ಬಾಂಬ್ ಗಳ ಮಹಾತಾಯಿ ಅಂದರೆ ಏನು? ವಿವರಗಳು

ಅಮೆರಿಕವು ಅಫ್ಘಾನಿಸ್ತಾನದಲ್ಲಿ ಇಸ್ಲಾಮಿಕ್ ಸ್ಟೇಟ್ ಉಗ್ರಗಾಮಿಗಳ ವಿರುದ್ಧ ಬಳಸಿರುವ ಬಾಂಬ್ ತುಂಬ ಪ್ರಬಲವಾದದ್ದು. ಅದನ್ನು ಎಲ್ಲ ಬಾಂಬ್ ಗಳ ತಾಯಿ ಎಂದೇ ಕರೆಯುತ್ತಾರೆ. ಆ ಬಾಂಬ್ ಬಗ್ಗೆ ವಿವರಗಳು ಇಲ್ಲಿವೆ

By ವಿಕಾಸ್ ನಂಜಪ್ಪ

Updated: Friday, April 14, 2017, 12:25 [IST]

ನವದೆಹಲಿ, ಏಪ್ರಿಲ್ 14: ಅದು ಬಾಂಬ್ ನ ಹೆಗ್ಗಳಿಕೆ ಅನ್ನೋದಾದರೆ ಅಮೆರಿಕದವರು ಆಫ್ಘಾನಿಸ್ತಾನದಲ್ಲಿ ಹಾಕಿರುವುದು ಪ್ರಬಲವಾದ ಬಾಂಬ್ ಎಂಬುದರಲ್ಲಿ ದೂಸರಾ ಮಾತಿಲ್ಲ. ಇಸ್ಲಾಮಿಕ್ ಸ್ಟೇಟ್ ಉಗ್ರಗಾಮಿಗಳನ್ನು ಗುರಿಯಾಗಿಸಿಕೊಂಡು ಆಫ್ಘಾನಿಸ್ತಾನದಲ್ಲಿ ಅಮೆರಿಕ ಮಾಡಿದ ದಾಳಿಯಲ್ಲಿ ಬಳಸಿರುವುದು ಅಣು ಬಾಂಬ್ ಅಲ್ಲದಿರಬಹುದು. ಆದರೆ ಬಾಂಬ್ ಗಳ 'ತಾಯಿ' ಅನ್ನಿಸಿಕೊಳ್ಳುವ ಸಾವಿನ ಹಪಹಪಿ ಇರುವಂಥದ್ದು ಎಂಬುದರಲ್ಲಿ ಅನುಮಾನವಿಲ್ಲ.

ಇದರ ಹೆಸರು ಜಿಬಿಯು-43 ಅಥವಾ ಮಾಸಿವ್ ಆರ್ಡಿನೆನ್ಸ್ ಏರ್ ಬ್ಲಾಸ್ಟ್. ಇದನ್ನು ಎಲ್ಲ ಬಾಂಬ್ ಗಳ ತಾಯಿ ಅಂತಲೂ ಕರೆಯುತ್ತಾರೆ. ಇಸ್ಲಾಮಿಕ್ ಸ್ಟೇಟ್ ಉಗ್ರರು ಅಡಗಿರುವ ನಂಗರ್ ಹಾರ್ ನ ಪ್ರಾಂತ್ಯದಲ್ಲಿ ಇದನ್ನು ಎಂಸಿ-130 ವಿಮಾನದಿಂದ ಹಾಕಲಾಗಿದೆ. ಈ 'ಬಾಂಬ್ ತಾಯಿಯ' ಬಗ್ಗೆ ಮಾಹಿತಿ ಇಲ್ಲಿದೆ.[ಅಫ್ಘಾನಿಸ್ತಾನದ ಇಸ್ಲಾಮಿಕ್ ಉಗ್ರರ ಮೇಲೆ ಅಮೆರಿಕದಿಂದ ಬಾಂಬ್ ದಾಳಿ]

* ಈ ಬಾಂಬ್ ಅನ್ನು ಅಭಿವೃದ್ಧಿ ಪಡಿಸಿದವರು ವಾಯು ಸೇನೆ ಸಂಶೋಧನಾ ಪ್ರಯೋಗಾಲಯದ ಆಲ್ಬರ್ಟ್ ಎಲ್ ವೈಮೋರ್ಟ್ಸ್.
* ಈ ಬಾಂಬ್ ಮೊದಲು ಪರೀಕ್ಷೆ ಮಾಡಿದ್ದು 2003ರಲ್ಲಿ. ಫ್ಲೋರಿಡಾದ ಇಗ್ಲಿನ್ ವಾಯು ಸೇನಾ ನೆಲೆಯಲ್ಲಿ.

* ಅಣು ಬಾಂಬ್ ಹೊರತುಪಡಿಸಿದರೆ ತೀರಾ ಭಯಂಕರ ಪರಿಣಾಮ ಬೀರುವ ಬಾಂಬ್ ಇದು.

* ಇದು ಸ್ಫೋಟಗೊಳ್ಳುವ ಸ್ಥಳದಿಂದ ಇಪ್ಪತ್ತು ಮೈಲು ದೂರದವರೆಗೆ ಅದರ ಹೊಗೆ ಕಾಣಿಸಿಕೊಳ್ಳುತ್ತದೆ.
* ಬಾಂಬ್ ನ ತೂಕ 21,600 ಪೌಂಡ್. ಇದರ ತಯಾರಿಕೆ ವೆಚ್ಚ 16 ಮಿಲಿಯನ್ ಅಮೆರಿಕನ್ ಡಾಲರ್.

* ಇರಾಕ್ ಸೇನೆ ವಿರುದ್ಧ ಮಾನಸಿಕ ವಿಜಯ ಸಾಧಿಸುವ ಉದ್ದೇಶದಿಂದ ಈ ಬಾಂಬ್ ನ ರೂಪಿಸಲಾಯಿತು
* ಸದ್ದಾಂ ಹುಸೇನ್ ವಿರುದ್ಧ ಬಳಸುವ ಕಾರಣಕ್ಕಾಗಿ ರೂಪುಗೊಂಡಿತು[ಸಿರಿಯಾ ವಿರುದ್ಧ ವೈಮಾನಿಕ ದಾಳಿ, 60 ಕ್ಷಿಪಣಿ ಉಡಾಯಿಸಿದ ಅಮೆರಿಕ]

* ಸುಲಭಕ್ಕೆ ಗುರಿ ಮುಟ್ಟಲು ಸಾಧ್ಯವಿಲ್ಲದ ಸ್ಥಳಗಳಾದ ಗುಹೆ, ಕಂದಕಗಳನ್ನು ತಲುಪಲು ಈ ಬಾಂಬ್ ರೂಪುಗೊಂಡಿದೆ
* ಈ ಬಾಂಬ್ ನಲ್ಲಿ ಜಿಪಿಎಸ್ ಇದ್ದು, ಶತ್ರುಗಳನ್ನೇ ಗುರಿ ಮಾಡಿಕೊಂಡು ನಿಖರ, ನಿರ್ದಿಷ್ಟ ದಾಳಿ ಮಾಡಬಹುದು.