'ಸೂರ್ಯ ನೌಕೆ' ಪಾರ್ಕರ್ ಉಡಾವಣೆ ಮುಂದೂಡಿದ ನಾಸಾ

ಫ್ಲೋರಿಡಾ, ಆಗಸ್ಟ್ 11: ನಾಸಾದ ಮಹತ್ವಾಕಾಂಕ್ಷೆಯ 'ಪಾರ್ಕರ್ ಸೋಲಾರ್ ಪ್ರೋಬ್' ನೌಕೆಯ ಸೂರ್ಯನ ಅಂಗಳದತ್ತ ಪ್ರಯಾಣಕ್ಕೆ ಆರಂಭದಲ್ಲೇ ವಿಘ್ನ ಎದುರಾಗಿದೆ.

ಫ್ಲೋರಿಡಾದ ಕೇಪ್ ಕ್ಯಾನವೆರಲ್ ಏರ್ ಫೋರ್ಸಸ್ ಸ್ಟೇಷನ್‌ ಉಡಾವಣಾ ಕೇಂದ್ರದಿಂದ ಭಾರತೀಯ ಕಾಲಮಾನ ಮಧ್ಯಾಹ್ನ 1.22ರ ಸುಮಾರಿಗೆ (ಫ್ಲೋರಿಡಾದಲ್ಲಿ ನಸುಕಿನ 3.55) ನಡೆಯಬೇಕಿದ್ದ ಪಾರ್ಕರ್ ನೌಕೆಯ ಉಡ್ಡಯನವನ್ನು ಭಾನುವಾರ ಬೆಳಿಗ್ಗೆ 8.30ಕ್ಕೆ ಮುಂದೂಡಲಾಗಿದೆ.

ಕೆಲವು ಪರಿಸ್ಥಿತಿಗಳ ಕಾರಣದಿಂದ ಪಾರ್ಕರ್ ನೌಕೆ ಉಡಾವಣೆ ವಿಳಂಬವಾಗಿದೆ ಎಂದು ನಾಸಾ ತಿಳಿಸಿದೆ. ಆದರೆ, ಅದಕ್ಕೆ ನಿಖರ ಕಾರಣವನ್ನು ತಿಳಿಸಿಲ್ಲ.

Nasas parker solar probe launching postponed to tomorrow

ನಸುಕಿನ 3.55ಕ್ಕೆ ಮೊದಲು ಉಡಾವಣೆಯ ಸಮಯ ನಿಗದಿಯಾಗಿತ್ತು. ಉಡಾವಣೆಯ ಕಾರ್ಯದ ನೇರಪ್ರಸಾರವನ್ನು ಸಹ ನಾಸಾ ಮಾಡಿತ್ತು. ಆದರೆ, ಸೂರ್ಯನ ಹೊರಭಾಗದಲ್ಲಿ ಹಿಂದಿಗಿಂತಲೂ ಅಧಿಕ ಪ್ರಮಾನದ ಶಾಖ ಉಂಟಾಗಿದ್ದರಿಂದ ಉಡಾವಣೆಯನ್ನು ಬೆಳಗಿನ 4.28ಕ್ಕೆ ಮುಂದೂಡಲಾಯಿತು.

ಉಡಾವಣೆಗೆ ಕೆಲವೇ ನಿಮಿಷಗಳು ಇರುವಾಗಲೂ ಉಳಿದ ಎಲ್ಲ ಸಿದ್ಧತೆಗಳು ಸಮರ್ಪಕವಾಗಿರುವುದನ್ನು ಖಚಿತಪಡಿಸಿಕೊಳ್ಳಲಾಗಿತ್ತು. ಆದರೆ, ಇನ್ನು 1.55 ನಿಮಿಷ ಬಾಕಿ ಇರುವಾಗ ಉಡಾವಣೆಯನ್ನು ಸ್ಥಗಿತಗೊಳಿಸಲಾಯಿತು.

ಸುಡು ಸೂರ್ಯನ ಬಿಸಿಲಿನ ತೋಟದಲ್ಲಿ ಅಡ್ಡಾಡಲಿರುವ ಈ ನೌಕೆ ಅಲ್ಲಿಂದ ಹೊರಹೊಮ್ಮುವ ಕಿರಣಗಳು, ಅದರಲ್ಲಿನ ಶಕ್ತಿಗಳು, ಸೌರ ವಾಯುವಿನ ಹುಟ್ಟು ಮತ್ತು ಪರಿಣಾಮಗಳು, ಶಾಖದ ಚಲನೆ ಹೀಗೆ ಅನೇಕ ವಿಷಯಗಳ ಅಧ್ಯಯನಕ್ಕೆ ನೆರವಾಗಲಿದೆ.

ಸಣ್ಣ ಕಾರ್ ಗಾತ್ರದ ಈ ನೌಕೆ ಸೂರ್ಯನಿಂದ ಸುಮಾರು 4 ಮಿಲಿಯನ್ ಮೈಲು ದೂರದ ಅದರ ಪ್ರಭಾವಲಯದಲ್ಲಿ ನೇರವಾಗಿ ಹಾರಾಟ ನಡೆಸಲಿದೆ.

'ಅಸಂಖ್ಯಾತ ಎಂಜಿನಿಯರ್‌ಗಳು ಮತ್ತು ವಿಜ್ಞಾನಿಗಳ ಸತತ ಎಂಟು ವರ್ಷದ ಶ್ರಮದ ಫಲ ಕೊನೆಗೂ ಈಡೇರುತ್ತಿದೆ' ಎಂದು ನಾಸಾದ ಪಾರ್ಕರ್ ಸೋಲಾರ್ ಪ್ರೋಬ್ ಯೋಜನೆಯ ವಿಜ್ಞಾನಿ ಆಡಂ ಜಬೊ ಹೇಳಿದ್ದಾರೆ.

More From
Prev
Next
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+