ವಿದೇಶದ ಭಾರತೀಯ ಕಂಪನಿ ಉದ್ಯೋಗಿಗಳಿಗೂ ಪಿಎಫ್
ಕಾನ್ಪುರ, ನ. 23 : ವಿದೇಶದಲ್ಲಿರುವ ಭಾರತೀಯ ಕಂಪನಿಗಳಲ್ಲಿ ಕೆಲಸ ಮಾಡುತ್ತಿರುವ ಉದ್ಯೋಗಿಗಳಿಗೂ ಪಿಎಫ್ ಸೌಲಭ್ಯ ದೊರೆಯಲಿದೆ. ಈ ಬಗ್ಗೆ ಚಿಂತನೆ ನಡೆಸಿರುವ ಕಾರ್ಮಿಕ ಭವಿಷ್ಯನಿಧಿ ಇಲಾಖೆ ಎರಡು ಉಪಸಮಿತಿಗಳನ್ನು ರಚಿಸಿದೆ.
ವಿದೇಶದಲ್ಲಿ ಕೆಲಸ ಮಾಡುತ್ತಿರುವ ನೌಕರರ ಮಾಹಿತಿಯನ್ನು ಕಲೆಹಾಕಲಾಗುತ್ತಿದೆ. ಅಲ್ಲದೇ ಅವರ ಖಾತೆಗೆ ನೇರವಾಗಿ ಹಣ ಸಂದಾಯವಾಗುವಂತೆಯೂ ಯೋಜನೆ ರೂಪಿಸಲಾಗುತ್ತಿದೆ.[ಭವಿಷ್ಯನಿಧಿ ಮಾಹಿತಿ ಅಂತರ್ಜಾಲದಲ್ಲಿ ಸಿಗುತ್ತೆ]
ಈ ಬಗ್ಗೆ ಸ್ಟೇಟ್ ಬ್ಯಾಂಕ್ ಇಂಡಿಯಾದೊಂದಿಗೆ ಭವಿಷ್ಯ ನಿಧಿ ಇಲಾಖೆ ಒಪ್ಪಂದವೊಂದನ್ನು ಮಾಡಿಕೊಂಡಿದೆ. ಭಾರತದ ಕಂಪನಿಗಳ ಹಲವಾರು ಶಾಖೆಗಳು ವಿದೇಶದಲ್ಲಿವೆ. ಆದರೆ ಅಲ್ಲಿಯ ನೌಕರರು ಭವಿಷ್ಯನಿಧಿ ಸೌಲಭ್ಯದಿಂದ ವಂಚಿತರಾಗುತ್ತಿದ್ದಾರೆ. ಇದೆಲ್ಲವನ್ನು ಮನಗಂಡು ಇಂಥ ಯೋಜನೆ ರೂಪಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.[ನಿಮ್ಮ ಭವಿಷ್ಯನಿಧಿ ಉಳಿತಾಯ ಪರಿಶೀಲಿಸುವುದು ಹೇಗೆ?]
ಒಟ್ಟಿನಲ್ಲಿ ಇಲಾಖೆಯ ಈ ಕ್ರಮ ವಿದೇಶದಲ್ಲಿ ಕೆಲಸ ಮಾಡುತ್ತಿರುವ ನೌಕರರ ಭದ್ರತೆಗೆ ಮತ್ತಷ್ಟು ನೆರವಾಗುವುದರಲ್ಲಿ ಅನುಮಾನವಿಲ್ಲ. ಇದೊಂದು ಉತ್ತಮ ಚಿಂತನೆ ಎಂದೇ ಹೇಳಲಾಗಿದೆ.
Click it and Unblock the Notifications
Sign in with Google