ಕೊರೊನಾದಿಂದ ಗೃಹ ದಿಗ್ಬಂಧನದಲ್ಲಿ ಜರ್ಮನಿ ಚಾನ್ಸಲರ್ ಆಂಜೆಲ್ ಮಾರ್ಕೆಲ್

ಬರ್ಲಿನ್, ಮಾರ್ಚ್.23: ಕೊರೊನಾ ವೈರಸ್ ಎಂಬ ಮಹಾಮಾರಿ ಯಾರನ್ನೂ ಬಿಟ್ಟಿಲ್ಲ. ಜರ್ಮನಿ ಚಾನ್ಸಲರ್ ಆಂಜೆಲ್ ಮಾರ್ಕೆಲ್ ಅವರಿಗೂ ಕೂಡಾ ಸೋಂಕು ತಗಲಿರುವುದು ವೈದ್ಯಕೀಯ ತಪಾಸಣೆ ವೇಳೆ ಪತ್ತೆಯಾಗಿದೆ.

65 ವರ್ಷದ ಜರ್ಮನಿಯ ಚಾನ್ಸಲರ್ ಆಂಜೆಲ್ ಮಾರ್ಕೆಲ್ ಅವರನ್ನು ತಪಾಸಣೆ ನಡೆಸಿದ ವೈದ್ಯರು ಗೃಹ ದಿಗ್ಬಂಧನದಲ್ಲಿ ಇರುವಂತೆ ಸಲಹೆ ನೀಡಿದ್ದಾರೆ ಎಂದು ಚಾನ್ಸಲರ್ ವಕ್ತಾರರಾಗಿರುವ ಸ್ಟೇಫನ್ ಸೀಬರ್ಟ್ ತಿಳಿಸಿದ್ದಾರೆ.

ಕಳೆದ ಶುಕ್ರವಾರ ಆಂಜೆಲ್ ಮಾರ್ಕೆಲ್ ಅವರು ನಿಮೋನಿಯಾ ಸಂಬಂಧಿಸಿದಂತೆ ಔಷಧಿಗಳನ್ನು ತೆಗೆದುಕೊಂಡಿದ್ದಾರೆ. ಪ್ರತಿನಿತ್ಯ ಅವರ ಆರೋಗ್ಯ ತಪಾಸಣೆ ಮಾಡುತ್ತಿದ್ದು, ಮನೆಯಲ್ಲಿ ಇದ್ದುಕೊಂಡೇ ಅವರು ತಮ್ಮ ಸರ್ಕಾರದ ಜವಾಬ್ದಾರಿಯನ್ನು ನಿಭಾಯಿಸುತ್ತಿದ್ದಾರೆ ಎಂದು ಹೇಳಿದರು.

ಕಳೆದ 24 ಗಂಟೆಗಳಲ್ಲಿ 10 ಮಂದಿ ಸಾವು:

ಜರ್ಮನಿಯಲ್ಲಿ ಮಾರಕ ಕೊರೊನಾ ವೈರಸ್ ಸೋಂಕಿಗೆ ಕಳೆದ 24 ಗಂಟೆಗಳಲ್ಲೇ 10 ಮಂದಿ ಪ್ರಾಣ ಬಿಟ್ಟಿದ್ದಾರೆ ಎಂದು ತಿಳಿದು ಬಂದಿದೆ. ಇದರಿಂದ ಮೃತರ ಸಂಖ್ಯೆಯು 94ಕ್ಕೆ ಏರಿಕೆಯಾಗಿದೆ. ಭಾನುವಾರ ಒಂದೇ ದಿನ ದೇಶದಲ್ಲಿ 2,509 ಜನರಿಗೆ ಸೋಂಕು ಇರುವುದು ಸ್ಪಷ್ಟವಾಗಿದ್ದು, ಸೋಂಕಿತರ ಸಂಖ್ಯೆಯು 24,873ಕ್ಕೆ ಏರಿಕೆಯಾಗಿದೆ.

English summary

Coronavirus Positive To Angela Merkel, German Chaneller In Quarantine.