ಕೆನಡಾದಲ್ಲಿ 24 ವರ್ಷದ ಸಿಖ್ ವ್ಯಕ್ತಿಗೆ ಗುಂಡಿಕ್ಕಿ ಹತ್ಯೆ

ಅಲ್ಬರ್ಟಾ, ಡಿಸೆಂಬರ್‌ 13: ಕೆನಡಾದ ಅಲ್ಬರ್ಟಾ ಪ್ರಾಂತ್ಯದಲ್ಲಿ 24 ವರ್ಷದ ಭಾರತೀಯ ಮೂಲದ ಸಿಖ್ ವ್ಯಕ್ತಿಯೊಬ್ಬ ಗುಂಡೇಟಿನಿಂದ ಸಾವನ್ನಪ್ಪಿದ್ದಾನೆ. ಎಡ್ಮಂಟನ್ ವೈದ್ಯಕೀಯ ಪರೀಕ್ಷಕರು ಶವಪರೀಕ್ಷೆಯನ್ನು ಪೂರ್ಣಗೊಳಿಸಿದ ನಂತರ, ಪೊಲೀಸರು ಅವರ ಸಾವಿಗೆ ಗುಂಡಿನ ದಾಳಿ ಕಾರಣವೆಂದು ತಿಳಿಸಿದ್ದಾರೆ.

ಮೃತನನ್ನು ಸಂರಾಜ್ ಸಿಂಗ್ ಎಂದು ಗುರುತಿಸಲ್ಪಟ್ಟಿರುವ ಪೊಲೀಸರು ಆಗ್ನೇಯ ಎಡ್ಮಂಟನ್‌ನಲ್ಲಿ ಡಿಸೆಂಬರ್ 3 ರಂದು ರಾತ್ರಿ 8.40ಕ್ಕೆ (ಸ್ಥಳೀಯ ಕಾಲಮಾನ) ಗುಂಡೇಟಿನ ದಾಳಿಯ ಕರೆ ಸ್ವೀಕರಿಸಿ ಹೋಗುವಾಗ ಘಟನೆ ಬೆಳಕಿಗೆ ಬಂದಿದೆ.

ಕೆನಡಾದಲ್ಲಿ ನಡೆದ ಸಿಖ್ ಹತ್ಯೆಗಳ ಸರಣಿಯಲ್ಲಿ ಸಂರಾಜ್ ಸಿಂಗ್ ಗುಂಡೇಟಿನಿಂದ ಸಾವನ್ನಪ್ಪಿದ ಘಟನೆ ಇತ್ತೀಚಿನದು. ಡಿಸೆಂಬರ್ 3 ರಂದು 51 ಸ್ಟ್ರೀಟ್ ಮತ್ತು 13 ಅವೆನ್ಯೂ ಪ್ರದೇಶದಲ್ಲಿ ಗುಂಡಿನ ದಾಳಿಗಳು ನಡೆದಿದ್ದವು. ಬುಧವಾರ ಡಿಸೆಂಬರ್ 7, 2022 ರಂದು, ಎಡ್ಮಂಟನ್ ವೈದ್ಯಕೀಯ ಪರೀಕ್ಷಕರು ಸತ್ತವರ ಶವಪರೀಕ್ಷೆಯನ್ನು ಪೂರ್ಣಗೊಳಿಸಿದ್ದಾರೆ. ಅವರನ್ನು 24 ವರ್ಷದ ಸಂರಾಜ್ ಸಿಂಗ್ ಎಂದು ಗುರುತಿಸಲಾಗಿದೆ. ಸಾವಿಗೆ ಕಾರಣ ಗುಂಡೇಟಿನ ಗಾಯಗಳು ಮತ್ತು ಸಾವಿನ ವಿಧಾನವು ನರಹತ್ಯೆಯಾಗಿದೆ ಎಂದು ಎಡ್ಮಂಟನ್ ಪೊಲೀಸರು ತಿಳಿಸಿದ್ದಾರೆ.

ಪೊಲೀಸರ ಪ್ರಕಾರ, ಸಂರಾಜ್ ಸಿಂಗ್ ವಾಹನದಲ್ಲಿ ಪತ್ತೆಯಾಗಿದ್ದಾರೆ. ತುರ್ತು ವೈದ್ಯಕೀಯ ಸೇವೆಗಳು ಸ್ಥಳಕ್ಕೆ ತಲುಪುವವರೆಗೆ ಪೊಲೀಸರು ಸಿಪಿಆರ್ ಅನ್ನು ನಿರ್ವಹಿಸಿದರು. ತುರ್ತು ವೈದ್ಯಕೀಯ ಸೇವೆಗಳು ಅವರು ಮೃತಪಟ್ಟಿರುವುದಾಗಿ ಘೋಷಿಸಿದರು ಎಂದು ಪೊಲೀಸರು ತಿಳಿಸಿದ್ದಾರೆ. ಹತ್ಯೆಯ ಸಮಯದಲ್ಲಿ ವಾಹನವೊಂದು ಸ್ಥಳದಿಂದ ಹೊರಟು ಹೋಗುತ್ತಿರುವುದು ಕಂಡುಬಂದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ತನಿಖಾಧಿಕಾರಿಗಳು ನರಹತ್ಯೆಯ ಸಮಯದಲ್ಲಿ ಸ್ಥಳದಿಂದ ಹೊರಟುಹೋದ ವಾಹನದ ಫೋಟೋವನ್ನು ಬಿಡುಗಡೆ ಮಾಡಿದ್ದು, ಪೊಲೀಸರು ವಾಹನವನ್ನು ಗುರುತಿಸಿದರೆ ತಿಳಿಸುವಂತೆ ನಿವಾಸಿಗಳಿಗೆ ಕರೆ ನೀಡಿದರು.

ಡಿಸೆಂಬರ್ 3 ರಂದು ಕೆನಡಾದ ಮಿಸ್ಸಿಸೌಗಾದ ಗ್ಯಾಸ್ ಸ್ಟೇಷನ್‌ನಲ್ಲಿ 21 ವರ್ಷದ ಸಿಖ್ ಮಹಿಳೆಯನ್ನು ಗುಂಡಿಕ್ಕಿ ಕೊಲ್ಲಲಾಗಿತ್ತು. ಪೀಲ್ ಪ್ರಾದೇಶಿಕ ಪೊಲೀಸರು ಸೋಮವಾರ ಆರೋಪಿಯನ್ನು ಪವನ್‌ಪ್ರೀತ್ ಕೌರ್ ಎಂದು ಗುರುತಿಸಿದ್ದಾರೆ. ಮೃತಳು ಗ್ಯಾಸ್ ಸ್ಟೇಷನ್‌ನ ಉದ್ಯೋಗಿ ಎಂದು ಸೇರಿಸಿದ್ದಾರೆ ಎಂದು ಸಿಬಿಸಿ ವರದಿ ಮಾಡಿದೆ.

English summary

A 24-year-old Indian-origin Sikh man was shot dead in Canada's Alberta province. After the Edmonton medical examiner completed an autopsy, police ruled the cause of death a gunshot wound.