ತುರ್ತು ಅನುಮತಿ ಪಡೆದ ಜೈಡಸ್ ಕ್ಯಾಡಿಲಾದ ಮಕ್ಕಳ ಲಸಿಕೆ ಬಗ್ಗೆ ನೀವು ತಿಳಿಯಬೇಕಾದ ಸಂಗತಿಗಳಿವು

Updated: Saturday, August 21, 2021, 10:23 [IST]

ಕೊರೊನಾ ವಿರುದ್ಧ ದೇಶಾದ್ಯಂತ ನಡೆಯುತ್ತಿರುವ ಲಸಿಕಾಕರಣ ಕಾರ್ಯಕ್ರಮಕ್ಕೆ ಇದೀಗ ಮತ್ತೊಂದು ಲಸಿಕೆಯನ್ನು ಸೇರ್ಪಡೆಯಾಗಿದೆ.

ಕೇಂದ್ರ ಸರ್ಕಾರವು ಫಾರ್ಮ ಕಂಪನಿ ಜೈಡಸ್ ಕ್ಯಾಡಿಲಾದ (Zydus Cadila) 3 ಡೋಸ್ ಕೊರೊನಾ ಲಸಿಕೆಯ ತುರ್ತುಬಳಕೆಗೆ ಅನುಮೋದನೆ ನೀಡಿದೆ.

ಈ ಲಸಿಕೆಯ ಹೆಸರು ZyCov-D. ಭಾರತದ ಔಷಧ ನಿಯಂತ್ರಕ ಜನರಲ್‌ನ ತಜ್ಞರ ಸಮಿತಿಯು ಶುಕ್ರವಾರ ಈ ಲಸಿಕೆಯ ತುರ್ತು ಬಳಕೆಯನ್ನು ಅನುಮೋದಿಸಿದೆ. ಈ ಲಸಿಕೆಯ 2 ಡೋಸ್‌ಗಳ ಪರಿಣಾಮದ ಕುರಿತು ಸಮಿತಿಯು ಫಾರ್ಮಾ ಕಂಪನಿಯಿಂದ ಹೆಚ್ಚುವರಿ ದತ್ತಾಂಶವನ್ನು ಕೋರಿದೆ.

28 ಸಾವಿರ ಸ್ವಯಂಸೇವಕರ ಮೇಲೆ ನಡೆಸಿದ ಕೊನೆಯ ಹಂತದ ಪ್ರಯೋಗದ ಆಧಾರದ ಮೇಲೆ ಈ ಅರ್ಜಿಯನ್ನು ಸಲ್ಲಿಸಲಾಗಿತ್ತು. ಲಸಿಕೆಯ ಪರಿಣಾಮಕಾರಿತ್ವವು ಶೇ. 66.6 ರಷ್ಟಿದೆ ಎಂದು ತಿಳಿದುಬಂದಿದೆ. ಈ ಲಸಿಕೆ 12 ರಿಂದ 18 ವಯೋಮಾನದವರಿಗೂ ಸಂಪೂರ್ಣವಾಗಿ ಸುರಕ್ಷಿತವಾಗಿದೆ ಎಂದು ಹೇಳಲಾಗಿದೆ. ಆದಾಗ್ಯೂ, ಅದರ ಪ್ರಾಯೋಗಿಕ ಡೇಟಾವನ್ನು ಇನ್ನೂ ಪ್ಯಾರ್ ರಿವ್ಯೂ ಮಾಡಲಾಗಿಲ್ಲ.

ಜೆನೆರಿಕ್ ಫಾರ್ಮಾಸ್ಯುಟಿಕಲ್ ಕಂಪನಿಯಾಗಿರುವ ಕ್ಯಾಡಿಲಾ ಹೆಲ್ತ್‌ಕೇರ್ ಲಿಮಿಟೆಡ್ ಜುಲೈ 1 ರಂದು ZyCoV-D ಯ ತುರ್ತು ಬಳಕೆಗೆ ಅನುಮತಿಗಾಗಿ ಅರ್ಜಿ ಸಲ್ಲಿಸಿತ್ತು.
ಜೈಡಸ್ ಕ್ಯಾಡಿಲಾ ಸೇರಿದಂತೆ ಭಾರತದ ಬಳಿ ಇದೀಗ ಐದು ಲಸಿಕೆಗಳು

ತುರ್ತು ಬಳಕೆಯ ನಂತರ ಈ ಲಸಿಕೆ ಸಂಪೂರ್ಣವಾಗಿ ಅನುಮೋದನೆಗೊಂಡರೆ. ಇದು ಭಾರತದ ಎರಡನೇ ಸ್ವದೇಶಿ ಲಸಿಕೆಯಾಗಿದೆ. ಈ ಹಿಂದೆ ಭಾರತ್ ಬಯೋಟೆಕ್ ಮತ್ತು ಐಸಿಎಂಆರ್ ಒಟ್ಟಾಗಿ ಕೋವ್ಯಾಕ್ಸಿನ್ ಎಂಬ ಮೊದಲ ಸ್ವದೇಶಿ ಕೊರೊನಾ ಲಸಿಕೆಯನ್ನು ಅಭಿವೃದ್ಧಿಗೊಳಿಸಿವೆ ಎಂಬುದು ಇಲ್ಲಿ ಗಮನಾರ್ಹ. ಈಗಾಗಲೇ ದೇಶದಲ್ಲಿ ಒಟ್ಟು 4 ಲಸಿಕೆಗಳಿಗೆ ಅನುಮೋದನೆ ನೀಡಲಾಗಿದೆ. ಕೋವಿಶೀಲ್ಡ್, ಕೋವಾಕ್ಸಿನ್, ಸ್ಪುಟ್ನಿಕ್, ಮಾಡೆರ್ನಾ. ಇದೀಗ ಜೈಡಸ್ ಲಸಿಕೆ ಈ ಪಟ್ಟಿಗೆ ಸೇರ್ಪಡೆಯಾಗುವ ಮೂಲಕ, ಈ ಸಂಖ್ಯೆ ಐದಕ್ಕೆ ಏರಿಕೆಯಾದಂತಾಗಿದೆ.

ಜೈಕೋವ್-ಡಿ ಲಸಿಕೆಯನ್ನು ಭಾರತ ಸರ್ಕಾರದ ಜೈವಿಕ ತಂತ್ರಜ್ಞಾನ ಇಲಾಖೆ ಮತ್ತು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ ಬೆಂಬಲದೊಂದಿಗೆ ಅಭಿವೃದ್ಧಿಗೊಳಿಸಲಾಗಿದೆ. ಈ ಲಸಿಕೆಯನ್ನು ಸಾಮಾನ್ಯ ಫ್ರೀಜರ್‌ನಲ್ಲಿ 2 ರಿಂದ 8 ಡಿಗ್ರಿ ಸೆಲ್ಸಿಯಸ್‌ನಲ್ಲಿ ಸಂಗ್ರಹಿಸಬಹುದು.

ಐಸಿಎಂಆರ್ ಹಾಗೂ ಬಯೋಟೆಕ್ನಾಲಜಿ ವಿಭಾಗದ ಬೆಂಬಲದೊಂದಿಗೆ ಈ ಲಸಿಕೆ ಅಭಿವೃದ್ಧಿಗೊಂಡಿದೆ. ಇದಕ್ಕೂ ಮೊದಲು ಈ ಕುರಿತು ಹೇಳಿಕೆ ನೀಡಿದ್ದ ಜೈಡಸ್ ಕ್ಯಾಡಿಲಾ, ತನ್ನ ಲಸಿಕೆಗೆ ಅನುಮೋದನೆ ದೊರೆತ ಎರಡು ತಿಂಗಳಲ್ಲಿ ಲಸಿಕೆಯನ್ನು ಬಿಡುಗಡೆ ಮಾಡುವುದಾಗಿ ಹೇಳಿದೆ.

ಜೈಕೋವ್ ಡಿ ವಿಶೇಷತೆ ಏನು?

ವಿಶೇಷವೆಂದರೆ ಈ ಲಸಿಕೆಯನ್ನು ಕೋಣೆಯ ಉಷ್ಣಾಂಶದಲ್ಲಿ ಸಂಗ್ರಹಿಸಬಹುದು. ಈ ಲಸಿಕೆಯನ್ನು 2 ಡಿಗ್ರಿಯಿಂದ 25 ಡಿಗ್ರಿ ವರೆಗಿನ ತಾಪಮಾನದಲ್ಲಿ ಸಂಗ್ರಹಿಸಬಹುದು ಎನ್ನಲಾಗಿದೆ.
ಭಾರತೀಯರಿಗೆ ಕೊರೊನಾ ವಿರುದ್ಧದ ಹೋರಾಟದಲ್ಲಿ ಪ್ರಸ್ತುತ 2-ಡೋಸ್ ಲಸಿಕೆ ನೀಡಲಾಗುತ್ತಿದೆ. ಆದರೆ ಜೈಕೋವ್ 3 ಮೂರು-ಡೋಸ್ ಲಸಿಕೆ (Corona Vaccine) ಆಗಿದೆ. ಈ ಲಸಿಕೆಯ ಮೊದಲ ಡೋಸ್ ನಂತರ, ಎರಡನೇ ಡೋಸ್ ಅನ್ನು 28 ನೇ ದಿನದಂದು ನೀಡಲಾಗುತ್ತದೆ ಮತ್ತು ನಂತರ ಮೂರನೇ ಡೋಸ್ ಅನ್ನು 56 ನೇ ದಿನದಲ್ಲಿ ನೀಡಲಾಗುತ್ತದೆ. ಅಂದರೆ, ಇದನ್ನು 4 ವಾರಗಳ ಮಧ್ಯಂತರದಲ್ಲಿ ನೀಡಲಾಗುತ್ತದೆ.

ಡಿಎನ್‌ಎ ಆಧಾರಿತ ಲಸಿಕೆಯಾಗಿದೆ

ಗಮನಾರ್ಹವಾಗಿ, ಜೈಡಸ್ ಕ್ಯಾಡಿಲಾ ಲಸಿಕೆ ಮೊದಲ ಡಿಎನ್ಎ ಆಧಾರಿತ ಲಸಿಕೆಯಾಗಿದೆ. ವೈರಸ್ ರೂಪಾಂತರದ ಸಂದರ್ಭದಲ್ಲಿ ಡಿಎನ್ಎ ಆಧಾರಿತ ಲಸಿಕೆ ಸೂತ್ರೀಕರಣವನ್ನು ಸುಲಭವಾಗಿ ಮಾರ್ಪಡಿಸಬಹುದು ಎನ್ನಲಾಗಿದೆ.

ಭಾರತದ ಡ್ರಗ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ ಲಸಿಕೆಗಾಗಿ ಶುಕ್ರವಾರ ರಚಿಸಲಾದ ವಿಷಯ ತಜ್ಞರ ಸಮಿತಿಯು ಜೈಕೋಸ್ ಕ್ಯಾಡಿಲಾ ಅವರ ಲಸಿಕೆ ಜೈಕೋವ್ ಡಿ (Zycov-D) ತುರ್ತು ಬಳಕೆಗಾಗಿ ಶಿಫಾರಸು ಮಾಡಿದೆ. ಭಾರತ್ ಬಯೋಟೆಕ್‌ನ ಕೋವಾಕ್ಸಿನ್‌ನ ನಂತರ ಜೈಕೋವ್ ಡಿ ಎರಡನೇ ಸ್ಥಳೀಯ ಲಸಿಕೆಯಾಗಿದೆ.

ಮಕ್ಕಳ ಮೇಲೂ ಪರಿಣಾಮಕಾರಿ

ಜೈಡಸ್ ಕ್ಯಾಡಿಲಾ ಅನುಮೋದನೆ ಪಡೆದ ಕೆಲವೇ ದಿನಗಳಲ್ಲಿ, ಈ ಲಸಿಕೆಯನ್ನು ಜನರಿಗೆ ಅನ್ವಯಿಸಲು ಲಭ್ಯವಾಗುವಂತೆ ಮಾಡಬಹುದು ಎಂದು ಈಗಾಗಲೇ ಹೇಳಿಕೊಂಡಿದ್ದಾರೆ. ಕಂಪನಿಯ ಗುರಿ ಪ್ರತಿ ತಿಂಗಳು 2 ಕೋಟಿ ಲಸಿಕೆಗಳನ್ನು ಒದಗಿಸುವುದಾಗಿದೆ. ಈ ಲಸಿಕೆಯ ಪ್ರಯೋಗವನ್ನು ಸುಮಾರು 20 ಸಾವಿರ ಜನರ ಮೇಲೆ ಮಾಡಲಾಗಿದೆ ಎಂದು ಕಂಪನಿ ಹೇಳಿಕೊಂಡಿದೆ.

ವಯಸ್ಕರನ್ನು ಹೊರತುಪಡಿಸಿ, ಈ ಲಸಿಕೆಯನ್ನು 12 ರಿಂದ 18 ವರ್ಷ ವಯಸ್ಸಿನ ಮಕ್ಕಳ ಮೇಲೂ ಪರೀಕ್ಷಿಸಲಾಗುತ್ತಿದೆ. ಇಂತಹ ಪರಿಸ್ಥಿತಿಯಲ್ಲಿ, ಭಾರತದಲ್ಲಿ ಮಕ್ಕಳಿಗೆ ನೀಡಲಾಗುವ ಮೊದಲ ಲಸಿಕೆ ಇದಾಗಿರಬಹುದು ಎಂದು ನಿರೀಕ್ಷಿಸಲಾಗಿದೆ.

ಸಿರಿಂಜ್ ಮುಕ್ತ ಲಸಿಕೆ

ಇದು ಸಿರಿಂಜ್ ಮುಕ್ತ ಲಸಿಕೆ. ಇದರರ್ಥ ಈ ಸಿರಿಂಜ್ ಅನ್ನು ಜೆಟ್ ಇಂಜೆಕ್ಟರ್ ಮೂಲಕ ಬದಲಾಯಿಸಲಾಗುತ್ತದೆ. ಉದಾಹರಣೆಗೆ, ಕೆಲವು ಜನರು ಮನೆಯಲ್ಲಿ ಮಧುಮೇಹವನ್ನು ಪರೀಕ್ಷಿಸಲು ಇಂಜೆಕ್ಟರ್ ಮೂಲಕ ಬೆರಳಿನಿಂದ ಒಂದು ಹನಿ ರಕ್ತವನ್ನು ತೆಗೆದುಕೊಳ್ಳುತ್ತಾರೆ. ಆದಾಗ್ಯೂ, ಈ ಲಸಿಕೆಯನ್ನು 90 ಡಿಗ್ರಿಗಳಲ್ಲಿ ಇರಿಸುವ ಮೂಲಕ, ಅಂದರೆ, ಅದನ್ನು ನೇರವಾಗಿ ಅನ್ವಯಿಸಲಾಗುತ್ತದೆ.