ಊರಿಗೇ ಊರೇ ನಾಶವಾದರೂ ಉಳಿದಿತ್ತು ಇದೊಂದು ಮನೆ : 40 ವರ್ಷಗಳ ಬಳಿಕ ಹರಾಜಾಗಲಿದೆ ಗೋಸ್ಟ್ ವಿಲೇಜ್ನ ಈ ಬಂಗಲೆ
ವೇಲ್ಸ್ನ ಈ ಹಳ್ಳಿ ಒಂದು ಕಾಲದಲ್ಲಿ ಗಣಿಗಾರಿಕೆಗೆ ಹೆಸರಾಗಿತ್ತು. ಆದರೆ ಭೀಕರ ಭೂಕುಸಿತದ ಭಯದಿಂದ ಇಲ್ಲಿನ ನಿವಾಸಿಗಳು ಹಳ್ಳಿಯನ್ನು ಖಾಲಿ ಮಾಡಿದ್ದರು. ನಿಜ ಹೇಳಬೇಕೆಂದರೆ ಊರಿಗೇ ಊರೇ ಖಾಲಿಯಾಗಿತ್ತು. ಅಸ್ಥಿರ ನೆಲ ವಿನಾಶಕಾರಿ ಭೂಕುಸಿತಕ್ಕೆ ಕಾರಣವಾಗಬಹುದು ಎಂಬ ಎಚ್ಚರಿಕೆಯ ಹಿನ್ನೆಲೆಯಲ್ಲಿ 1985ರಲ್ಲಿ 600 ಕ್ಕೂ ಹೆಚ್ಚು ನಿವಾಸಿಗಳು ತಮ್ಮ ಸಾಕುಪ್ರಾಣಿಗಳೊಂದಿಗೆ ಗ್ರಾಮವನ್ನು ತೊರೆದಿದ್ದರು.
ಸುಮಾರು ನಾಲ್ಕು ದಶಕಗಳ ನಂತರ, ಇದೀಗ ಈ ಊರಿನಲ್ಲಿ ಉಳಿದಿರುವ ಕೊನೆಯ ಮತ್ತು ಏಕೈಕ ಮನೆ ಮಾರಾಟಕ್ಕೆ ಸಿದ್ಧವಾಗಿದೆ.ವೇಲ್ಸ್ನ ಕೇರ್ಫಿಲ್ಲಿ ಕೌಂಟಿಯ ಟ್ರೋಡ್ರಿವ್ಫುಚ್ನಲ್ಲಿರುವ ನಂಬರ್ 2 ಲಾರೆನ್ಸ್ ಟೆರೇಸ್ ಅನ್ನು 35,000 ಪೌಂಡ್ ಬೆಲೆಗೆ ಹರಾಜು ಮಾಡಲು ನಿರ್ಧರಿಸಲಾಗಿದೆ.
ಹಳ್ಳಿಯ ಅಂತಿಮ ಮನೆಯ ಹಿಂದಿನ ರಹಸ್ಯ :
ಈ ಊರಿನ ಜನ ಊರು ಬಿಟ್ಟು ತೆರಳಿದ ನಂತರ ಹಳ್ಳಿಯ ಬಹುತೇಕ ಎಲ್ಲಾ ಆಸ್ತಿಗಳನ್ನು ಕೆಡವಲಾಯಿತು. ಆದರೆ ಈ ಮೂರು ಬೆಡ್ ರೂಮ್ ಮನೆ ಮಾತ್ರ ನಾಶವಾಗದೇ ಹಾಗೆಯೇ ಉಳಿದಿದೆ. ಅದರೆ ಈ ಹಳ್ಳಿಯ ಎಲ್ಲಾ ಮನೆಗಳು ನಾಶವಾಗಿರುವಾಗ ಈ ಮನೆ ಮಾತ್ರ ಹೇಗೆ ಉಳಿದುಕೊಂಡಿತು ಎನ್ನುವುದು ಎಲ್ಲರ ಪ್ರಶ್ನೆಯಾಗಿತ್ತು.
ಅಸಲಿಗೆ ಈ ಮನೆ ಹಳೆಯ ಅಂಚೆ ಕಚೇರಿ ಕಟ್ಟಡ ಮತ್ತು ಯುದ್ಧ ಸ್ಮಾರಕದ ಪಕ್ಕದಲ್ಲಿದೆ.ಹಾಗಾಗಿ ಈ ಮನೆಯನ್ನು ಕೂಡಾ ಕೆಡವದೆ ಉಳಿಸಲಾಗಿದೆ.
ಒಂದು ಕಾಲದಲ್ಲಿ ಅಭಿವೃದ್ಧಿ ಹೊಂದುತ್ತಿದ್ದ ಗಣಿಗಾರಿಕೆ ಸಮುದಾಯ:
ಟ್ರೋಡ್ರಿವ್ಫುಚ್ ಒಂದು ಕಾಲದಲ್ಲಿ ಜನನಿಬಿಡ ವಸಾಹತು ಪ್ರದೇಶವಾಗಿತ್ತು. ಪ್ರಾರ್ಥನಾ ಮಂದಿರ, ಚರ್ಚ್, ಪಬ್, ಶಾಲೆ, ಗ್ರಂಥಾಲಯ, ಅಂಚೆ ಕಚೇರಿ ಮತ್ತು ಸ್ಥಳೀಯ ಅಂಗಡಿಯನ್ನು ಹೊಂದಿತ್ತು. ಈ ಗ್ರಾಮವು ಹೈ ಸ್ಟ್ರೀಟ್, ಚಾಪೆಲ್ ರಸ್ತೆ ಮತ್ತು ಲಾರೆನ್ಸ್ ಟೆರೇಸ್ನಲ್ಲಿ ಹರಡಿರುವ 94 ಮನೆಗಳನ್ನು ಒಳಗೊಂಡಿತ್ತು ಎನ್ನುವುದನ್ನು ಐತಿಹಾಸಿಕ ದಾಖಲೆಗಳು ತೋರಿಸುತ್ತದೆ.
ಇಲ್ಲಿನ ಭೌಗೋಳಿಕ ಅಸ್ಥಿರತೆಯ ಬಗ್ಗೆ ವರ್ಷಗಳ ಕಾಲ ಕಳವಳವಿತ್ತು. ಸುತ್ತಮುತ್ತಲಿನ ಪರ್ವತಶ್ರೇಣಿಯಲ್ಲಿನ ಚಲನೆಯು ಯಾವುದೇ ಮುನ್ಸೂಚನೆ ಇಲ್ಲದೆ ಕುಸಿದು ಬೀಳಬಹುದು ಎನ್ನುವ ಭಯ ಆವರಿಸಿತ್ತು. ಹಾಗಾಗಿ ಇಲ್ಲಿನ ನಿವಾಸಿಗಳನ್ನು ಸ್ಥಳಾಂತರಿಸಲಾಯಿತು. ಮಾತ್ರವಲ್ಲ ಇಲ್ಲಿದ್ದ ಬಹುತೇಕ ಕಟ್ಟಡಗಳನ್ನು ನೆಲಸಮ ಮಾಡಲಾಯಿತು.
ಹರಾಜು ದಿನಾಂಕ ಪ್ರಕಟ:
ಉಳಿದಿರುವ ಆಸ್ತಿಯಲ್ಲಿ ಎರಡು ಸ್ವಾಗತ ಕೊಠಡಿಗಳು, ನೆಲ ಮಹಡಿಯಲ್ಲಿ ಅಡುಗೆಮನೆ ಮತ್ತು ಸ್ನಾನಗೃಹ, ಜೊತೆಗೆ ಮೇಲಿನ ಮಹಡಿಯಲ್ಲಿ ಮೂರು ಮಲಗುವ ಕೋಣೆಗಳಿವೆ. ಇದು ಮುಂಭಾಗ ಮತ್ತು ಹಿಂಭಾಗದ ಉದ್ಯಾನಗಳು ಮತ್ತು ಹಲವಾರು ಶೆಡ್ಗಳನ್ನು ಸಹ ಒಳಗೊಂಡಿದೆ.
ಈ ಮನೆಯ ಆನ್ಲೈನ್ ಹರಾಜು ಜೂನ್ 23 ರಂದು ಪ್ರಾರಂಭವಾಗಿ ಜೂನ್ 25ಕ್ಕೆ ಮುಕ್ತಾಯಗೊಳ್ಳಲಿದೆ.
ಅಸಾಮಾನ್ಯ ಇತಿಹಾಸ ಹೊಂದಿರುವ ಹಳ್ಳಿ:
ಪಶ್ಚಿಮ ವೇಲ್ಸ್ನ ರಮಣೀಯ ಭೂದೃಶ್ಯಗಳ ನಡುವೆ ಅಡಗಿರುವ ಸುಮಾರು 2,000 ನಿವಾಸಿಗಳಿರುವ ಊರಾಗಿತ್ತು. ಇದನ್ನು ನೋಡುವಾಗ ಇತರ ಗ್ರಾಮೀಣ ವಸಾಹತುಗಳಂತೆ ಕಾಣುತ್ತದೆ. ಆದರೆ, ಅದರ ಇತಿಹಾಸವು ದೇಶದ ಬಹುತೇಕ ಎಲ್ಲಾ ಸಮುದಾಯಗಳಿಂದ ಭಿನ್ನವಾಗಿದೆ. ಇಂದು ಕಾಣುತ್ತಿರುವ ಹಳ್ಳಿಯು ಅದರ ಮೂಲ ಸ್ಥಳದಲ್ಲಿಲ್ಲ. ಸುಮಾರು ಒಂದು ಶತಮಾನದ ಹಿಂದೆಯೇ, ಇಡೀ ವಸಾಹತುವನ್ನು ಸ್ವಲ್ಪ ದೂರಕ್ಕೆ ಸ್ಥಳಾಂತರಿಸಲಾಯಿತು. ಇದು ವೇಲ್ಸ್ನ ಅತ್ಯಂತ ಅಸಾಮಾನ್ಯ ಐತಿಹಾಸಿಕ ಕಥೆಗಳಲ್ಲಿ ಒಂದಾಗಿದೆ.
ಸ್ಥಳಾಂತರದ ಪರಂಪರೆ:
ಈ ಕಥೆಯು ವೇಲ್ಸ್ ಇತಿಹಾಸದ ವಿಶಾಲ ಮತ್ತು ವಿವಾದಾತ್ಮಕ ಅಧ್ಯಾಯದ ಭಾಗವಾಗಿದೆ. ಇಂಗ್ಲೆಂಡ್ನ ಬೆಳೆಯುತ್ತಿರುವ ನಗರಗಳಿಗೆ ನೀರು ಸರಬರಾಜು ಮಾಡುವ ಜಲಾಶಯಗಳನ್ನು ರಚಿಸಲು ಸಮುದಾಯಗಳ ಸ್ಥಳಾಂತರ ಮತ್ತು ಪ್ರವಾಹವು ವೇಲ್ಸ್ನ ಜನರಿಗೆ ಭಾವನಾತ್ಮಕ ಸಮಸ್ಯೆಯಾಗಿ ಉಳಿದಿದೆ.
ಬಹುಶಃ ಅತ್ಯಂತ ಪ್ರಸಿದ್ಧ ಉದಾಹರಣೆಯೆಂದರೆ ಕ್ಯಾಪೆಲ್ ಸೆಲಿನ್ ಗ್ರಾಮ, ಲಿವರ್ಪೂಲ್ಗೆ ಸೇವೆ ಸಲ್ಲಿಸುವ ಜಲಾಶಯವನ್ನು ರಚಿಸಲು ವಸಾಹತು ಮುಳುಗುವ ಮೊದಲು ಅದರ ನಿವಾಸಿಗಳನ್ನು ಬಲವಂತವಾಗಿ ಹೊರಹೋಗುವಂತೆ ಮಾಡಲಾಯಿತು.
(ಬರಹ: ರಂಜಿತಾ ಆರ್.ಕೆ.)
Click it and Unblock the Notifications
Sign in with Google