Singapore President: ಭಾರತೀಯ ಮೂಲದ ಥರ್ಮನ್ ಷಣ್ಮುಗರತ್ನಂ ಸಿಂಗಾಪುರದ ನೂತನ ಅಧ್ಯಕ್ಷರಾಗಿ ಆಯ್ಕೆ!
ಸಿಂಗಾಪುರ,ಸೆಪ್ಟೆಂಬರ್ 02: ಸಿಂಗಾಪುರದ ಅಧ್ಯಕ್ಷೀಯ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ಭಾರತೀಯ ಮೂಲದ ಸಿಂಗಾಪುರದ ಅರ್ಥಶಾಸ್ತ್ರಜ್ಞ ಥರ್ಮನ್ ಷಣ್ಮುಗರತ್ನಂ 70% ಕ್ಕಿಂತ ಹೆಚ್ಚು ಮತಗಳನ್ನು ಪಡೆದು ಗೆಲುವು ಸಾಧಿಸಿದ್ದಾರೆ.
ಹೌದು, ಸಿಂಗಾಪುರದ ಅಧ್ಯಕ್ಷೀಯ ಸ್ಥಾನಕ್ಕೆ ಶುಕ್ರವಾರ ಚುನಾವಣೆ ನಡೆದಿದ್ದು, 2011 ರಿಂದ ದೇಶದ ಮೊದಲ ಸ್ಪರ್ಧಿಸಿದ ಅಧ್ಯಕ್ಷೀಯ ಚುನಾವಣೆಯಲ್ಲಿ ಥರ್ಮನ್ ಜಯ ಗಳಿಸಿದ್ದಾರೆ. 2011 ರಿಂದ 2019 ರವರೆಗೆ ಸಿಂಗಾಪುರದ ಉಪ ಪ್ರಧಾನ ಮಂತ್ರಿಯಾಗಿ ಸೇವೆ ಸಲ್ಲಿಸಿದ ಥರ್ಮನ್ ಅವರು ಸಿಂಗಾಪುರದ ಮೂರನೇ ಭಾರತೀಯ ಮೂಲದ ಅಧ್ಯಕ್ಷರಾಗಿದ್ದಾರೆ.
66 ವರ್ಷದ ಥರ್ಮನ್ ಷಣ್ಮುಗರತ್ನಂ ಚಲಾವಣೆಯಾದ 2.48 ಮಿಲಿಯನ್ ಮತಗಳಲ್ಲಿ 70.4% (1,746,427 ಮತಗಳು) ಗಳಿಸಿದರು, ಆದರೆ ಅವರ ಚೈನೀಸ್ ಮೂಲದ ಪ್ರತಿಸ್ಪರ್ಧಿಗಳಾದ Ng Kok Song ಮತ್ತು Tan Kin Lian ಕ್ರಮವಾಗಿ 15.72% ಮತ್ತು 13.88% ಮತಗಳನ್ನ ಪಡೆದಿದ್ದಾರೆ. ಶುಕ್ರವಾರ ಮಧ್ಯರಾತ್ರಿ ಚುನಾವಣಾಧಿಕಾರಿ ತಾನ್ ಮೆಂಗ್ ದುಯಿ ಫಲಿತಾಂಶ ಪ್ರಕಟಿಸಿದರು. ಅಧ್ಯಕ್ಷೀಯ ಚುನಾವಣೆಯಲ್ಲಿ ಜಯಗಳಿಸಿದ ಥರ್ಮನ್ ಅವರನ್ನು ಪ್ರಧಾನಿ ಲೀ ಸೀನ್ ಲೂಂಗ್ ಅಭಿನಂದಿಸಿದ್ದಾರೆ.
ಇನ್ನೂ ನೂತನವಾಗಿ ಆಯ್ಕೆಯಾಗ ಥರ್ಮನ್ ಅವರನ್ನು ಅಭಿನಂದಿಸಿ ಮಾತನಾಡಿರುವ ಪ್ರಧಾನಿ ಲೀ ಸೀನ್ ಲೂಂಗ್ ದಾರೆ, ಸಿಂಗಾಪುರದ ಜನರು ಶ್ರೀ ಥರ್ಮನ್ ಷಣ್ಮುಗರತ್ನಂ ಅವರನ್ನು ನಿರ್ಣಾಯಕ ಅಂತರದಿಂದ ನಮ್ಮ ಮುಂದಿನ ಅಧ್ಯಕ್ಷರನ್ನಾಗಿ ಆಯ್ಕೆ ಮಾಡಿದ್ದಾರೆ. ರಾಷ್ಟ್ರದ ಮುಖ್ಯಸ್ಥರಾಗಿ, ಅವರು ದೇಶ ಮತ್ತು ವಿದೇಶಗಳಲ್ಲಿ ನಮ್ಮನ್ನು ಪ್ರತಿನಿಧಿಸುತ್ತಾರೆ ಮತ್ತು ಮೀಸಲು ಮತ್ತು ಪ್ರಮುಖ ನೇಮಕಾತಿಗಳನ್ನು ಒಳಗೊಂಡಂತೆ ಕಸ್ಟಡಿಯಲ್ ಅಧಿಕಾರವನ್ನು ಚಲಾಯಿಸುತ್ತಾರೆ ಎಂದು ಹೇಳಿದ್ದಾರೆ.
ಇನ್ನೂ ಈ ವೇಳೆ ಥರ್ಮನ್ ಅವರು ಮಾತನಾಡಿ, ಗಾಪುರದ ಜನರು ನನ್ನ ಮೇಲೆ ಇಟ್ಟಿರುವ ನಂಬಿಕೆಯನ್ನು ನಾನು ಗೌರವಿಸುತ್ತೇನೆ ಮತ್ತು ನನಗೆ ಮತ ಹಾಕದವರನ್ನು ಒಳಗೊಂಡಂತೆ ಎಲ್ಲಾ ಸಿಂಗಾಪುರದವರನ್ನು ಗೌರವಿಸುತ್ತೇನೆ. ಸಿಂಗಾಪುರದವರು ತನಗೆ ನೀಡಿದ ಬೆಂಬಲದ ಅನುಮೋದನೆಗೆ ನಾನು ನಿಜವಾಗಿಯೂ ಕೃತಜ್ಞನಾಗಿದ್ದೇನೆ. ಇದು ಸಿಂಗಾಪುರದ ಭವಿಷ್ಯಕ್ಕಾಗಿ, ಆಶಾವಾದ ಮತ್ತು ಒಗ್ಗಟ್ಟಿನ ಭವಿಷ್ಯಕ್ಕಾಗಿ ಆಗಿದೆ. ನನ್ನ ಅಭಿಯಾನವು ಆಶಾವಾದ ಮತ್ತು ಒಗ್ಗಟ್ಟಿನದ್ದಾಗಿತ್ತು ಎಂದು ಹೇಳಿದ್ದಾರೆ.
Click it and Unblock the Notifications
Sign in with Google