ನ್ಯೂಜಿಲೆಂಡ್ ಚುನಾವಣೆ: ಪ್ರಧಾನಿ ಜೆಸಿಂಡಾ ಪಕ್ಷಕ್ಕೆ ಅಭೂತಪೂರ್ವ ಜಯ
ಆಕ್ಲಂಡ್, ಅಕ್ಟೋಬರ್ 17: ನ್ಯೂಜಿಲೆಂಡ್ ಸಾರ್ವತ್ರಿಕ ಚುನಾವಣೆಯಲ್ಲಿ ಪ್ರಧಾನಿ ಜೆಸಿಂಡಾ ಆರ್ಡನ್ ಪ್ರಚಂಡ ದಿಗ್ವಿಜಯ ಸಾಧಿಸಿದ್ದಾರೆ. ಕೋವಿಡ್ 19ರ ವಿರುದ್ಧದ ಹೋರಾಟದಲ್ಲಿ ಇಡೀ ಜಗತ್ತಿನ ಮೆಚ್ಚುಗೆಗೆ ಒಳಗಾದ ಜೆಸಿಂಡಾ ಅವರಿಗೆ ಅಭೂತಪೂರ್ವ ಬಹುಮತ ಸಿಕ್ಕಿದ್ದು, ತಮ್ಮ ಸುಧಾರಣಾ ಕಾರ್ಯಸೂಚಿಗಳನ್ನು ಜಾರಿಗೆ ತರಲು ಅವಕಾಶ ಸಿಕ್ಕಂತಾಗಿದೆ.
ಮೂರನೇ ಎರಡರಷ್ಟು ಮತಗಳ ಎಣಿಕೆಯೊಂದಿಗೆ ಜೆಸಿಂಡಾ ಅವರ ಲೇಬರ್ ಪಕ್ಷವು ಶೇ 49.2 ಮತಗಳನ್ನು ಪಡೆದಿದ್ದು, 120 ಸದಸ್ಯರ ಸಂಸತ್ನಲ್ಲಿ ಸುಮಾರು 64 ಸೀಟುಗಳನ್ನು ಪಡೆದುಕೊಂಡಿದೆ. 1996ರಲ್ಲಿ ಪ್ರಮಾಣಾನುಗುಣ ಮತದಾನದ ಪದ್ಧತಿಯನ್ನು ನ್ಯೂಜಿಲೆಂಡ್ ಅಳವಡಿಸಿಕೊಂಡಾಗಿನಿಂದ ಇದುವರೆಗೂ ಯಾವ ನಾಯಕರೂ ಸಂಪೂರ್ಣ ಬಹುಮತ ಪಡೆದಿರಲಿಲ್ಲ. ಇದರಿಂದಾಗಿ ಇದುವರೆಗೂ ಬಹು ಪಕ್ಷಗಳ ಸಮ್ಮಿಶ್ರ ಸರ್ಕಾರಗಳೇ ಆಡಳಿತ ನಡೆಸುತ್ತಿದ್ದವು.
ಶೇ 87ರಷ್ಟು ಮತಗಳನ್ನು ಎಣಿಕೆ ಮಾಡಲಾಗಿದೆ. ಇದರಲ್ಲಿ ಜೆಸಿಂಡಾ ಅವರ ಪಕ್ಷ ಶೇ 49.2ರಷ್ಟು ಬೆಂಬಲ ಪಡೆದುಕೊಂಡಿದೆ. 1930ರಿಂದ ನ್ಯೂಜಿಲೆಂಡ್ನಲ್ಲಿ ಇದು ಅತ್ಯಧಿಕ ಮತ ಹಂಚಕೆಯಾಗಿದೆ. ವಿರೋಧ ಪಕ್ಷ ರಾಷ್ಟ್ರೀಯ ಪಾರ್ಟಿ ಶೇ 27 ಮತಗಳಿಗೆ ಕುಸಿದಿದೆ. 2002ರಿಂದ ಇದು ವಿರೋಧಪಕ್ಷಗಳ ಅತ್ಯಂತ ಕಳಪೆ ಸಾಧನೆಯಾಗಿದೆ.
ಈ ಬಾರಿಯ ಸರ್ಕಾರದಲ್ಲಿ ಸೇರಿಕೊಳ್ಳುವಂತೆ ಗ್ರೀನ್ ಪಾರ್ಟಿಯನ್ನು ಆಹ್ವಾನಿಸಲಾಗುತ್ತದೆಯೇ ಎಂಬ ಬಗ್ಗೆ ಜೆಸಿಂಡಾ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಗ್ರೀನ್ ಪಕ್ಷವು ಶೇ 7.6ರಷ್ಟು ಮತಗಳನ್ನು ಪಡೆದುಕೊಂಡಿದೆ.
Click it and Unblock the Notifications
Sign in with Google