Alien: ಏಲಿಯನ್ ಶವಗಳನ್ನು ನೋಡಿದ್ದೀರಾ? ಮೆಕ್ಸಿಕೋದಲ್ಲಿ ಏಲಿಯನ್ ಶವಗಳ ಪ್ರದರ್ಶನ
ಏಲಿಯನ್ಗಳು ಇವೆಯಾ ಇಲ್ಲವಾ ಎನ್ನುವುದು ಇಂದಿಗೂ ಮಿಲಿಯನ್ ಡಾಲರ್ ಪ್ರಶ್ನೆಯಾಗಿ ಉಳಿದುಕೊಂಡಿದೆ. ಹಲವು ಮಂದಿ ಏಲಿಯನ್ಗಳು ಇವೆ, ಅವು ಭೂಮಿಗೂ ಬಂದು ಹೋಗಿವೆ ಎಂದು ವಾದಿಸುತ್ತಾರೆ. ಇನ್ನೂ ಕೆಲವರು ಏಲಿಯನ್ ಇಲ್ಲ ಎಂದು ಹೇಳುತ್ತಾರೆ.
ಆದರೆ ಏಲಿಯನ್ಗಳು ಇವೆ ಇರುವುದಕ್ಕೆ ಸಾಕ್ಷಿ ಸಿಕ್ಕಿದೆ ಎಂದು ವರದಿಯಾಗಿದೆ. ಹೌದು, ಮೆಕ್ಸಿಕೋದ ಕಾಂಗ್ರೆಸ್ ಅಧಿಕೃತ ಕಾರ್ಯಕ್ರಮದಲ್ಲಿ ಎರಡು "ಏಲಿಯನ್ಗಳ ಶವಗಳನ್ನು" ಅನಾವರಣಗೊಳಿಸಲಾಗಿದೆ. ಯುಫಾಲಜಿಸ್ಟ್ ಜೈಮ್ ಮೌಸ್ಸನ್ ಈ ಏಲಿಯನ್ ಶವಗಳನ್ನು ಅನಾವರಣಗೊಳಿಸಿದ್ದಾರೆ.
ಎರಡು ಸಣ್ಣ ಶವಗಳನ್ನು ಕಾರ್ಯಕ್ರಮದಲ್ಲಿ ನೆರೆದಿದ್ದ ವೀಕ್ಷಕರಿಗೆ ಪ್ರದರ್ಶಿಸಲಾಯಿತು. ಸಣ್ಣ ರಕ್ಷಿತ ಮಾದರಿಯು ಸಾವಿರ ವರ್ಷಗಳಷ್ಟು ಹಳೆಯದಾಗಿದೆ ಮತ್ತು ಪೆರುವಿನ ಕುಸ್ಕೋದಿಂದ ಇವುಗಳನ್ನು ಸಂಗ್ರಹಿಸಲಾಗಿದೆ ಎಂದು ಸಂಘಟಕರು ಹೇಳಿದ್ದಾರೆ.
ಮೆಕ್ಸಿಕೋ ವಿಶ್ವವಿದ್ಯಾನಿಲಯದಲ್ಲಿ ಅಧ್ಯಯನ
ಮೆಕ್ಸಿಕೊದ ಸ್ವಾಯತ್ತ ರಾಷ್ಟ್ರೀಯ ವಿಶ್ವವಿದ್ಯಾನಿಲಯದಲ್ಲಿ "ಯುಎಫ್ಒ ಮಾದರಿಯನ್ನು" ಅಧ್ಯಯನ ಮಾಡಲಾಗಿದೆ ಎಂದು ಮೌಸ್ಸನ್ ಮೆಕ್ಸಿಕನ್ ಸದಸ್ಯರಿಗೆ ತಿಳಿಸಿದರು, ಅಲ್ಲಿ ವಿಜ್ಞಾನಿಗಳು ರೇಡಿಯೊಕಾರ್ಬನ್ ಡೇಟಿಂಗ್ ಬಳಸಿ ಡಿಎನ್ಎ ಪುರಾವೆಗಳನ್ನು ಪಡೆಯಲು ಸಮರ್ಥರಾಗಿದ್ದಾರೆ ಎಂದು ಅವರು ಹೇಳಿದ್ದಾರೆ.
"ಈ ಶವದ ಮಾದರಿಗಳು ನಮ್ಮ ಭೂಮಂಡಲದ ವಿಕಾಸದ ಭಾಗವಲ್ಲ. ಇವು ಯುಎಫ್ಒ ಅವಶೇಷಗಳ ನಂತರ ಕಂಡುಬಂದ ಜೀವಿಗಳಲ್ಲ. ಅವು ಡಯಾಟಮ್ (ಪಾಚಿ) ಗಣಿಗಳಲ್ಲಿ ಕಂಡುಬಂದವು ಮತ್ತು ನಂತರ ಪಳೆಯುಳಿಕೆಗಳಾಗಿವೆ" ಎಂದು ಹೇಳಲಾಗಿದೆ.
2017 ರಲ್ಲಿ ಪೆರುವಿನ ನಜ್ಕಾದಲ್ಲಿ ಪತ್ತೆಯಾದ 5 ಮಮ್ಮಿಗಳ ವಿಶ್ಲೇಷಣೆಯಲ್ಲಿ ತೊಡಗಿಸಿಕೊಂಡಿದ್ದ ಜೇಮ್ ಮೌಸ್ಸನ್ ಒಬ್ಬ ಪತ್ರಕರ್ತೆ, ಟಿವಿ ಪರ್ಸನಾಲಿಟಿ ಮತ್ತು ಯುಎಫ್ಇ ವಿಶ್ಲೇಷಕರು (UFOlogist) ಆಗಿದ್ದಾರೆ. ಶವಗಳು ತಮ್ಮ ಕೈ ಮತ್ತು ಕಾಲುಗಳ ಮೇಲೆ ಮೂರು ಬೆರಳುಗಳಿಂದ ಬಾಗಿದ ಹುಮನಾಯ್ಡ್ ಆಕೃತಿಗಳಂತೆ ಕಾಣುತ್ತಿದ್ದು, 'ಏಲಿಯನ್ಸ್' ಎಂದು ಕರೆಯಲಾಯಿತು.
Scientists unveiling two alleged alien corpses took place in Mexico, which are retrieved from Cusco, Peru. pic.twitter.com/rjfz9IMf37
— Indian Tech & Infra (@IndianTechGuide) September 13, 2023
ಇದೆಲ್ಲಾ ಸುಳ್ಳು ಎಂದ ತಜ್ಞರು
Snopes.com ನಲ್ಲಿನ ವರದಿಯ ಪ್ರಕಾರ, ಆವಿಷ್ಕಾರವು ಕಟ್ಟು ಕಥೆ ಎಂದು ಹೇಳಿದೆ, ರಕ್ಷಿತ ಶವವು ಮಗುವಿನದ್ದು ಎಂದು ನಂಬಲಾಗಿದೆ. "ಗಯಾ ವೀಡಿಯೋದಲ್ಲಿ ತೋರಿಸಿರುವಂತೆ ಪೆರುವಿನಲ್ಲಿ ಉದ್ದನೆಯ ತಲೆಬುರುಡೆಗಳನ್ನು ಹೊಂದಿರುವ ಮಮ್ಮಿಗಳ ಹಿಂದಿನ ಆವಿಷ್ಕಾರವು ಅನ್ಯಲೋಕದ ಪ್ರಭೇದಗಳ ಬಗ್ಗೆ ಇದೇ ರೀತಿಯ ಊಹಾಪೋಹಗಳನ್ನು ಪ್ರೇರೇಪಿಸಿದೆ. ಆದರೆ ಉದ್ದನೆಯ ತಲೆಬುರುಡೆಗಳು ಕೃತಕ ಕಪಾಲದ ವಿರೂಪತೆಯ ಪುರಾತನ ಅಭ್ಯಾಸದ ಪರಿಣಾಮವಾಗಿದೆ ಎಂದು ಮಾನವಶಾಸ್ತ್ರಜ್ಞರು ವಿವರಿಸಿದ್ದಾರೆ, ಇದರಲ್ಲಿ ಚಿಕ್ಕ ಮಕ್ಕಳು ತಮ್ಮ ತಲೆಗಳನ್ನು ಬಟ್ಟೆ, ಹಗ್ಗ ಅಥವಾ ಮರದ ಹಲಗೆಗಳಲ್ಲಿ ಬಂಧಿಸಿದ್ದರು, ಬಹುಶಃ ಧಾರ್ಮಿಕ ಆಚರಣೆಯ ಭಾಗವಾಗಿದೆ." ಎಂದು ಸ್ಪಷ್ಟನೆ ನೀಡಲಾಗಿದೆ.
ನಾಝ್ಕಾ ಮಮ್ಮಿ ಯುಎಫ್ಒ ಸಿದ್ಧಾಂತವನ್ನು ಹಲವಾರು ಇತರ ಸಂಶೋಧಕರು ನಿರಾಕರಿಸಿದ್ದಾರೆ. ವಾಸ್ತವವಾಗಿ, ಲೈಫ್ಸೈನ್ಸ್ (LiveScience.com) ನಲ್ಲಿನ ವರದಿಯ ಪ್ರಕಾರ, ಮಮ್ಮಿಯಲ್ಲಿ ಕಂಡುಬರುವ ಕೈಗಳು ಮತ್ತು ಪಾದಗಳನ್ನು ನಕಲಿಗಳು ಕುಶಲತೆಯಿಂದ ನಿರ್ವಹಿಸಬಹುದಾಗಿತ್ತು, ನಂತರ ಕುಶಲತೆಯನ್ನು ಮರೆಮಾಡಲು ಬಿಳಿ ಲೇಪನವನ್ನು ಸೇರಿಸಲಾಗುತ್ತದೆ.
ವಾಸ್ತವವಾಗಿ, ಒಂದು ಡಜನ್ ಪೆರುವಿಯನ್ ಮಮ್ಮಿ ಸಂಶೋಧಕರು ಏಲಿಯನ್ಸ್ ಶವಗಳ ಪ್ರದರ್ಶನ ಖಂಡಿಸಿ ಪತ್ರವೊಂದನ್ನು ಬರೆದಿದ್ದಾರೆ, ಇದು "ಹಲವಾರು ರಾಷ್ಟ್ರೀಯ ಮತ್ತು ಅಂತರಾಷ್ಟ್ರೀಯ ಮಾನದಂಡಗಳನ್ನು ಉಲ್ಲಂಘಿಸಿದೆ" ಎಂದು ಹೇಳಲಾಗಿದೆ.
-
Bengaluru Rent: ಬೆಂಗಳೂರು ಬಾಡಿಗೆ ಮನೆ ಸಮಸ್ಯೆ: 10 ತಿಂಗಳ ಮುಂಗಡ ಹಣ,ಮಾಲೀಕರ ಕಿರಿಕಿರಿ; 2026ರ ಹೊಸ ಬಾಡಿಗೆ ನಿಯಮವೇನು -
ಪಿಯು ಮೌಲ್ಯಮಾಪನ ಬಹಿಷ್ಕಾರಕ್ಕೆ ಮುಂದಾದ ಉಪನ್ಯಾಸಕರು: ಫಲಿತಾಂಶ ವಿಳಂಬದ ಆತಂಕದಲ್ಲಿ ದ್ವಿತೀಯ ಪಿಯು ವಿದ್ಯಾರ್ಥಿಗಳು -
Anil Kumble: ನಟ ಶಾರುಖ್ ಖಾನ್ ಮಾಲೀಕತ್ವದ ಕೆಕೆಆರ್ ತಂಡ ದಾರಿತಪ್ಪಿದ ಬಗ್ಗೆ ಅನಿಲ್ ಕುಂಬ್ಳೆ ಮಹತ್ವದ ಮಾಹಿತಿ -
ಹೆಣ್ಣುಬಾಕ ಕಾಮಪೀಠಿ ವೈರಮುತ್ತು ರಾಮಸ್ವಾಮಿ ಜ್ಞಾನಪೀಠಕ್ಕೆ ಕಳಂಕ: ಲೇಖಕ ಅರುಣ್ ಜೋಳದಕೂಡ್ಲಿಗಿ -
Piped Gas: ಬೆಂಗಳೂರಿಗರಿಗೆ ತಲುಪದ ಪೈಪ್ಡ್ ಗ್ಯಾಸ್: ಮಹತ್ವಾಕಾಂಕ್ಷಿ ಯೋಜನೆಗೆ ವಿಘ್ನಗಳ ಸರಮಾಲೆ -
Gold Rate Today: ಬಂಗಾರ ಪ್ರಿಯರಿಗೆ ಸಿಹಿಸುದ್ದಿ: ಇಂದೂ ಇಳಿಕೆ ಕಂಡ ಚಿನ್ನದ ಬೆಲೆ, ಬೆಂಗಳೂರಿನಲ್ಲಿ ದರಗಳು ಹೀಗಿವೆ -
ಎಲೆಕ್ಷನ್ ಇವತ್ತೇ ನಡೆದರೆ ತಮಿಳುನಾಡು, ಕೇರಳಂ, ಪಶ್ಚಿಮ ಬಂಗಾಳದಲ್ಲಿ ಯಾರಿಗೆ ಗೆಲುವು? ಸಮೀಕ್ಷೆ ನೀಡಿದ ಮಾಹಿತಿ ಇಲ್ಲಿದೆ -
ಟೀಂ ಇಂಡಿಯಾ ಕ್ರಿಕೆಟರ್ ಕುಲದೀಪ್ ಯಾದವ್ ಕೈಹಿಡಿದ ವಂಶಿಕಾ ಚಡ್ಡಾ ಯಾರು? -
Bengaluru: 1 ತಿಂಗಳು ಬದುಕೋಕೆ ಇಷ್ಟೊಂದು ಖರ್ಚಾಗುತ್ತಾ? ಯುವತಿಯ ಪೋಸ್ಟ್ ಕಂಡು ಬೆಚ್ಚಿಬಿದ್ದ ನೆಟ್ಟಿಗರು -
Amala Paul: ಡೇಟಿಂಗ್ನಲ್ಲೇ ಗರ್ಭಿಣಿಯಾದೆ, ಆತುರದಲ್ಲಿ ಎರಡನೇ ಮದುವೆ ಆಯ್ತು: ಹೆಬ್ಬುಲಿ ನಟಿ ಅಮಲಾ ಪೌಲ್ -
Oscars 2026: ಮೈಕಲ್ ಜೋರ್ಡಾನ್ ಅತ್ಯುತ್ತಮ ನಟ, ಜೆಸ್ಸಿ ಬಕ್ಲಿ ಅತ್ಯುತ್ತಮ ನಟಿ: ಪ್ರಶಸ್ತಿ ವಿಜೇತರ ಪಟ್ಟಿ ಇಲ್ಲಿದೆ -
SSLC ವಿದ್ಯಾರ್ಥಿಗಳಿಗೆ ಗುಡ್ ನ್ಯೂಸ್: ಹಾಲ್ ಟಿಕೆಟ್ ತೋರಿಸಿದ್ರೆ KSRTC ಬಸ್ಸುಗಳಲ್ಲಿ ಉಚಿತ ಪ್ರಯಾಣ
Click it and Unblock the Notifications
Sign in with Google