ಮೈಜುಮ್ಮೆನಿಸ್ಸುವ ಎರಡು ತಲೆಯ ಹಾವು: ವೈರಲ್ ವಿಡಿಯೋ

ವರ್ಜಿನಿಯಾ, ಸೆಪ್ಟೆಂಬರ್ 25: ಈ ಭೂಮಿಯನ್ನು ಸಾವಿರಾರು ತಲೆಯ ಆದಿಶೇಷ ಎತ್ತಿ ಹಿಡಿದಿದ್ದಾನಂತೆ, ಬಾಲಕೃಷ್ಣನು ಮರ್ಧಿಸಿದ ಕಾಳಿಂಗ ಸರ್ಪಕ್ಕೆ ಏಳು ಹೆಡೆ ಇತ್ತಂತೆ... ಎಂಬಂಥ ಪುರಾಣ ಕಥೆಗಳನ್ನು ನಾವು ಕೇಳಿದ್ದೇವೆ.

ಆದರೆ ಹಾವಿಗೆ ಒಂದಕ್ಕಿಂತ ಹೆಚ್ಚು ಹೆಡೆ ಇರುತ್ತಾ..? ಇತ್ತೀಚೆಗಷ್ಟೇ ಅಮೆರಿಕದ ವರ್ಜಿನಿಯಾದ ವುಡ್ ಬ್ರಿಡ್ಜ್ ಎಂಬಲ್ಲಿ ಕಂಡುಬಂದ ಎರಡು ತಲೆಯ ಹಾವು ಅಚ್ಚರಿ ಮೂಡಿಸಿದೆ. ಕಲ್ಲುಬಂಡೆಯ ಮೇಲೆ ಎರಡು ತಲೆಯ ಹಾವೊಂದು ಹರಿದಾಡುತ್ತಿರುವ ದೃಶ್ಯ ಸಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

Rare two-headed copperhead snake found in the US https://t.co/V7PXPSj6EL

— Trupti Hegde (@truptiabhijith) September 25, 2018

ಈ ಹಾವನ್ನು ಸದ್ಯಕ್ಕೆ ವನ್ಯಜೀವಿ ರಕ್ಷಕರು ಸೆರೆಹಿಡಿದಿದ್ದಾರೆ. ಈ ಹಾವಿನ ಕುರಿತು ಹೆಚ್ಚಿನ ಅಧ್ಯಯನ ನಡೆಸುವುದಾಗಿ ಅವರು ತಿಳಿಸಿದ್ದಾರೆ. ಇದು ಬೇರೆ ಪ್ರಭೇದದ ಹಾವೇ? ಅಥವಾ ಮಾಮೂಲಿ ಹಾವಿಗೇ ಎರಡು ಹೆಡೆ ಇದೆಯೇ ಎಂಬ ಬಗ್ಗೆ ಅಧ್ಯಯನದ ನಂತರ ಮಾಹಿತಿ ಲಭ್ಯವಾಗಲಿದೆ.

ಈ ವಿಡಿಯೋವನ್ನು 'ಸ್ಟಫ್' ವೆಬ್ ಸೈಟ್ ನಲ್ಲಿ ಪೋಸ್ಟ್ ಮಾಡಲಾಗಿದೆ.

English summary

Here is a viral video of two headed snakes which was spotted in Virjinia in America.