ಜಗತ್ತಿನ ದುಬಾರಿ ಔಷಧಿಗೆ ₹28.58 ಕೋಟಿ: ಯಾವ ರೋಗಕ್ಕೆ ಈ ಹೆಮ್ಜೆನಿಕ್ಸ್ ಬಳಕೆ?
ವಾಷಿಂಗ್ಟನ್, ನವೆಂಬರ್ 24: ಜಗತ್ತಿನ ಅತ್ಯಂತ ದುಬಾರಿ ಔಷಧಿಗೆ ಯುಎಸ್ ಫುಡ್ ಅಂಡ್ ಡ್ರಗ್ ಅಡ್ಮಿನಿಸ್ಟ್ರೇಷನ್ ಅನುಮೋದನೆ ನೀಡಿದೆ. ಹಿಮೋಫಿಲಿಯಾ ಚಿಕಿತ್ಸೆಗಾಗಿ ಸಂಶೋಧಿಸಲಾಗಿರುವ ಹೆಮ್ಜೆನಿಕ್ಸ್ ಎಫ್ಡಿಎ ಮಂಗಳವಾರ ಅನುಮೋದಿಸಿದೆ.
ಸಿಎಸ್ಎಲ್ ಬೆಹ್ರಿಂಗ್ ತಯಾರಿಸಿದ ಈ ಔಷಧಿಯಿಂದ ಒಬ್ಬರಿಗೆ ಚಿಕಿತ್ಸೆ ನೀಡುವುದಕ್ಕೆ ಒಂದು ಡೋಸ್ಗೆ 3.5 ಮಿಲಿಯನ್ ಡಾಲರ್(28.58 ಕೋಟಿ ರೂಪಾಯಿ) ಆಗುತ್ತದೆ.
ಹೆಮ್ಜೆನಿಕ್ಸ್ ಎನ್ನುವುದು 'ಹಿಮೋಫಿಲಿಯಾ ಬಿ'ಯೊಂದಿಗೆ ವಯಸ್ಕರಿಗೆ ನೀಡುವ ಜೀನ್ ಚಿಕಿತ್ಸೆಯಾಗಿದೆ. ಇದು ಆನುವಂಶಿಕ ರಕ್ತಸ್ರಾವದ ಅಸ್ವಸ್ಥತೆಯಾಗಿದ್ದು, ಇದರಿಂದ ಜನರು ರಕ್ತ ಹೆಪ್ಪುಗಟ್ಟುವಿಕೆಯನ್ನು ರಚಿಸಲು ಅಗತ್ಯವಾದ ಪ್ರೋಟೀನ್ ಅನ್ನು ಉತ್ಪಾದಿಸುವುದಿಲ್ಲ. 40,000 ಜನರಲ್ಲಿ ಒಬ್ಬರಿಗೆ ಈ ರೀತಿ ಆರೋಗ್ಯ ಸಮಸ್ಯೆಯು ಕಾಣಿಸಿಕೊಳ್ಳಲಿದ್ದು, ಅದರಲ್ಲಿ ಪುರುಷರ ಪ್ರಮಾಣವೇ ಹೆಚ್ಚಾಗಿರುತ್ತದೆ ಎಂದು ಅಧ್ಯಯನವು ತಿಳಿಸಿದೆ. ಜಗತ್ತಿನ ದುಬಾರಿ ಔಷಧಿ ಹಾಗೂ ಚಿಕಿತ್ಸೆ ವಿಧಾನದ ಜೊತೆಗೆ ಯಾವ ರೋಗಕ್ಕೆ ಈ ಔಷಧಿ ಬಳಕೆ ಆಗುತ್ತದೆ? ಈ ರೋಗದ ವಿಶೇಷತೆಯೇನು? ಔಷಧಿಯು ಅಷ್ಟೊಂದು ದುಬಾರಿ ಆಗಿರಲು ಕಾರಣವೇನು ಎಂಬುದನ್ನು ಈ ವರದಿಯಲ್ಲಿ ತಿಳಿದುಕೊಳ್ಳೋಣ.
ಒಂದೇ ರೀತಿ ಚಿಕಿತ್ಸೆಯಲ್ಲಿ ನಾಲ್ಕು ರೀತಿ ಪ್ರಭಾವ
ವಿಶಿಷ್ಟ ಚಿಕಿತ್ಸೆಯು ಕಾಣೆಯಾದ ಅಥವಾ ಕೊರತೆಯಿರುವ ಹೆಪ್ಪುಗಟ್ಟುವಿಕೆಯ ಅಂಶದ ಸಾಕಷ್ಟು ಮಟ್ಟವನ್ನು ನಿರ್ವಹಿಸಲು ವಾಡಿಕೆಯ ಇಂಟ್ರಾವೆನಸ್ ಇನ್ಫ್ಯೂಷನ್ ಅಗತ್ಯವಿರುತ್ತದೆ. ಆದರೆ ಹೊಸ ಜೀನ್ ಚಿಕಿತ್ಸೆಯು ಒಂದು-ಬಾರಿಗೆ IV ಇನ್ಫ್ಯೂಷನ್ ಆಗಿರುತ್ತದೆ.
"ಹಿಮೋಫಿಲಿಯಾಕ್ಕೆ ಜೀನ್ ಚಿಕಿತ್ಸೆಯು ಎರಡು ದಶಕಗಳಿಗಿಂತಲೂ ಹೆಚ್ಚು ಕಾಲ ಕೈಗೆಟುಕದ ರೀತಿ ಆಕಾಶದ ಎತ್ತರದಲ್ಲಿದೆ. ಹಿಮೋಫಿಲಿಯಾ ಚಿಕಿತ್ಸೆಯಲ್ಲಿ ಪ್ರಗತಿಯ ಹೊರತಾಗಿಯೂ, ರಕ್ತಸ್ರಾವದ ತಡೆಗಟ್ಟುವಿಕೆ ಮತ್ತು ಚಿಕಿತ್ಸೆಯು ಸಂತ್ರಸ್ತ ವ್ಯಕ್ತಿಯ ಜೀವನದ ಗುಣಮಟ್ಟದ ಮೇಲೆ ಪ್ರತಿಕೂಲ ಪರಿಣಾಮ ಬೀರಬಹುದು" ಎಂದು ಎಫ್ಡಿಎಯ ಜೈವಿಕ ಮೌಲ್ಯಮಾಪನ ಮತ್ತು ಸಂಶೋಧನಾ ಕೇಂದ್ರದ ನಿರ್ದೇಶಕ ಡಾ. ಪೀಟರ್ ಮಾರ್ಕ್ಸ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಹಿಮೋಫಿಲಿಯಾ ಬಿ ರೋಗಿಗಳಿಗೆ ಹೊಸ ರೀತಿಯ ಚಿಕಿತ್ಸೆ
ಇಂದಿನ ಅನುಮೋದನೆಯು ಹಿಮೋಫಿಲಿಯಾ ಬಿ ರೋಗಿಗಳಿಗೆ ಹೊಸ ಚಿಕಿತ್ಸಾ ಆಯ್ಕೆಯನ್ನು ಒದಗಿಸುತ್ತದೆ. ಈ ರೀತಿಯ ಹಿಮೋಫಿಲಿಯಾಕ್ಕೆ ಸಂಬಂಧಿಸಿದ ಹೆಚ್ಚಿನ ಹೊರೆಯನ್ನು ಅನುಭವಿಸುವವರಿಗೆ ಹೊಸ ಮಾದರಿ ಚಿಕಿತ್ಸೆಗಳ ಅಭಿವೃದ್ಧಿಯಲ್ಲಿ ಪ್ರಮುಖ ಪ್ರಗತಿಯನ್ನು ಕಂಡುಕೊಳ್ಳಲಾಗಿದೆ ಎಂದು ಎಫ್ಡಿಎಯ ಜೈವಿಕ ಮೌಲ್ಯಮಾಪನ ಮತ್ತು ಸಂಶೋಧನಾ ಕೇಂದ್ರದ ನಿರ್ದೇಶಕ ಡಾ. ಪೀಟರ್ ಮಾರ್ಕ್ಸ್ ತಿಳಿಸಿದ್ದಾರೆ.
ವಿಶ್ವದ ಅತ್ಯಂತ ದುಬಾರಿ ಔಷಧ ಹೆಮ್ಜೆನಿಕ್ಸ್
ಇನ್ಸ್ಟಿಟ್ಯೂಟ್ ಫಾರ್ ಕ್ಲಿನಿಕಲ್ ಅಂಡ್ ಎಕನಾಮಿಕ್ ರಿವ್ಯೂ, ಪ್ರಿಸ್ಕ್ರಿಪ್ಷನ್ ಡ್ರಗ್ಸ್ ಮತ್ತು ಇತರ ವೈದ್ಯಕೀಯ ಉತ್ಪನ್ನಗಳ ಮೌಲ್ಯವನ್ನು ವಿಶ್ಲೇಷಿಸುವ ಸ್ವತಂತ್ರ ಲಾಭೋದ್ದೇಶವಿಲ್ಲದ ಸಂಶೋಧನಾ ಸಂಸ್ಥೆ ಆಗಿದೆ. ಈ ಸಂಸ್ಥೆಯ ಪ್ರಕಾರ, ಹೆಮ್ಜೆನಿಕ್ಸ್ ಈಗ ವಿಶ್ವದ ಅತ್ಯಂತ ದುಬಾರಿ ಔಷಧವಾಗಿದೆ ಎಂದು ದೃಢಪಡಿಸಿದೆ. ಈ ಔಷಧದ ಇತ್ತೀಚಿನ ವೆಚ್ಚ-ಪರಿಣಾಮಕಾರಿ ವಿಶ್ಲೇಷಣೆಯಲ್ಲಿ, ಆಫ್ಸೆಟ್ ವೆಚ್ಚಗಳ ವಿರುದ್ಧ ಆರೋಗ್ಯ ಪ್ರಯೋಜನಗಳನ್ನು ತೂಗುತ್ತದೆ, ಐಸಿಇಆರ್ ಔಷಧದ ನ್ಯಾಯಯುತ ಬೆಲೆ 2.93 ಮಿಲಿಯನ್ ಡಾಲರ್ ಮತ್ತು 2.96 ಮಿಲಿಯನ್ ಡಾಲರ್ ನಡುವೆ ಇರಬೇಕೆಂದು ಸೂಚಿಸಿದೆ.
ಈವರೆಗಿನ ದುಬಾರಿ ಔಷಧಿ ಯಾವುದು ಮತ್ತು ಯಾವುದಕ್ಕೆ ಬಳಕೆ?
ಗುಡ್ಆರ್ಎಕ್ಸ್ನ ವಿಶ್ಲೇಷಣೆಯ ಪ್ರಕಾರ, ಈ ಹಿಂದೆ ಯುಎಸ್ನಲ್ಲಿನ ಅತ್ಯಂತ ದುಬಾರಿ ಔಷಧವೆಂದರೆ ಅದು ಜೋಲ್ಗೆನ್ಸ್ಮಾ. ಇದನ್ನು 2019ರಲ್ಲಿ ಎಫ್ಡಿಎ ಅನುಮೋದಿಸಿತು, ಬೆನ್ನುಮೂಳೆಯ ಸ್ನಾಯು ಕ್ಷೀಣತೆಗೆ ಚಿಕಿತ್ಸೆ ನೀಡಲು ಮತ್ತು ಚಿಕಿತ್ಸೆಯ ಕೋರ್ಸ್ಗೆ 2.1 ಮಿಲಿಯನ್ ಡಾಲರ್ ಬೆಲೆಯನ್ನು ನಿಗದಿಪಡಿಸಲಾಗಿತ್ತು. ಸುಮಾರು 60 ವಯಸ್ಕ ಪುರುಷರ ಎರಡು ಅಧ್ಯಯನಗಳಲ್ಲಿ ಮೌಲ್ಯಮಾಪನ ಮಾಡಿದ ಸುರಕ್ಷತೆ ಮತ್ತು ಪರಿಣಾಮಕಾರಿತ್ವದ ಆಧಾರದ ಮೇಲೆ ಎಫ್ಡಿಎ ಹೆಮ್ಜೆನಿಕ್ಸ್ ಅನ್ನು ಅನುಮೋದಿಸಿದೆ. ಹೆಚ್ಚಿನ ಲಿವರ್ ಎಂಜಿಮ್ಸ್, ತಲೆನೋವು, ಜ್ವರ ತರಹದ ಲಕ್ಷಣಗಳು ಮತ್ತು ಸೌಮ್ಯವಾದ ಇನ್ಫ್ಯೂಷನ್-ಸಂಬಂಧಿತ ಪ್ರತಿಕ್ರಿಯೆಗಳು ಅತ್ಯಂತ ಸಾಮಾನ್ಯವಾದ ಅಡ್ಡಪರಿಣಾಮಗಳನ್ನು ಒಳಗೊಂಡಿವೆ ಎಂದು ಗೊತ್ತಾಗಿದೆ.
Click it and Unblock the Notifications
Sign in with Google