ವಿಶ್ವ ತಂಬಾಕು ರಹಿತ ದಿನ: ತಂಬಾಕು ನಿಮ್ಮ ಬದುಕು ಕಸಿಯದಿರಲಿ...
"ಧೂಮಪಾನ ಆರೋಗ್ಯಕ್ಕೆ ಹಾನಿಕರ" ಎಂಬ ಸಾಲು ಓದುವುದಕ್ಕಷ್ಟೇ..! ಸಿನಿಮಾ ಆರಂಭಕ್ಕೂ ಮುನ್ನ ತೋರಿಸುವ ಜಾಹೀರಾತುಗಳೂ ಧೂಮಪಾನದ ಕೆಟ್ಟ ಪರಿಣಾಮಗಳ ಮುಖವನ್ನು ತೋರಿಸಿದರೂ ಆ ಚಟದಿಂದ ಮುಕ್ತವಾಗುವ ಯತ್ನ ಮಾಡುವವರು ತೀರಾ ಕಡಿಮೆ.
ಚಿಕ್ಕ ವಯಸ್ಸಿನಲ್ಲಿಯೇ ಸಿಗರೇಟ್ ಸೇವನೆಗೆ ದಾಸರಾಗಿ ಪರಿತಪಿಸುತ್ತಿರುವವರಿದ್ದಾರೆ. ಬಿಡಬೇಕೆಂದರೂ ಬಿಡುವುದಕ್ಕಾಗದೆ ಹೀಗೆ ಧೂಮಪಾಮಕ್ಕೆ 'ಅಡಿಕ್ಟ್' ಆಗಿರುವವರನ್ನು ಆ ಕೂಪದಿಂದ ಹೊರತರುವ ಯತ್ನವಾಗಿ ಪ್ರತಿ ವರ್ಷ ಮೇ 31 ನ್ನು ವಿಶ್ವ ತಂಬಾಕು ರಹಿತ ದಿನವನ್ನಾಗಿ ಆಚರಿಸಲಾಗುತ್ತದೆ.
ತಂಬಾಕು ಸೇವನೆಯ ದುಷ್ಪರಿಣಾಮದ ಕುರಿತು ಅರಿವು ಮೂಡಿಸಿ, ಯುವಕರನ್ನು ಆ ಚಟದಿಂದ ಮುಕ್ತರನ್ನಾಗಿಸುವ ಉದ್ದೇಶದಿಂದ ಆಚರಿಸುವ ಈ ದಿನ ಟ್ವಿಟ್ಟರ್ ನಲ್ಲಿಂದು ಟ್ರೆಂಡಿಂಗ್ ಆಗಿದೆ.
|
ಧೂಮಪಾನ ನಿಲ್ಲಿಸಿ, ಬದುಕಲು ಆರಂಭಿಸಿ!
ಧೂಮಪಾನ ನಿಲ್ಲಿಸಿ, ಬದುಕಲು ಆರಂಭಿಸಿ! ವಿಶ್ವ ತಂಬಾಕು ರಹಿತ ದಿನದಂದು ಎಲ್ಲ ರೀತಿಯ ತಂಬಾಕಿನ ಉತ್ಪನ್ನಗಳಿಗೂ ಗುಡ್ ಬೈ ಹೇಳೋಣ. ಅವುಗಳ ದುಷ್ಪರಿಣಾಮವನ್ನು ಅರಿತುಕೊಳ್ಳೋಣ ಎಂದಿದ್ದಾರೆ ಮಾಜಿ ಮುಖ್ಯಮಂತ್ರಿ ಬಿ ಎಸ್ ಯಡಿಯೂರಪ್ಪ.
|
10 ರಲ್ಲಿ ಒಬ್ಬರು ಸಾವು!
ತಂಬಾಕು ಸೇವನೆಯಿಂದಾಗಿ ಹತ್ತರಲ್ಲಿ ಒಬ್ಬ ಹೃದ್ರೋಗಿ ಸಾಯುತ್ತಿದ್ದಾರೆ. ನಿಮ್ಮ ಹೃದಯವನ್ನೂ, ಆ ಮೂಲಕ ಆರೋಗ್ಯವನ್ನೂ ಕಾಪಾಡಿಕೊಳ್ಳಲು ಧೂಮಪಾನ ಬಿಟ್ಟುಬಿಡಿ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಮನವಿ ಮಾಡಿಕೊಂಡಿದೆ.
|
ಮರಳಿನಲ್ಲಿ ಜಾಗೃತಿ
ಕಿಲ್ಲರ್ ಟೊಬ್ಯಾಕೋ ಎಂಬ ಹೆಸರಿನಲ್ಲಿ ಮರಳು ಶಿಲ್ಪ ರಚಿಸಿ ತಂಬಾಕು ಸೇವನೆಯ ದುಷ್ಪರಿಣಾಮಗಳನ್ನು ಮರಳು ಶಿಲ್ಪದಲ್ಲಿ ಚಿತ್ರಸಿದ್ದಾರೆ ಖ್ಯಾತ ಮರಳುಶಿಲ್ಪಿ ಸುದರ್ಶನ್ ಪಟ್ನಾಯಕ್.
|
ತಂಬಾಕು ನಿಮ್ಮನ್ನು ಕೊಲ್ಲುವ ಮೊದಲು ಅದನ್ನು ತ್ಯಜಿಸಿ!
ತಂಬಾಕು ನಿಮ್ಮನ್ನು ಕೊಲ್ಲುವ ಮೊದಲು ಅದನ್ನು ತ್ಯಜಿಸಿಬಿಡಿ. ಆರೋಗ್ಯವೇ ಭಾಗ್ಯ ಎಂಬುದನ್ನು ಮರೆಯದಿರಿ. ನಿಮ್ಮ ಕುಟುಂಬ, ಸ್ನೇಹಿತರು ಮತ್ತು ನಿಮ್ಮ ದೇಶ ನೀವು ಆರೋಗ್ಯವಂತರಾಗಿರುವುದನ್ನು ಬಯಸುತ್ತದೆ ಎಂದಿದ್ದಾರೆ ಶ್ರೀನಿವಾಸ್ ಬಿ ವಿ.
|
ತಂಬಾಕು ನಿಮ್ಮ ಬದುಕನ್ನು ಕಸಿಯದಿರಲಿ
ತಂಬಾಕು, ನಿಮ್ಮ ಆರೋಗ್ಯಕರ ಮತ್ತು ಸಂತಸದ ಬದುಕನ್ನು ಕಸಿಯಲು ಬಿಡಬೇಡಿ. ಈ ವಿಶ್ವ ತಂಬಾಕು ರಹಿತ ದಿನದಂದು ತಂಬಾಕು ಸೇವನೆಯ ದುಷ್ಪರಿಣಾಮದ ಕುರಿತು ಅರಿವು ಮೂಡಿಸುವ ಕೆಲಸ ಮಾಡೋಣ ಎಂದಿದ್ದಾರೆ ಕೇಂದ್ರ ಸಚಿವ ಧರ್ಮೇಂದ್ರ ಪ್ರಧಾನ್.
Click it and Unblock the Notifications
Sign in with Google