ಕಾರ್ ಬಾಂಬ್ ಸ್ಫೋಟದಿಂದ 8 ಸಾವು, 30 ಮಂದಿಗೆ ಗಾಯ
ಕಾಬೂಲ್, ಜುಲೈ.30: ಅಫ್ಘಾನಿಸ್ತಾನದ ಲೋಗರ್ ಪ್ರದೇಶದಲ್ಲಿ ಸಂಭವಿಸಿದ ಕಾರ್ ಬಾಂಬ್ ಸ್ಫೋಟದಲ್ಲಿ ಕನಿಷ್ಠ ಎಂಟು ಮಂದಿ ಪ್ರಾಣ ಬಿಟ್ಟಿದ್ದು, 30ಕ್ಕೂ ಹೆಚ್ಚು ಜನರು ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ಟೋಲೋ ನ್ಯೂಸ್ ವರದಿ ಮಾಡಿದೆ.
ಲೋಗರ್ ಪ್ರದೇಶದ ಪುಲ್-ಇ-ಅಲಂ ಪ್ರದೇಶದಲ್ಲಿ ಉಗ್ರರು ಕಾರ್ ಬಾಂಬ್ ಸ್ಫೋಟಿಸಿದ್ದಾರೆ. ಇದರಿಂದ 30 ಮಂದಿ ಪ್ರಜೆಗಳು ಗಾಯಗೊಂಡಿದ್ದು, ಎಂಟು ಜನರು ಉಗ್ರರ ದಾಳಿಯಲ್ಲಿ ಬಲಿಯಾಗಿದ್ದಾರೆ ಎಂದು ಅಫ್ಘನ್ ಸಚಿವಾಲಯವು ಮಾಹಿತಿ ನೀಡಿದೆ.
ತಾಲಿಬಾನ್ ಸಂಘಟನೆಗೂ ಈ ಬಾಂಬ್ ಸ್ಫೋಟಕ್ಕೂ ಯಾವುದೇ ನಂಟು ಇಲ್ಲ ಎಂದು ಹೇಳಿದ್ದು, ತನ್ನ ಪಾಲುದಾರಿಕೆಯನ್ನು ತಳ್ಳಿ ಹಾಕಿದೆ. ಬಾಂಬ್ ಸ್ಫೋಟದ ಬಗ್ಗೆ ಇದುವರೆಗೂ ಯಾವುದೇ ಉಗ್ರ ಸಂಘಟನೆಗಳು ಹೊಣೆಯನ್ನು ಹೊತ್ತುಕೊಂಡಿಲ್ಲ ಎಂದು ತಿಳಿದು ಬಂದಿದೆ.
ಈದ್-ಅಲ್-ಅದಾ ಹಬ್ಬದ ಮೇಲೆ ಕಣ್ಣು:
ಆಗಸ್ಟ್.03ರಂದು ಈದ್-ಅಲ್-ಅದಾ ಹಬ್ಬವು ನಡೆಯಲಿದ್ದು, ಅಂದು ಶಾಂತಿ ಕದಡುವ ನಿಟ್ಟಿನಲ್ಲಿ ತಾಲಿಬಾನ್ ಉಗ್ರ ಸಂಘಟನೆಯು ಸಂಚು ರೂಪಿಸಿತ್ತು ಎಂದು ಹೇಳಲಾಗುತ್ತಿತ್ತು. ಈ ಶಂಕೆಯ ನಡುವೆಯೇ ಉಗ್ರರು ದಾಳಿ ನಡೆಸಿದ್ದು, ಅಫ್ಘಾನಿಸ್ತಾನದ ಜನರಲ್ಲಿ ಆತಂಕವನ್ನು ಹುಟ್ಟು ಹಾಕಿದೆ.
Click it and Unblock the Notifications
Sign in with Google