ವಲಸೆಗಾರರ ಕಳ್ಳಸಾಗಣೆ ರಹಸ್ಯ: ದಕ್ಷಿಣ ಮೆಕ್ಸಿಕೋದ ಟ್ರಕ್ ಅಪಘಾತದಿಂದ ಬಯಲು
ದಕ್ಷಿಣ ಮೆಕ್ಸಿಕೋದಲ್ಲಿ ಭೀಕರ ಟ್ರಕ್ ಅಪಘಾತ ಸಂಭವಿಸಿದ್ದು 49 ವಲಸಿಗರು ಸಾವನ್ನಪ್ಪಿದ್ದು 58 ಮಂದಿ ಗಾಯಗೊಂಡಿದ್ದಾರೆ. ಘಟನೆಯ ಬಳಿಕ ಇದು ವಲಸೆಗಾರರ ಕಳ್ಳಸಾಗಣೆಯ ಟ್ರಕ್ ಆಗಿತ್ತೆಂದು ಶಂಕಿಸಲಾಗಿದೆ. ಗುರುವಾರ ದಕ್ಷಿಣ ಮೆಕ್ಸಿಕೋದ ಹೆದ್ದಾರಿಯಲ್ಲಿ ಮಧ್ಯ ಅಮೇರಿಕನ್ ವಲಸಿಗರಿದ್ದ ಕಾರ್ಗೋ ಟ್ರಕ್ ಉರುಳಿ ಪಾದಚಾರಿ ಸೇತುವೆಗೆ ಅಪ್ಪಳಿಸಿದೆ. ಈ ದುರಂತದಲ್ಲಿ ಕನಿಷ್ಠ 49 ಜನರು ಸಾವನ್ನಪ್ಪಿದ್ದು ಸುಮಾರು 58 ಜನರು ಗಾಯಗೊಂಡಿದ್ದಾರೆ ಎಂದು ಅಧಿಕಾರಿಗಳು ವರದಿ ಮಾಡಿದ್ದಾರೆ.
ಪ್ರಾಥಮಿಕ ಅಂದಾಜಿನ ಪ್ರಕಾರ, ಸುಮಾರು 40 ಜನರಿಗೆ ಗಂಭೀರ ಗಾಯಗಳಾಗಿದ್ದು ಅವರನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಚಿಯಾಪಾಸ್ ರಾಜ್ಯ ನಾಗರಿಕ ರಕ್ಷಣಾ ಕಚೇರಿಯ ಮುಖ್ಯಸ್ಥ ಲೂಯಿಸ್ ಮ್ಯಾನುಯೆಲ್ ಮೊರೆನೊ ಹೇಳಿದ್ದಾರೆ.
ದಕ್ಷಿಣ ಮೆಕ್ಸಿಕೋದ ಹೆದ್ದಾರಿಯಲ್ಲಿ ವಲಸಿಗರನ್ನು ಹೊತ್ತೊಯ್ಯುತ್ತಿದ್ದ ಟ್ರಕ್ ಉರುಳಿದಾಗ ಕನಿಷ್ಠ 49 ಜನರು ಸಾವನ್ನಪ್ಪಿದ್ದಾರೆ ಮತ್ತು ಡಜನ್ಗಟ್ಟಲೆ ಜನರು ಗಾಯಗೊಂಡಿದ್ದಾರೆ ಎಂದು ಮೆಕ್ಸಿಕನ್ ಅಧಿಕಾರಿಗಳು ಹೇಳಿದ್ದಾರೆ. ಚಿಯಾಪಾಸ್ ರಾಜ್ಯದ ರಾಜಧಾನಿ ಕಡೆಗೆ ಹೋಗುವ ಹೆದ್ದಾರಿಯಲ್ಲಿ ಅಪಘಾತ ಸಂಭವಿಸಿದೆ. ದೃಶ್ಯದ ಫೋಟೋಗಳು ಬಲಿಪಶುಗಳು ಪಾದಚಾರಿ ಮಾರ್ಗದಲ್ಲಿ ಮತ್ತು ಟ್ರಕ್ನ ಒಳಗೆ ಇರುವುದು ತೋರಿಸುತ್ತದೆ.
ಬಲಿಪಶುಗಳು ಮಧ್ಯ ಅಮೆರಿಕದಿಂದ ವಲಸೆ ಬಂದವರು ಎಂದು ಕಂಡುಬಂದಿದೆ. ಆದರೂ ಅವರ ರಾಷ್ಟ್ರೀಯತೆಗಳನ್ನು ಇನ್ನೂ ದೃಢೀಕರಿಸಲಾಗಿಲ್ಲ. ಬದುಕುಳಿದವರಲ್ಲಿ ಕೆಲವರು ನೆರೆಯ ದೇಶವಾದ ಗ್ವಾಟೆಮಾಲಾದಿಂದ ಬಂದವರಾಗಿದ್ದಾರೆ. ಟ್ರಕ್ ಅಧಿಕ ಸಂಖ್ಯೆಯಲ್ಲಿ ಪ್ರಯಾಣಿಕರನ್ನು ಹೊತ್ತೊಯ್ಯುತ್ತಿತ್ತು. ಭಾರೀ ತೂಕವನ್ನು ಹೊಂದಿದ್ದ ಟ್ರಕ್ ತಿರುವಿನಲ್ಲಿ ನಿಯಂತ್ರಣ ತಪ್ಪಿ ಪಾದಚಾರಿ ಸೇತುವೆಯ ಕೆರಳಗೆ ಅಪ್ಪಳಿಸಿದೆ ಎಂದು ಮೊರೆನೊ ಹೇಳಿದರು.
ಈ ವಾಹನದಲ್ಲಿ ಕನಿಷ್ಠ 107 ಜನ ಪ್ರಯಾಣಿಸುತ್ತಿದ್ದರೆಂದು ತಿಳಿದು ಬಂದಿದೆ. ಮೆಕ್ಸಿಕೋದಲ್ಲಿನ ಈ ಸರಕು ಸಾಗಣೆ ಟ್ರಕ್ಗಳು ದಕ್ಷಿಣ ಮೆಕ್ಸಿಕೋದಲ್ಲಿ ಹಲವಾರು ಜನರ ಕಳ್ಳ ಸಾಗಾಣೆ ಮಾಡುತ್ತಿತ್ತು ಎಂದು ಊಹಿಸಲಾಗಿದೆ. ಟ್ರಕ್ ಅಪಘಾತಕ್ಕೀಡಾದಾಗ ಇನ್ನೂ ಹೆಚ್ಚಿನ ವಲಸಿಗರು ಟ್ರಕ್ನಲ್ಲಿದ್ದರು ಮತ್ತು ವಲಸೆ ಏಜೆಂಟರಿಂದ ಬಂಧನಕ್ಕೊಳಗಾಗುವ ಭಯದಿಂದ ಓಡಿಹೋದರು ಎಂದು ಮೊರೆನೊ ಹೇಳಿದ್ದಾರೆ.
ಓಡಿಹೋದವರಲ್ಲಿ ಕೆಲವರು ರಕ್ತಸಿಕ್ತ ಅಥವಾ ಮೂಗೇಟಿಗೊಳಗಾಗಿದ್ದರು. ತಪ್ಪಿಸಿಕೊಳ್ಳುವ ಹತಾಶೆಯಲ್ಲಿ ಕುಂಟುತ್ತಾ ಓಡಿಹೋದರು ಎಂದು ಅರೆವೈದ್ಯರು ಹೇಳಿದ್ದಾರೆ. ಟ್ರಕ್ ಮೂಲತಃ ಮಾನವ ಕಳ್ಳಸಾಗಾಣೆಗಾಗಿ ಬಳಸಿದ ರೀತಿಯಲ್ಲಿ ಕಂಡುಬಂದಿದೆ. ಡಿಕ್ಕಿಯ ರಭಸಕ್ಕೆ ಕಂಟೇನರ್ ನಜ್ಜುಗುಜ್ಜಾಗಿದೆ. ಚಾಲಕ ಬದುಕುಳಿದಿದ್ದಾನೆಯೇ ಎಂಬುದು ಸ್ಪಷ್ಟವಾಗಿಲ್ಲ.
ಈ ಟ್ರಕ್ ಗ್ವಾಟೆಮಾಲಾದ ಗಡಿಯ ಸಮೀಪವಿರುವ ಮೆಕ್ಸಿಕೊದಿಂದ ಮೆಕ್ಸಿಕೊದ ಕೇಂದ್ರ ರಾಜ್ಯವಾದ ಪ್ಯೂಬ್ಲಾಗೆ ಸಾಗಿ ಅಲ್ಲಿ USD 2,500 ಮತ್ತು USD 3,500 ನಡುವೆ ಪಾವತಿ ಸಂಗ್ರಹಿಸಬೇಕಿತ್ತು. ಅಲ್ಲಿಗೆ ಬಂದ ನಂತರ, ಅವರು ಯುಎಸ್ ಗಡಿಗೆ ಇವನ್ನು ಕರೆದೊಯ್ಯಲು ಮತ್ತೊಂದು ಗುಂಪಿನ ವಲಸಿಗ ಕಳ್ಳಸಾಗಣೆದಾರರೊಂದಿಗೆ ಒಪ್ಪಂದ ಮಾಡಿಕೊಂಡಿರಬಹುದು ಎನ್ನಲಾಗಿದೆ. ಇತ್ತೀಚಿನ ತಿಂಗಳುಗಳಲ್ಲಿ, ಮೆಕ್ಸಿಕನ್ ಅಧಿಕಾರಿಗಳು ವಲಸಿಗರು US ಗಡಿಯ ಕಡೆಗೆ ದೊಡ್ಡ ಗುಂಪುಗಳಲ್ಲಿ ಆಗಮಿಸುತ್ತಿರುವುದನ್ನು ತಡೆಯಲು ಪ್ರಯತ್ನಿಸಿದ್ದಾರೆ. ಆದರೂ ವಲಸೆಗಾರರ ಕಳ್ಳಸಾಗಣೆಯ ರಹಸ್ಯ ಮತ್ತು ಅಕ್ರಮ ಹರಿವು ಮುಂದುವರೆದಿದೆ.
ಕಳೆದ ಅಕ್ಟೋಬರ್ನಲ್ಲಿ ಅತಿದೊಡ್ಡ ಮಾನವ ಕಳ್ಳಸಾಗಣೆ ಜಾಲ ಪತ್ತೆಯಾಗಿದ್ದನ್ನು ಈ ವೇಳೆ ಸ್ಮರಿಸಬಹುದು. ಉತ್ತರದ ಗಡಿ ರಾಜ್ಯವಾದ ತಮೌಲಿಪಾಸ್ನ ಅಧಿಕಾರಿಗಳ ಬೆಂಗಾವಲು ಪಡೆ ಮುಖ್ಯವಾಗಿ 652 ಮಧ್ಯ ಅಮೇರಿಕನ್ ವಲಸಿಗರು US ಗಡಿಯತ್ತ ಸಾಗುತ್ತಿರುವ ಆರು ಸರಕು ಟ್ರಕ್ಗಳನ್ನು ವಶಪಡಿಸಿಕೊಂಡಿತ್ತು.
Recommended Video
-
Ananya Birla: ಆರ್ಸಿಬಿ ಅಭಿಮಾನಿಗಳು ಹಾಗೂ ಸಹೋದರನಿಗೆ ಅನನ್ಯಾ ಬಿರ್ಲಾ ವಿಶೇಷ ಸಂದೇಶ -
Karnataka Weather: ಬಿಸಿಲಿನಿಂದ ಕಂಗೆಟ್ಟಿದ್ದ ಕರುನಾಡಿಗೆ ತಂಪೆರೆಯಲಿದ್ದಾನೆ ವರುಣ; ಎಲ್ಲೆಲ್ಲಿ ಮಳೆ? ಇಲ್ಲಿದೆ ಮಾಹಿತಿ -
March 25 Horoscope: ಈ 3 ರಾಶಿಗಳಿಗೆ ಅದೃಷ್ಟದ ಬಾಗಿಲು ತೆರೆದುಕೊಳ್ಳಲಿದೆ -
SSLC ಇಂಗ್ಲೀಷ್ ಪರೀಕ್ಷೆ ಮುಕ್ತಾಯ: ಪೇಪರ್ ಹೇಗಿತ್ತು, ವಿದ್ಯಾರ್ಥಿಗಳು ಹಾಗೂ ಶಿಕ್ಷಕರು ಏನಂತಾರೆ? ಇಲ್ಲಿದೆ ವಿಶ್ಲೇಷಣೆ -
Karnataka Rains: ಧಾರಾಕಾರ ಮಳೆ! 7 ಜಿಲ್ಲೆಗಳಿಗೆ 'ಆರೆಂಜ್', 15ಕ್ಕೂ ಹೆಚ್ಚು ಜಿಲ್ಲೆಗಳಿಗೆ 'ಯೆಲ್ಲೋ' ಅಲರ್ಟ್ -
Gold: ಚಿನ್ನ ಖರೀದಿ ಮತ್ತು ಮಾರಾಟಕ್ಕೆ ಇದು ಒಳ್ಳೆಯ ಸಮಯವಲ್ಲ ಎಂದ ಅರ್ಥಶಾಸ್ತ್ರಜ್ಞೆ ಮೇರಿ ಜಾರ್ಜ್ -
ಡಬಲ್ ಡೆಕ್ಕರ್ ಫ್ಲೈಓವರ್ ಸಹಿತ ನಮ್ಮ ಮೆಟ್ರೋ ಕಾರಿಡಾರ್: ಯೋಜನೆಗೆ ಜೈಕಾದಿಂದ 6,775 ರೂ ಸಾಲ: BMRCL -
ಐಪಿಎಲ್ ಇತಿಹಾಸದಲ್ಲೇ ಆರ್ಸಿಬಿಯ ಹೊಸ ಅಧ್ಯಾಯ: 16,000 ಕೋಟಿಗೆ ಫ್ರಾಂಚೈಸಿ ಖರೀದಿಸಿದ ಆರ್ಯಮನ್ ಬಿರ್ಲಾ ಯಾರು? -
Gold Rate: ದಿಢೀರ್ ಏರಿಕೆ ಕಂಡ ಬಂಗಾರದ ಬೆಲೆ; ಬೆಂಗಳೂರಿನಲ್ಲಿ ಚಿನ್ನದ ದರ ಹೀಗಿದೆ.. -
Kishore Kumar Huli: ಮೋದಿ ಹೇಳಿಕೆ ಹಂಚಿಕೊಂಡು ನಿಮಗೆ ನಾಚಿಕೆ ಇದೆಯೇ ಎಂದ ನಟ ಕಿಶೋರ್ ಕುಮಾರ್ -
Jobs: ರಾಜ್ಯದ ಸರ್ಕಾರಿ ವಿವಿಗಳಲ್ಲಿ 1000 ಬೋಧಕ ಹುದ್ದೆಗಳ ಭರ್ತಿಗೆ ಸರ್ಕಾರ ಗ್ರೀನ್ ಸಿಗ್ನಲ್ -
ಸಂಸದ ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್ ಈ ನಿರ್ಧಾರ ಎಲ್ಲರಿಗೂ ಮೇಲ್ಪಂಕ್ತಿಯಾಗಲಿ: ಪ್ರತಾಪ್ ಸಿಂಹ
Click it and Unblock the Notifications
Sign in with Google