ಒಲಿಂಪಿಯನ್ ಕೃಷ್ಣ ಪೂನಿಯಾಗೆ ಜೈಪುರದ ಟಿಕೆಟ್ ಕೊಟ್ಟ ಕಾಂಗ್ರೆಸ್
ಜೈಪುರ, ಏಪ್ರಿಲ್ 02: ಒಲಿಂಪಿಕ್ ಡಿಸ್ಕಸ್ ಎಸೆತಗಾರ್ತಿ ಕೃಷ್ಣ ಪೂನಿಯಾ ಅವರಿಗೆ ಜೈಪುರ ಗ್ರಾಮೀಣ ಲೋಕಸಭಾ ಕ್ಷೇತ್ರದಿಂದ ಸ್ಪರ್ಧಿಸಲು ಕಾಂಗ್ರೆಸ್ಸಿನಿಂದ ಬಿ ಫಾರಂ ನೀಡಲಾಗಿದೆ.
ಜೈಪುರ ಗ್ರಾಮೀಣ ಲೋಕಸಭಾ ಕ್ಷೇತ್ರಕ್ಕೆ ಅಭ್ಯರ್ಥಿ ಘೋಷಿಸುವ ಮೂಲಕ ಒಟ್ಟಾರೆ, 325 ಅಭ್ಯರ್ಥಿಗಳನ್ನು ಕಾಂಗ್ರೆಸ್ ಹೆಸರಿಸಿದೆ.
ಮೂರು ಬಾರಿ ಒಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ ಭಾರತವನ್ನು ಪ್ರತಿನಿಧಿಸಿರುವ ಕೃಷ್ಣ ಪೂನಿಯ ಅವರು, ರಾಜಸ್ಥಾನದ ಸದಲ್ ಪುರ್ ಕ್ಷೇತ್ರದ ಹಾಲಿ ಶಾಸಕಿಯಾಗಿದ್ದಾರೆ.
ಈಗ ಕೇಂದ್ರ ವಾರ್ತಾ ಮತ್ತು ಪ್ರಸಾರ ಖಾತೆ ಸಚಿವ, ಒಲಿಂಪಿಕ್ಸ್ ಪದಕ ವಿಜೇತ, ಜೈಪುರ ಗ್ರಾಮೀಣ ಕ್ಷೇತ್ರದ ಹಾಲಿ ಸಂಸದ ರಾಜ್ಯವರ್ಧನ್ ರಾಥೋರ್ ವಿರುದ್ಧ ಕೃಷ್ಣ ಪೂನಿಯಾ ಸೆಣಸಲಿದ್ದಾರೆ.
ಲೋಕಸಭಾ ಚುನಾವಣೆ 2019 : ವಿಶೇಷ ಪುಟ | ಗ್ಯಾಲರಿ
ಅಭ್ಯರ್ಥಿಗಳ ಹೊಚ್ಚ ಹೊಸ ಪಟ್ಟಿಯಲ್ಲಿ ಇಬ್ಬರು ಮಹಾರಾಷ್ಟ್ರ, ಗುಜರಾತಿನ ಒಬ್ಬರು ಹಾಗೂ ರಾಜಸ್ಥಾನದ 6 ಮಂದಿ ಅಭ್ಯರ್ಥಿಗಳನ್ನು ಹೆಸರಿಸಲಾಗಿದೆ. ಈ ಪೈಕಿ ಸುರೇಶ್ ಕಲ್ಮಾಡಿ ಪ್ರತಿನಿಧಿಸುತ್ತಿದ್ದಾ ಪುಣೆಯಿಂದ ಮೋಹನ್ ಜೋಶಿ ಅವರಿಗೆ ಟಿಕೆಟ್ ನೀಡಲಾಗಿದೆ.
2010ರ ದೆಹಲಿ ಕಾಮನ್ ವೆಲ್ತ್ ಗೇಮ್ಸ್ ನಲ್ಲಿ ಡಿಸ್ಕಸ್ ಎಸೆತದಲ್ಲಿ ಚಿನ್ನದ ಪದಕ ಗೆದ್ದ ಪೂನಿಯಾ ಅವರು ಈಗ ಸಂಸದೆಯಾಗಲು ಮುಂದಾಗಿದ್ದಾರೆ.
Click it and Unblock the Notifications
Sign in with Google