ಮೌನಾ ಲೋವ ಜ್ವಾಲಾಮುಖಿ ಸ್ಟೋಟ: ಅಮೆರಿಕದಲ್ಲಿ ಕೆಂಪಾದ ಆಕಾಶ

ವಿಶ್ವದ ಅತಿದೊಡ್ಡ ಸಕ್ರಿಯ ಜ್ವಾಲಾಮುಖಿ 'ಮೌನಾ ಲೋವಾ' ಹವಾಯಿಯಲ್ಲಿ (ಯುನೈಟೆಡ್ ಸ್ಟೇಟ್ಸ್‌ನ ಒಂದು ಸ್ಥಳ) ಸ್ಫೋಟಗೊಂಡಿದೆ. ಮೌನಾ ಲೋವಾ 40 ವರ್ಷಗಳಲ್ಲಿ ಮೊದಲ ಬಾರಿಗೆ ಸ್ಫೋಟಗೊಂಡಿದೆ. ಯುನೈಟೆಡ್ ಸ್ಟೇಟ್ಸ್ ಜಿಯೋಲಾಜಿಕಲ್ ಸರ್ವೆ (USGS) ಪ್ರಕಾರ, ಜ್ವಾಲಾಮುಖಿ ಮೌನಾ ಲೋವಾ ನವೆಂಬರ್ 27 ರಂದು ಸ್ಥಳೀಯ ಸಮಯ 11:30 ರ ಸುಮಾರಿಗೆ ಶಿಖರದಿಂದ ಸ್ಫೋಟಿಸಲು ಪ್ರಾರಂಭವಾಯಿತು. ಅಂದಿನಿಂದ ಜ್ವಾಲಾಮುಖಿ ಲಾವಾವನ್ನು ಉಗುಳುತ್ತಿದೆ. ಜ್ವಾಲಾಮುಖಿಯ ಶಿಖರದಲ್ಲಿ ಲಾವಾ ಇನ್ನೂ ಹೊರಬರುತ್ತಿದ್ದು ಆತಂಕಕೊಂಡಿದ್ದಾರೆ.

ಮೌನಾ ಲೋವಾ ಜ್ವಾಲಾಮುಖಿ ಅಮೆರಿಕದ ಹವಾಯಿಯಲ್ಲಿದೆ. ಹವಾಯಿ ಪೆಸಿಫಿಕ್ ಮಹಾಸಾಗರದ ಮಧ್ಯದಲ್ಲಿ ನೆಲೆಗೊಂಡಿರುವ ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೇರಿಕಾದ ಒಂದು ಪ್ರದೇಶವಾಗಿದೆ. ಯುನೈಟೆಡ್ ಸ್ಟೇಟ್ಸ್ ಭೂವೈಜ್ಞಾನಿಕ ಸಮೀಕ್ಷೆಯ ಪ್ರಕಾರ, ಬಲವಾದ ಗಾಳಿಯು ಜ್ವಾಲಾಮುಖಿ ಬೂದಿ ಮತ್ತು ಅನಿಲವನ್ನು ಇತರ ಪ್ರದೇಶಗಳಿಗೆ ಹರಡುತ್ತಿದೆ. USGS ಹಿಂದಿನ ಘಟನೆಗಳನ್ನು ನೆನಪಿಸಿಕೊಳ್ಳುತ್ತಾ, ಮೌನಾ ಲೋವಾ ಸ್ಫೋಟದ ಆರಂಭಿಕ ಹಂತಗಳು ಬಹಳ ಕ್ರಿಯಾತ್ಮಕವಾಗುತ್ತವೆ ಎಂದು ಹೇಳುತ್ತದೆ.

ವಿಶ್ವದ ಅತಿದೊಡ್ಡ ಜ್ವಾಲಾಮುಖಿ ಮೌನಾ ಲೋವಾ ಸ್ಪೋಟ

ಲಾವಾ ಹರಿವಿನ ಸ್ಥಳ ಮತ್ತು ವೇಗ ಎರಡೂ ಬಹಳ ವೇಗವಾಗಿ ಬದಲಾಗಬಹುದು ಎಂದು USGS ಹೇಳಿದೆ. ಸ್ಫೋಟವು ಸೌಮ್ಯವಾಗಿದ್ದರೆ, ಲಾವಾ ಕೂಡ ಮೇಲ್ಭಾಗದಲ್ಲಿ ಉಳಿಯುತ್ತದೆ. ಆದರೆ ಈ ಸ್ಫೋಟ ಹೆಚ್ಚಾದರೆ ಕಷ್ಟವಾಗುತ್ತದೆ. ಸ್ಫೋಟವು ಹೆಚ್ಚಾದರೆ, ಲಾವಾ ಹೊರಬರಲು ಪ್ರಾರಂಭಿಸುತ್ತದೆ ಮತ್ತು ಹೆಚ್ಚಿನ ವೇಗದಲ್ಲಿ ಕೆಳಮುಖವಾಗಿ ಚಲಿಸುತ್ತದೆ ಎಂದು ನಾವು ನೋಡುತ್ತೇವೆ.

ಅಮೆರಿಕದಲ್ಲಿ ಕೆಂಪು ಆಕಾಶ ಸೃಷ್ಟಿ

ಸದ್ಯ ಮೌನಾ ಲೋವಾ ಜ್ವಾಲಾಮುಖಿ ಸ್ಫೋಟದಿಂದ ಜನವಸತಿ ಪ್ರದೇಶಗಳಿಗೆ ಯಾವುದೇ ಅಪಾಯವಿಲ್ಲ ಎಂದು ಅಮೆರಿಕದ ಹವಾಯಿ ತುರ್ತು ನಿರ್ವಹಣಾ ಸಂಸ್ಥೆ ಹೇಳಿದೆ. ಸಾಮಾಜಿಕ ಮಾಧ್ಯಮದಲ್ಲಿ ಹವಾಯಿಯ ಜನರು ಮೌನಾ ಲೋವಾ ಜ್ವಾಲಾಮುಖಿ ಸ್ಫೋಟದ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ. ಇದರಲ್ಲಿ ಆಕಾಶವು ಕೆಂಪು ಬಣ್ಣಕ್ಕೆ ತಿರುಗುತ್ತಿರುವುದು ಕಂಡುಬಂದಿದೆ. ಕೆಲವು ಚಿತ್ರಗಳಲ್ಲಿ ಬೂದಿ ನೆಲದ ಮೇಲೆ ಗೋಚರಿಸುತ್ತದೆ. ಹರಿಯುವ ಲಾವಾ ಬೆಂಕಿಯ ನದಿಯಂತೆ ಕಾಣುತ್ತದೆ ಎಂದು ಹಲವರು ಸಾಮಾಜಿಕ ಜಾಲತಾಣಗಳಲ್ಲಿ ಬರೆದುಕೊಂಡಿದ್ದಾರೆ.

#HVO field crews are at Mauna Loa's NE Rift Zone to make observations and collect information that will be used to create lava flow maps and inform hazard analysis. Lava flows are not threatening downslope communities. #MaunaLoaErupts pic.twitter.com/WTtgZg9uD0

— USGS Volcanoes🌋 (@USGSVolcanoes) November 28, 2022

ಗಾಳಿಯ ಗುಣಮಟ್ಟದ ಮೇಲೆ ಪರಿಣಾಮ

ಮಂಗಳವಾರ ಬೆಳಗ್ಗೆ ಮೌನಾ ಲೋವಾ ಸ್ಫೋಟದಿಂದಾಗಿ ಹದಗೆಡುತ್ತಿರುವ ಗಾಳಿಯ ಗುಣಮಟ್ಟವನ್ನು ಕುರಿತು US ಡಿಪಾರ್ಟ್ಮೆಂಟ್ ಆಫ್ ಏರ್ ಹೆಲ್ತ್ (DOH) ಸಾರ್ವಜನಿಕರಿಗೆ ಎಚ್ಚರಿಕೆ ನೀಡಿದೆ. ಮೌನಾ ಲೋವಾ ಸ್ಫೋಟದಿಂದಾಗಿ ಸಾರ್ವಜನಿಕರು ಗಾಳಿಯ ಗುಣಮಟ್ಟದ ಪರಿಣಾಮಗಳಿಗೆ ಸಿದ್ಧರಾಗಿರಬೇಕು ಎಂದು DOH ಹೇಳಿದೆ. ಆದಾಗ್ಯೂ, ಪ್ರಸ್ತುತ ಗಾಳಿಯ ಗುಣಮಟ್ಟ ಸೂಚ್ಯಂಕವು ಸಾಮಾನ್ಯವಾಗಿದೆ. ಆದರೆ ಅದು ಕೆಟ್ಟದಾಗುವ ಎಲ್ಲಾ ಸಾಧ್ಯತೆಗಳಿವೆ. ಸ್ಫೋಟ ತೀವ್ರಗೊಂಡಾಗ ಗಾಳಿಯ ಗುಣಮಟ್ಟದಲ್ಲಿ ಏರಿಳಿತಗಳು ಆಗಬಹುದು ಎಂದಿದೆ. ಪರಿಸ್ಥಿತಿಗಳು ವೇಗವಾಗಿ ಬದಲಾಗುತ್ತಿವೆ ಮತ್ತು ಕಳಪೆ ಗಾಳಿ ಗೆಚ್ಚಾಗಬಹುದು ಎನ್ನಲಾಗುತ್ತಿದೆ.

ಜಗತ್ತಿನ ಹಲವು ಜ್ವಾಲಾಮುಖಿ ಬಗ್ಗೆ ತಿಳಿಯಿರಿ

ಮೌನಾ ಲೋವಾ ವಿಶ್ವದ ಅತಿದೊಡ್ಡ ಜ್ವಾಲಾಮುಖಿ. ಇದು ಕೊನೆಯದಾಗಿ 1984 ರಲ್ಲಿ ಸ್ಫೋಟಿಸಿತು. ದೊಡ್ಡ ಜ್ವಾಲಾಮುಖಿ ಮೌನಾ ಲೋವಾ 13,600 ಅಡಿಗಳಿಗಿಂತ ಹೆಚ್ಚು ಎತ್ತರದಲ್ಲಿ ಸ್ಪೋಟಿಸಿದೆ. ವಿಶ್ವದ ಎರಡನೇ ಅತಿದೊಡ್ಡ ಸಕ್ರಿಯ ಜ್ವಾಲಾಮುಖಿ ಯುಎಸ್ಎಯ ಹವಾಯಿಯಲ್ಲಿದೆ. ವಿಶ್ವದ ಮೂರನೇ ಅತಿದೊಡ್ಡ ಜ್ವಾಲಾಮುಖಿ ಸ್ಪೇನ್‌ನಲ್ಲಿದೆ.

English summary

world's largest active volcano 'Mauna Loa' in Hawaii (a place in the United States) has erupted for the first time in 40 years.