ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಇಸ್ತಾನ್ ಬುಲ್ ಕ್ಲಬ್ ದಾಳಿಕೋರನ ಬಂಧನ
ಕಳೆದ ತಿಂಗಳ 31ರ ರಾತ್ರಿ ಇಸ್ತಾನ್ ಬುಲ್ ನೈಟ್ ಕ್ಲಬ್ ಒಂದರ ಮೇಲೆ ದಾಳಿ ನಡೆಸಿದ್ದ ಬಂದೂಕುಧಾರಿ, 39 ಜನರ ಬಲಿ ಪಡೆದಿದ್ದ.
ಇಸ್ತಾನ್ ಬುಲ್, ಜನವರಿ 17: ಕಳೆದ ತಿಂಗಳ 31ರಂದು ರಾತ್ರಿ ಇಲ್ಲಿನ ನೈಟ್ ಕ್ಲಬ್ ಒಂದರ ಮೇಲೆ ಗುಂಡಿನ ದಾಳಿ ನಡೆಸಿ ಹೊಸ ವರ್ಷದ ಸಂಭ್ರಮಾಚರಣೆಯಲ್ಲಿದ್ದ ಸುಮಾರು 39 ಜನರನ್ನು ಬಲಿ ಪಡೆದಿದ್ದ ಶಂಕಿತ ಜಿಹಾದಿಯನ್ನು ಸ್ಥಳೀಯ ಪೊಲೀಸರು ಬಂಧಿಸಿದ್ದಾರೆ.
ಕಳೆದ ಹದಿನೈದು ದಿನಗಳಿಂದ ನಡೆಯುತ್ತಿದ್ದ ಆರೋಪಿ ಪತ್ತೆ ಕಾರ್ಯಾಚರಣೆಯಲ್ಲಿ ಪೊಲೀಸ್ ಪಡೆಗಳಿಗೆ ಮಹತ್ವದ ಸುಳಿವು ಸಿಕ್ಕ ಆಧಾರದ ಮೇಲೆ ಇಸ್ತಾನ್ ಬುಲ್ ನ ಇಸೆನಿಯುರ್ಟ್ ಜಿಲ್ಲೆಯ ಅಪಾರ್ಟ್ ಮೆಂಟ್ ನಲ್ಲಿ ವಾಸಿಸುತ್ತಿದ್ದ ಈತನನ್ನು ಬಂಧಿಸಲಾಗಿದೆ.
ಆದರೆ, ಬಂಧಿತನ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಪೊಲೀಸರು ಬಿಟ್ಟುಕೊಟ್ಟಿಲ್ಲ. ಅಪಾರ್ಟ್ ಮೆಂಟ್ ನಲ್ಲಿ ಆತ ತನ್ನ ನಾಲ್ಕು ವರ್ಷದ ಮಗನೊಂದಿಗೆ ಜೀವಿಸುತ್ತಿದ್ದನೆಂದು ಮಾತ್ರ ತಿಳಿಸಿದ್ದಾರೆ.
ಡಿ. 31ರ ರಾತ್ರಿ, ಇಸ್ತಾನ್ ಬುಲ್ ನ ಪ್ರತಿಷ್ಠಿತ ನೈಟ್ ಕ್ಲಬ್ ಗಳಲ್ಲೊಂದಾದ ರೈನಾ ನೈಟ್ ಕ್ಲಬ್ ಮೇಲೆ ಏಕೈಕ ವ್ಯಕ್ತಿಯಿಂದ ಗುಂಡಿನ ದಾಳಿ ನಡೆದಿದ್ದು, ಇದರ ಹೊಣೆಯನ್ನು ಐಎಸ್ಐಎಸ್ ಉಗ್ರ ಸಂಘಟನೆ ಹೊತ್ತುಕೊಂಡಿತ್ತು.
English summary
Turkish police on Monday captured the suspected jihadist who slaughtered 39 people on New Year's night at an Istanbul nightclub.
Story first published: Tuesday, January 17, 2017, 13:09 [IST]