ನಿಮ್ಮ ಜೊತೆ ನಮಗೇನ್ ಒಪ್ಪಂದ: ಭಾರತದ ಕಂಪನಿಗಳಿಗೆ ಕಚ್ಚಾತೈಲ ನೀಡಲ್ಲ ಎಂದ ರಷ್ಯಾ!
ಮಾಸ್ಕೋ, ಜೂನ್ 9: ಉಕ್ರೇನ್ ಮೇಲೆ ರಷ್ಯಾ ಒಂದು ದಿಕ್ಕಿನಲ್ಲಿ ಸಮರ ಸಾರಿದೆ. ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ವಿರುದ್ಧ ಜಾಗತಿಕ ಮಟ್ಟದಲ್ಲಿ ನಿರ್ಬಂಧದ ಅಸ್ತ್ರ ಪ್ರಯೋಗಿಸಲಾಗುತ್ತಿದೆ. ಇಂಥದರ ಮಧ್ಯೆ ರಷ್ಯಾದಿಂದ ಇಂಧನ ಖರೀದಿಗೆ ಮುಂದಾದ ಎರಡು ಭಾರತೀಯ ಕಂಪನಿಗಳಿಗೆ ತೀವ್ರ ಹಿನ್ನಡೆಯಾಗಿದೆ.
ರಷ್ಯಾದ ರಾಸ್ನೆಫ್ಟ್ ಎರಡು ಭಾರತೀಯ ರಾಜ್ಯ ಸಂಸ್ಕರಣಾಗಾರಗಳೊಂದಿಗೆ ಹೊಸ ಕಚ್ಚಾ ತೈಲ ಒಪ್ಪಂದಗಳಿಗೆ ಸಹಿ ಹಾಕುವುದನ್ನು ತಡೆಹಿಡಿದಿದೆ. ಆದರೆ ಇತರೆ ಗ್ರಾಹಕರಿಗೆ ಮಾರಾಟ ಮಾಡುವುದಕ್ಕೆ ಬದ್ಧವಾಗಿದೆ ಎಂಬುದನ್ನು ಮೂಲಗಳು ತಿಳಿಸಿವೆ.
ಭಾರತೀಯ ಖಾಸಗಿ ಕಂಪನಿಗಳಿಗೆ ಲಾಭ ಕೊಡುವುದು ಹೇಗೆ ರಷ್ಯಾದ ಕಚ್ಚಾತೈಲ!?
ಕಳೆದ ಫೆ. 24 ರಂದು ಉಕ್ರೇನ್ನ ಮೇಲೆ ಆಕ್ರಮಣ ಮಾಡಿದ್ದಕ್ಕಾಗಿ ಮಾಸ್ಕೋ ವಿರುದ್ಧ ನಿರ್ಬಂಧಗಳನ್ನು ವಿಧಿಸಿದೆ. ರಷ್ಯಾದ ಅಗ್ಗದ ತೈಲವನ್ನು ಬಳಸುವ ಭಾರತೀಯ ಸಂಸ್ಕರಣಾಗಾರ ಕಂಪನಿಗಳ ಇಂಧನವನ್ನು ಪಾಶ್ಚಿಮಾತ್ಯ ಕಂಪನಿಗಳು ದೂರ ಇಡುತ್ತಿವೆ. ಇದನ್ನು ರಷ್ಯಾ ವಿರುದ್ಧದ "ವಿಶೇಷ ಮಿಲಿಟರಿ ಕಾರ್ಯಾಚರಣೆ" ಎಂದು ಕರೆಯಲಾಗುತ್ತಿದೆ.
ತೈಲ ರಫ್ತಿನಲ್ಲಿ ನಿರ್ಬಂಧದ ಹೊರತಾಗಿಯೂ ರಷ್ಯಾ ಯಶಸ್ವಿ
ರೋಸ್ನೆಫ್ಟ್ನೊಂದಿಗಿನ ಹೊಸ ಅವಧಿಯ ಪೂರೈಕೆ ಒಪ್ಪಂದಗಳನ್ನು ಮಾಡಿಕೊಳ್ಳದಿರುವುದು ಭಾರತೀಯ ಸಂಸ್ಕರಣಾಗಾರ ಸಂಸ್ಥೆಗಳ ಪಾಲಿಗೆ ದುಬಾರಿ ಆಗಲಿದೆ. ಮಾಸ್ಕೋ ಆದಾಯಕ್ಕೆ ಪೆಟ್ಟು ಕೊಡಬೇಕು ಎನ್ನುವ ಉದ್ದೇಶದಿಂದ ಪಾಶ್ಚಿಮಾತ್ಯ ರಾಷ್ಟ್ರಗಳು ರಷ್ಯಾದ ತೈಲದ ಮೇಲೆ ನಿರ್ಬಂಧವನ್ನು ವಿಧಿಸುತ್ತಿವೆ. ಇದರ ಹೊರತಾಗಿಯೂ ರಷ್ಯಾ ತನ್ನಲ್ಲಿರುವ ತೈಲವನ್ನು ರಫ್ತು ಮಾಡುವುದರಲ್ಲಿ ಯಶಸ್ವಿಯಾಗಿದೆ ಎಂಬುದು ಇದರಿಂದ ಸಾಬೀತಾಗುತ್ತಿದೆ.
ರಷ್ಯಾದಿಂದ ಎರಡು ಭಾರತೀಯ ಕಂಪನಿಗಳ ಒಪ್ಪಂದ ತಿರಸ್ಕಾರ
ಮೂರು ಭಾರತೀಯ ರಾಜ್ಯ ಸಂಸ್ಕರಣಾಗಾರ ಸಂಸ್ಥೆಗಳು ರೋಸ್ನೆಫ್ಟ್ನೊಂದಿಗೆ ಮಾತುಕತೆ ನಡೆಸಿದ್ದವು ಎಂದು ಮೂಲಗಳಿಂದ ತಿಳಿದು ಬಂದಿದೆ. ಇಂಡಿಯನ್ ಆಯಿಲ್, ಭಾರತ್ ಪೆಟ್ರೋಲಿಯಂ ಮತ್ತು ಹಿಂದೂಸ್ತಾನ್ ಪೆಟ್ರೋಲಿಯಂ ಕಂಪನಿಗಳು ಆರು ತಿಂಗಳ ಪೂರೈಕೆಗೆ ಸಂಬಂಧಿಸಿದಂತೆ ಈ ವರ್ಷದ ಆರಂಭದಲ್ಲಿ ವ್ಯವಹಾರದ ಮಾತುಕತೆಯಲ್ಲಿ ತೊಡಗಿದ್ದವು.
ದೇಶದ ಉನ್ನತ ಸಂಸ್ಕರಣಾಗಾರ ಸಂಸ್ಥೆ ಆಗಿರುವ ಐಒಸಿ ಕಂಪನಿಯು ಮಾತ್ರ ಇಲ್ಲಿಯವರೆಗೆ Rosneft ನೊಂದಿಗೆ ಒಪ್ಪಂದಕ್ಕೆ ಸಹಿ ಹಾಕಿದೆ. ಇದು ಪ್ರತಿ ತಿಂಗಳು 6 ಮಿಲಿಯನ್ ಬ್ಯಾರೆಲ್ ರಷ್ಯಾದ ತೈಲವನ್ನು ಖರೀದಿಸುತ್ತದೆ. 3 ಮಿಲಿಯನ್ ಬ್ಯಾರೆಲ್ ಗಿಂತ ಹೆಚ್ಚು ಖರೀದಿಸುವ ಆಯ್ಕೆಯನ್ನು ಹೊಂದಿದೆ. ಇತರ ಎರಡು ರಿಫೈನರ್ಗಳ ವಿನಂತಿಗಳನ್ನು ರಷ್ಯಾ ತಿರಸ್ಕರಿಸಿದೆ ಎಂದು ಮೂಲಗಳು ತಿಳಿಸಿವೆ.
"HPCL ಮತ್ತು BPCL ನೊಂದಿಗೆ ಒಪ್ಪಂದ ತಿರಸ್ಕಾರ
"HPCL ಮತ್ತು BPCL ನೊಂದಿಗೆ ಒಪ್ಪಂದಕ್ಕೆ ಸಹಿ ಹಾಕುವಲ್ಲಿ ರೋಸ್ನೆಫ್ಟ್ ಬದ್ಧವಾಗಿಲ್ಲ. ಅವರು ಮಾರುಕಟ್ಟೆ ಮೌಲ್ಯಗಳನ್ನು ಹೊಂದಿಲ್ಲ ಎಂದು ಅವರು ಹೇಳುತ್ತಿದ್ದಾರೆ," ಎಂದು ಮೂಲಗಳು ತಿಳಿಸಿವೆ. ಈ ವಹಿವಾಟಿನ ಸಮಯದಲ್ಲಿ ಲಭ್ಯವಿರುವ ಪಾವತಿ ಕಾರ್ಯವಿಧಾನವನ್ನು ಅವಲಂಬಿಸಿ ಐಒಸಿಯೊಂದಿಗಿನ ಒಪ್ಪಂದವು ಎಲ್ಲಾ ಪ್ರಮುಖ ಕರೆನ್ಸಿಗಳಾದ ರೂಪಾಯಿ, ಡಾಲರ್ ಮತ್ತು ಯೂರೋಗಳಲ್ಲಿ ಪಾವತಿಯನ್ನು ಒಳಗೊಂಡಿದೆ ಎಂದು ಮೂಲಗಳು ತಿಳಿಸಿವೆ. ರಾಸ್ನೆಫ್ಟ್, IOC, HPCL ಮತ್ತು BPCL ಕಾಮೆಂಟ್ಗಾಗಿ ರಾಯಿಟರ್ಸ್ನ ವಿನಂತಿಗಳಿಗೆ ಪ್ರತಿಕ್ರಿಯಿಸಲಿಲ್ಲ.
ರೋಸ್ನೆಫ್ಟ್ ಕಾರ್ಯ ನಿರ್ವಹಣೆಯ ಬಗ್ಗೆ ಮೂಲಗಳ ಮಾಹಿತಿ
ಏಷ್ಯಾದ ಖರೀದಿದಾರರಿಂದ ಹೆಚ್ಚುತ್ತಿರುವ ಬೇಡಿಕೆಯನ್ನು ಪೂರೈಸಲು ಮತ್ತು ಯುರೋಪಿಯನ್ ಯೂನಿಯನ್ ನಿರ್ಬಂಧಗಳ ಪರಿಣಾಮವನ್ನು ಸರಿದೂಗಿಸಲು ರಷ್ಯಾ ತನ್ನ ಪ್ರಮುಖ ಪೂರ್ವ ಬಂದರಾದ ಕೊಜ್ಮಿನೊದಿಂದ ತೈಲ ರಫ್ತುಗಳನ್ನು ಐದನೇ ಒಂದು ಭಾಗದಷ್ಟು ಹೆಚ್ಚಿಸುತ್ತಿದೆ.
ಎವರೆಸ್ಟ್ ಎನರ್ಜಿ, ಕೋರಲ್ ಎನರ್ಜಿ, ಬೆಲ್ಲಾಟ್ರಿಕ್ಸ್ ಮತ್ತು ಸನ್ರೈಸ್ನಂತಹ ವ್ಯಾಪಾರ ಸಂಸ್ಥೆಗಳ ಮೂಲಕ ರೋಸ್ನೆಫ್ಟ್ ಕಂಪನಿಯು ತೈಲದ ಬ್ಯಾರೆಲ್ಗಳನ್ನು ಮಾರುಕಟ್ಟೆಗೆ ರವಾನಿಸುತ್ತದೆ ಎಂದು ವ್ಯಾಪಾರ ಮೂಲಗಳು ತಿಳಿಸಿವೆ. ಯುರಲ್ಸ್ ಮಾರುಕಟ್ಟೆಯಲ್ಲಿ ಇಬ್ಬರು ವ್ಯಾಪಾರಿಗಳು ಉಲ್ಲೇಖಿಸಿರುವ ಶಿಪ್ಪಿಂಗ್ ಮಾಹಿತಿಯ ಪ್ರಕಾರ, ಎಲ್ಲಾ ನಾಲ್ಕು ವ್ಯಾಪಾರ ಸಂಸ್ಥೆಗಳು ರೋಸ್ನೆಫ್ಟ್ ಸಂಸ್ಥೆಯು ಭಾರತವು ಖರೀದಿಸಿದ ಕಚ್ಚಾ ತೈಲದ ಪೂರೈಕೆದಾರರಾಗಿ ಕಾರ್ಯನಿರ್ವಹಿಸುತ್ತವೆ.
ಚೀನಾಗೆ ರಫ್ತು ಆಗುವ ರಷ್ಯಾದ ಕಚ್ಚಾತೈಲ
ಚೀನಾ ಕೂಡ ರಷ್ಯಾದಿಂದ ಅತಿಹೆಚ್ಚು ಕಚ್ಚಾತೈಲವನ್ನು ಖರೀದಿ ಮಾಡಿಕೊಳ್ಳುತ್ತಿದೆ. ನಾಲ್ಕು ವ್ಯಾಪಾರಿಗಳ ಪ್ರಕಾರ, ಏಷ್ಯಾದ ಉನ್ನತ ರಿಫೈನರ್ ಸಿನೊಪೆಕ್ ಕಾರ್ಪ್ನ ವ್ಯಾಪಾರದ ಅಂಗವಾದ ಯುನಿಪೆಕ್ಗೆ ಜೂನ್ನಲ್ಲಿ 9,00,000 ಟನ್ಗಳಷ್ಟು (6.66 ಮಿಲಿಯನ್ ಬ್ಯಾರೆಲ್ಗಳು) ESPO ಬ್ಲೆಂಡ್ ಕಚ್ಚಾ ತೈಲ ಲೋಡಿಂಗ್ ಅನ್ನು ರೋಸ್ನೆಫ್ಟ್ ನೀಡಿದೆ. ಭಾರತೀಯ ಮೂಲಗಳ ಪ್ರಕಾರ, ರಷ್ಯಾದ ತೈಲವು ಇನ್ನು ಮುಂದೆ ಹೆಚ್ಚು ರಿಯಾಯಿತಿ ದರದಲ್ಲಿ ಸಿಗುವುದಿಲ್ಲ. ಅವರು ಡೆಲಿವರ್ಡ್ ಅಟ್ ಪೋರ್ಟ್ (ಡಿಎಪಿ) ಆಧಾರದ ಮೇಲೆ ಮಾರಾಟಕ್ಕೆ ಕಡಿಮೆ ರಿಯಾಯಿತಿಯನ್ನು ನೀಡಲಾಗುತ್ತದೆ.