗೆ ಸಮರ್ಪಿಸಲಾ­ಗು­ತ್ತಿದೆ ಎಂದು ಪ್ರಕಟಿ­ಸಲು ಹರ್ಷಿಸುತ್ತೇನೆ. ಭಾರ­ತದ ಘನತ­ವೆತ್ತ ರಾಷ್ಟ್ರಪತಿಗಳು ‘ಕರ್ನಾ­ಟಕ ಮೊಬೈಲ್‌ ಒನ್‌' ಸೇವೆ­ಯನ್ನು ಉದ್ಘಾಟಿ­ಸಲು ಒಪ್ಪಿರುತ್ತಾರೆ' ಎಂದು ಆರಂಭವಾಗುವ ಆಹ್ವಾನ ಪತ್ರಿಕೆ ನಿಮ್ಮನ್ನು ಕಾರ್ಯಕ್ರಮಕ್ಕೆ ಆಹ್ವಾನಿಸುತ್ತದೆ.

ಡಿ.8ರಂದು ಬೆಂಗಳೂರು ಅಂತರ­ರಾಷ್ಟ್ರೀಯ ವಸ್ತು ಪ್ರದರ್ಶನ ಕೇಂದ್ರ­ದಲ್ಲಿ ನಡೆಯಲಿರುವ ಕಾರ್ಯ­ಕ್ರಮಕ್ಕೆ 'ಎಲೆಕ್ಟ್ರಾನಿಕ್‌ ಆಹ್ವಾನ ಪತ್ರ' ಮಾಡಿಸಲಾಗಿದೆ. ಇದರಲ್ಲಿ ಸಿಎಂ ಸ್ವತಃ ತಮ್ಮ ಮಾತಿನ ಮೂಲಕ ಜನರಿಗೆ ಆಮಂತ್ರಣ ನೀಡಲಿದ್ದಾರೆ. ಇಂಗ್ಲಿಷ್‌ ಹಾಗೂ ಕನ್ನಡ ಭಾಷೆಯಲ್ಲಿ ಆಹ್ವಾನ ಪತ್ರಿಕೆಯ ಪುಟ ತೆಗೆಯು­ತ್ತಿ­ದ್ದಂತೆ ಮುದ್ರಿತ ಧ್ವನಿ ಕೇಳಿಸುತ್ತದೆ. [ಸಾಮಾಜಿಕ ಜಾಲತಾಣಕ್ಕೆ ಬಂದ್ರು ಸಿಎಂ ಸಿದ್ದರಾಮಯ್ಯ]

ದೇಶದಲ್ಲಿಯೇ ಪ್ರಪ್ರಥಮ ಬಾರಿಗೆ ಅನುಷ್ಠಾನವಾಗುತ್ತಿರುವ 'ಮೊಬೈಲ್‌ಒನ್‌' ಯೋಜನೆಯಡಿ ಸರ್ಕಾ­­­­­­ರದ ವಿವಿಧ ಸೇವೆಗಳನ್ನು ನಿಮ್ಮ ಬೆರಳ ತುದಿ­ಯಲ್ಲಿಯೇ ಪಡೆಯಬಹುದು. ಇದಕ್ಕಾಗಿ ನೀವು ಮೊದಲು 161ಕ್ಕೆ ಕರೆ ಮಾಡಿ ಮಾಹಿತಿ ಪಡೆಯಬಹುದಾಗಿದೆ. ಆರಂಭದಲ್ಲಿ ಸರ್ಕಾರಿ, ಖಾಸಗಿ ವಲ­ಯದ ನಾಲ್ಕು ಸಾವಿರಕ್ಕೂ ಹೆಚ್ಚಿನ ಸೇವೆ­ಗಳು ಈ ಯೋಜನೆಯಲ್ಲಿ ಲಭ್ಯವಿರುತ್ತವೆ. [ಮೊಬೈಲ್ ಆಡಳಿತ ಜಾರಿಗೆ ಸಿದ್ದರಾಮಯ್ಯ ಸಜ್ಜು]

ಮೊಬೈಲ್‌ ಒನ್‌ ಕುರಿತು ಒಂದಷ್ಟು : ಸರ್ಕಾರ, ಖಾಸಗಿ ವಲಯದ ವಿವಿಧ ರೀತಿಯ ಸೇವೆ­ಯನ್ನು ಮೊಬೈಲ್‌ ಮೂಲಕ ನೀಡುವ ಯೋಜನೆ ಇದಾಗಿದೆ. ಸರ್ಕಾರದ 37 ಇಲಾಖೆಗಳ 637 ಸೇವೆಗಳು ಮೊಬೈಲ್‌ ಮೂಲಕವೇ ಲಭ್ಯವಾಗಲಿವೆ. ಮನೆ ಅಥವಾ ನಿವೇಶನದ ಆಸ್ತಿ ತೆರಿಗೆ­ಯಿಂದ ಹಿಡಿದು ವಿದ್ಯುತ್‌, ನೀರು ಮತ್ತು ದೂರವಾಣಿ ಬಿಲ್‌ಗಳನ್ನೂ ಮೊಬೈ­ಲ್‌­ ಮೂಲಕ ಪಾವತಿ ಮಾಡಬಹುದು, ಬಸ್‌ ಟಿಕೆಟ್‌ ಕಾಯ್ದಿರಿಸಬಹುದು.

3ಡಿಯಲ್ಲಿ ಭಾಷಣ ಪ್ರಸಾರ : 'ಕರ್ನಾ­ಟಕ ಮೊಬೈಲ್‌ ಒನ್‌' ಸೇವೆ ಉದ್ಘಾಟನಾ ಕಾರ್ಯಕ್ರಮ ಬೆಂಗಳೂರಿನಲ್ಲಿ ನಡೆಯಲಿದ್ದು, ಕಾರ್ಯಕ್ರಮದಲ್ಲಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮಾಡುವ ಭಾಷಣವನ್ನು ಮೈಸೂರಿನಲ್ಲಿ 3ಡಿ ತಂತ್ರಜ್ಞಾನದ ಮೂಲಕ ಪ್ರಸಾರ ಮಾಡಲಾಗುತ್ತದೆ ಎಂದು ತಿಳಿದುಬಂದಿದೆ. ಈ ಬಗ್ಗೆ ಅಂತಿಮ ತೀರ್ಮಾನ ಹೊರಬಿದ್ದಿಲ್ಲ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
PM Narendra Modi may have a vision for Digital India, Congress ruled Karnataka is rolling out the case-study for it. On December 8, President Pranab Mukherjee will inaugurate a one of its kind mobile application, 'Karnataka Mobile One' which will act as a single window to 637 services offered by the government.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more