Work From Home: ಮದುವೆಯಲ್ಲಿ ವರನ ತೊಡೆ ಮೇಲೆ ಕುಳಿತ ಲ್ಯಾಪ್ಟಾಪ್
ಕೊರೊನಾ ಮಹಾಮಾರಿ ಬಂದ ನಂತರ ಜನರ ಜೀವನ ಶೈಲಿಯೇ ಸಂಪೂರ್ಣ ಬದಲಾಗಿದೆ. ಹಾಗಾಗಿ ಮತ್ತೊಂದೆಡೆ ಆಫೀಸ್ ವರ್ಕಿಂಗ್ ಸ್ಟೈಲ್ ನಲ್ಲಿಯೂ ವರ್ಕ್ ಫ್ರಮ್ ಹೋಮ್ ಕಲ್ಚರ್ ಮೇಲುಗೈ ಸಾಧಿಸಿದೆ. ಕೊರೊನಾ ನಂತರವೂ ಅನೇಕ ಕಂಪನಿಗಳಲ್ಲಿ ಮನೆಯಿಂದ ಕೆಲಸ ನಡೆಯುತ್ತಿದೆ. ಈ ನಡುವೆ ವರನ ಫೋಟೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ. ಅದರಲ್ಲಿ ಅವರು ಮದುವೆಯ ವಿಧಿವಿಧಾನಗಳ ನಡುವೆ ಲ್ಯಾಪ್ಟಾಪ್ನಲ್ಲಿ ಕಚೇರಿ ಕೆಲಸ ಮಾಡುತ್ತಿರುವುದು ಕಂಡುಬಂದಿದೆ.
ಕೊರೊನವೈರಸ್ ನಂತರ ಅಭಿವೃದ್ಧಿಗೊಂಡ ಪರಿಸ್ಥಿತಿಯು ಜನರ ಕೆಲಸದ ವಿಧಾನವನ್ನು ಸಂಪೂರ್ಣವಾಗಿ ಬದಲಾಯಿಸಿದೆ. ಅನೇಕ ಖಾಸಗಿ ಕಂಪನಿಗಳು ಸಂಪೂರ್ಣವಾಗಿ ವರ್ಕ್ ಫ್ರಮ್ ಹೋಮ್ ಮಾದರಿಯಲ್ಲಿ ನಡೆಯುತ್ತಿವೆ. ಕಂಪನಿಯಲ್ಲಿ ಕೆಲಸ ಮಾಡುವ ನೌಕರರು ರಜೆಯ ಜೊತೆಗೆ ಕೆಲಸದ ಹೊರೆಯನ್ನು ಹೊರಬೇಕಾಗುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ಮನೆಯಿಂದಲೇ ಕೆಲಸ ಮಾಡುವ ನೌಕರರಿಗೆ ಒಂದು ನಿಮಿಷ ಸಮಯವೂ ಸಿಗುತ್ತಿಲ್ಲ. ಹೀಗಾಗಿ ಸ್ವಂತ ಮದುವೆಯಲ್ಲಿ ವರನು ಲ್ಯಾಪ್ಟಾಪ್ನಲ್ಲಿ ಕೆಲಸ ಮಾಡುತ್ತಿರುವುದು ಕಂಡುಬಂದಿದೆ. ಮತ್ತೊಂದೆಡೆ ಪಂಡಿತ್ ಜಿ ಮದುವೆಯ ವಿಧಿವಿಧಾನಗಳನ್ನು ಪೂರ್ಣಗೊಳಿಸುತ್ತಿರುವುದನ್ನು ಕಾಣಬಹುದು.
ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿರುವ ಇತ್ತೀಚಿನ ಫೋಟೋಗಳನ್ನು ನೋಡಿದಾಗ, ಈ ಕೆಲಸದ ಶೈಲಿಯಿಂದ ಯಾವ ಮಟ್ಟದಲ್ಲಿ ಕೆಲಸಗಾರರು ಒತ್ತಡಕ್ಕೆ ಒಳಗಾಗಿದ್ದಾರೆ ಎಂಬುದನ್ನು ಅಂದಾಜಿಸಬಹುದು. ಮದುವೆಯ ವೈರಲ್ ಫೋಟೋವನ್ನು ಕೋಲ್ಕತ್ತಾದಲ್ಲಿ ತೆಗೆಯಲಾಗಿದೆ. ಅಲ್ಲಿ ಬೆಂಗಾಲಿ ವಸ್ತ್ರಧಾರಿ ವರನೊಬ್ಬ ಪಂಡಿತ್ ಬಳಿ ಕುಳಿತು ಲ್ಯಾಪ್ಟಾಪ್ನಲ್ಲಿ ಕೆಲಸದಲ್ಲಿ ತೊಡಗಿಸಿಕೊಂಡಿದ್ದಾನೆ. ಇದನ್ನು ಕಂಡು ನೆಟ್ಟಿಗರು ಸಾಕಷ್ಟು ಕಾಮೆಂಟ್ ಮಾಡಿದ್ದಾರೆ.
ಸಾಮಾಜಿಕ ಮಾಧ್ಯಮದಲ್ಲಿ ಫೋಟೋ ವೈರಲ್
ಈ ಫೋಟೋವನ್ನು ಈಜಿ ಕಲ್ಕತ್ತಾ ಇನ್ಸ್ಟಾ ಪುಟದಲ್ಲಿ ಪೋಸ್ಟ್ ಮಾಡಲಾಗಿದೆ. ಅದರ ಶೀರ್ಷಿಕೆಯು - 'ವರ್ಕ್ ಫ್ರಮ್ ಹೋಮ್' ನಿಮ್ಮನ್ನು ಮುಂದಿನ ಹಂತಕ್ಕೆ ಕರೆದೊಯ್ಯುತ್ತದೆ. ಮದುವೆಯ ಸಮಯದಲ್ಲಿ ಈ ರೀತಿ ಮಾಡುವುದನ್ನು ನೋಡಬಹುದಾದ ಸ್ನೇಹಿತನನ್ನು ಟ್ಯಾಗ್ ಮಾಡಿ ಎಂದು ಬರೆಯಲಾಗಿದೆ.
ಈ ಫೋಟೋವನ್ನು ಮೊದಲು ಶ್ರೀಮೋಯಿ ದಾಸ್ ಎಂಬ ಬಳಕೆದಾರರು ತಮ್ಮ ಇನ್ಸ್ಟಾ ಸ್ಟೋರಿಯಲ್ಲಿ ಪೋಸ್ಟ್ ಮಾಡಿದ್ದಾರೆ. ನಂತರ ಫೋಟೋ ಈಗ ವೈರಲ್ ಆಗಿದೆ. ಶ್ರೀಮೋಯಿ ಅವರ ಕಥೆಯ ಪ್ರಕಾರ, ಫೋಟೋದಲ್ಲಿ ಕಾಣುವ ವರ ಆಕೆಯ ಸಹೋದರ. ಈ ಫೋಟೋ ನೋಡಿದ ಮೇಲೆ ನೆಟ್ಟಿಗರು ಸಾಕಷ್ಟು ಕಾಮೆಂಟ್ ಮಾಡಿದ್ದಾರೆ. 'ಪಕ್ಕಾ ಉದ್ಯೋಗಿ', 'ಕಂಪನಿ ಉಳಿಯಿತು', 'ಪ್ರವೇಷನಲ್ ವರ್ಕರ್' ಎಂಬಿತ್ಯಾದಿ ಕಾಮೆಂಟ್ಗಳು ಬಂದಿವೆ.
Click it and Unblock the Notifications
Sign in with Google