Earthquake: 632 ಜನರನ್ನು ಬಲಿಪಡೆದ ಭೀಕರ ಭೂಕಂಪ

ರಬಾತ್‌: ಭೀಕರ ಭೂಕಂಪದ ನಂತರ ಸಂಕಷ್ಟಕ್ಕೆ ಸಿಲುಕಿರುವ ಮೊರಾಕ್ಕೊ ದೇಶದ ಜನ ಬೀದಿಗೆ ಬಿದ್ದು ನರಳುವಂತಾಗಿದೆ. ಹಾಗೆ ಸಾವಿನ ಸಂಖ್ಯೆ ಕೂಡ ದಿಢೀರ್ ಏರಿಕೆಯಾಗಿದ್ದು 632 ಜನರು ಈವರೆಗೂ ಈ ದುರಂತಕ್ಕೆ ಬಲಿಯಾಗಿದ್ದಾರೆ. ನೂರಾರು ಕಟ್ಟಡಗಳು ಉರುಳಿ ಬಿದ್ದ ಹಿನ್ನೆಲೆ, ಅವಶೇಷದ ಅಡಿಯಲ್ಲಿ ಸಾಕಷ್ಟು ಜನ ಸಿಲುಕಿದ್ದಾರೆ. ಹೀಗಾಗಿ ಕಟ್ಟಡಗಳ ಕೆಳಗೆ ಸಿಲುಕಿದವರಲ್ಲಿ ಹೆಚ್ಚಿನ ಜನರು ಮೃತಪಟ್ಟಿರುವ ಆತಂಕ ಮನೆಮಾಡಿದೆ.

ನಿನ್ನೆ ರಾತ್ರಿ ಮೊರಾಕ್ಕೊದಲ್ಲಿ 6.8 ತೀವ್ರತೆಯ ಪ್ರಬಲ ಭೂಕಂಪ ಸಂಭವಿಸಿತ್ತು. ಈ ವೇಳೆಗೆ ನೂರಾರು ಕಟ್ಟಡಗಳು ಕುಸಿದು ಬಿದ್ದಿದ್ದವು. ಮರ್ರಾಕೆಚ್‌ ನೈಋತ್ಯಕ್ಕೆ 71 ಕಿಲೋ ಮೀಟರ್‌ ದೂರದಲ್ಲಿ ಕಂಪನ ಕೇಂದ್ರ ಬಿಂದು ದಾಖಲಾಗಿದೆ. ಪ್ರವಾಸಿ ನಗರ ಎಂದೇ ಖ್ಯಾತಿ ಪಡೆದ ಮರ್ರಾಕೆಚ್‌ ಪ್ರದೇಶದಲ್ಲಿ ನೂರಾರು ಜನ ಬಲಿಯಾಗಿದ್ದಾರೆ. ಇದರ ಜೊತೆಗೆ ಔರ್ಜಾಜೆಟ್ ಪ್ರಾಂತ್ಯದಲ್ಲೂ ಹೆಚ್ಚು ನಷ್ಟ ಸಂಭವಿಸಿದೆ. ಇದೀಗ ಪರಿಹಾರ ಕಾರ್ಯಾಚರಣೆ ಭರದಿಂದ ಸಾಗಿದ್ದು, ಕಟ್ಟಡಗಳ ಅವಶೇಷದ ಅಡಿ ಸಿಲುಕಿದವರ ರಕ್ಷಣೆಗೆ ಪ್ರಯತ್ನಿಸಲಾಗುತ್ತಿದೆ. ಈಗ ಸಿಗುತ್ತಿರುವ ಮಾಹಿತಿ ಪ್ರಕಾರ ಸಾವಿನ ಸಂಖ್ಯೆ 296ರಿಂದ ದಿಢೀರ್ 632ಕ್ಕೆ ಏರಿಕೆಯಾಗಿದೆ.

Prayers for Morocco 🇲🇦 May Allah help and protect those who are effected and have mercy on everyone 🤲 pic.twitter.com/wpFyI3C9kE

— Allah Islam Quran (@AllahGreatQuran) September 9, 2023

2004ರಲ್ಲೂ ಇಂತಹದ್ದೇ ಭೀಕರ ಘಟನೆ

ಮನೆ, ಕಟ್ಟಡಗಳ ಅವಶೇಷಗಳ ಅಡಿ ಲೆಕ್ಕವಿಲ್ಲದಷ್ಟು ಜನರು ಸಿಲುಕಿ ಕೊಂಡಿದ್ದಾರೆ. ರಕ್ಷಣಾ ಕಾರ್ಯ ಭರದಿಂದ ಸಾಗಿದ್ದು, ಹೀಗಾಗಿ ಸಾವು ನೋವಿನ ಸಂಖ್ಯೆ ಹೆಚ್ಚಾಗುವ ಸಾಧ್ಯತೆಗಳಿಗೆ ಎಂದು ಮೊರಾಕ್ಕೊ ಅಧಿಕಾರಿಗಳು ತಿಳಿಸಿದ್ದಾರೆ. ಮತ್ತೊಂದು ಕಡೆ ಭೂಕಂಪನದ ವೇಳೆ ಸೆರೆ ಸಿಕ್ಕ ವಿಡಿಯೋ ಹಾಗೂ ಸಿಸಿ ಕ್ಯಾಮೆರಾ ವಿಡಿಯೋಗಳು ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ. ಮರ್ರಾಕೆಚ್‌ನ ನೈಋತ್ಯ ಭಾಗ ಪದೇ ಪದೆ ಭೂಕಂಪನಕ್ಕೆ ತುತ್ತಾಗಿ ನಿತ್ಯವೂ ಪರದಾಡ್ತಿದೆ. 2004ರಲ್ಲಿ ಈಶಾನ್ಯ ಮೊರಾಕ್ಕೊದಲ್ಲಿ ಸಂಭವಿಸಿದ್ದ ಭೂಕಂಪದಲ್ಲೂ 600ಕ್ಕೂ ಹೆಚ್ಚು ಜನರು ಮೃತಪಟ್ಟಿದ್ದರು.

Prayers🙏 for Morocco

Powerful earthquake with M 6. 8 hit Morocco resulting in deaths of at least 296 people. #Morocco #earthquake #moroccoearthquake #deprem #morocco #maroc #earthquakes #abhisha #G20India2023 #DollarRate pic.twitter.com/dPSsOCPeDY

— Suhan Raza (@SuhanRaza4) September 9, 2023

ಒಟ್ನಲ್ಲಿ ಪ್ರಾಕೃತಿಕ ವಿಕೋಪಗಳಿಂದ ಮಾನವ ತಪ್ಪಿಸಿಕೊಳ್ಳಲು ಆಗಲ್ಲ ಎಂಬುದು ಮತ್ತೆ ಮತ್ತೆ ಸಾಬೀತಾಗಿದೆ. ಇದೀಗ ಕೂಡ ಅಷ್ಟೇ ಮೊರಾಕ್ಕೊದಲ್ಲಿ ಸಂಭವಿಸಿದ 6.8 ತೀವ್ರತೆಯ ಪ್ರಬಲ ಭೂಕಂಪಕ್ಕೆ 632 ಜನ ಬಲಿಯಾಗಿದ್ದು, ಸಾವಿರಾರು ಮಂದಿ ಆಸ್ಪತ್ರೆಗೆ ಸೇರಿದ್ದಾರೆ. ನಿನ್ನೆ ರಾತ್ರಿಯ ತನಕ ತಣ್ಣಗೆ ಇದ್ದ ಮೊರಾಕ್ಕೊ ಬೆಳಗಾಗುವ ವೇಳೆಗೆ ಅಕ್ಷರಶಃ ನರಕವಾಗಿ ಬದಲಾಗಿದೆ. ಹೀಗಾಗಿ ಸಾವಿನ ಸಂಖ್ಯೆ ಸಾವಿರದ ಗಡಿ ದಾಟುವ ಆತಂಕ ಇದೆ. ಎಲ್ಲೆಲ್ಲೂ ಜನರ ಕೂಗು ಕೇಳಿಸುತ್ತಿದ್ದು, ಸರ್ಕಾರ ಕೂಡ ರಕ್ಷಣಾ ಕಾರ್ಯಾಚರಣೆಗೆ ಪರಿತಪಿಸುತ್ತಿದೆ.

At least 632 people died due to devastating earthquake in Morocco.#Morocco #زلزال_المغرب pic.twitter.com/ojoDdIf5lU

— Md Asif Khan‏‎‎‎‎‎‎ (@imMAK02) September 9, 2023

ಮೊರಾಕ್ಕೊ ಉತ್ತರ ಆಫ್ರಿಕಾದ ದೇಶವಾಗಿದ್ದು, ಇಲ್ಲಿಗೆ ಅತಿಹೆಚ್ಚು ಪ್ರಮಾಣದಲ್ಲಿ ಪ್ರವಾಸಿ ಪಡೆ ಬರುತ್ತದೆ. ಹಾಗೇ ಮೊರಾಕ್ಕೊ ದೇಶಕ್ಕೆ ಪ್ರವಾಸೋದ್ಯಮ ಸಾಕಷ್ಟು ಆದಾಯ ಕೂಡ ತಂದುಕೊಡತ್ತದೆ. ಹೀಗೆ ನಿನ್ನೆ ರಾತ್ರಿ ಪ್ರವಾಸಿಗರು ಆರಾಮವಾಗಿ ಓಡಾಡಿಕೊಂಡು ಇದ್ರು. ಇದ್ದಕ್ಕಿದ್ದಂತೆ ಭೂಮಿ ನಡುಗಲು ಶುರುವಾಗಿದ್ದು, ಪ್ರವಾಸಿಗರು ಓಡಿ ಹೋಗಿದ್ದಾರೆ. ಇದೇ ಸಂದರ್ಭದಲ್ಲಿ ಕಟ್ಟಡಗಳು ಕೂಡ ಕುಸಿದಿವೆ. ಜನರಿಗೆ ಎಲ್ಲಿ ಹೋಗೋದು ದೇವರೆ ಅಂತಾ ಚಿಂತೆ ಶುರುವಾಗಿದೆ. ನೋಡ ನೋಡುತ್ತಲೇ ಮೊರಾಕ್ಕೊ ಸ್ಮಶಾನವಾಗಿ ಬದಲಾಗಿತ್ತು. ಭಾರತವೂ ಸೇರಿದಂತೆ ಜಗತ್ತಿನ ಹಲವು ದೇಶಗಳು ಮೊರಾಕ್ಕೊ ನೋವಿಗೆ ಸ್ಪಂದಿಸಿವೆ.

English summary

Morocco Earthquake killed atleast 632 People .