ಎಚ್1ಬಿ ವೀಸಾ : ಭಾರತದ ಐಟಿ ಇಂಡಸ್ಟ್ರಿಗೆ ಕೆಟ್ಟ ಸುದ್ದಿ

ಬೆಂಗಳೂರು, ಮಾರ್ಚ್ 04 : ಎಚ್1ಬಿ ವೀಸಾಗೆ ಸಂಬಂಧಿಸಿದಂತೆ ಭಾರತದ ಐಟಿ ಇಂಡಸ್ಟ್ರಿಗೆ ಕೆಟ್ಟ ಸುದ್ದಿಯೊಂದು ಬಂದಿದೆ.

ಅದೇನೆಂದರೆ, ಏಪ್ರಿಲ್ 3ರಿಂದ ಎಚ್1ಬಿ ವೀಸಾ ತ್ವರಿತ ವಿಲೇವಾರಿಗಾಗಿ ಪ್ರೀಮಿಯಂ ಪ್ರೊಸೆಸಿಂಗ್ ಅನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸುವುದಾಗಿ ಅಮೆರಿಕ ಪೌರತ್ವ ಮತ್ತು ವಲಸೆ ಸೇವೆ (USCIS) ಪ್ರಕಟಿಸಿದೆ. ಇದು ಸುಮಾರ್ 6 ತಿಂಗಳು ಜಾರಿಯಲ್ಲಿರಲಿದೆ. [ಏನಿದು ಎಚ್1ಬಿ ವೀಸಾ ತಿದ್ದುಪಡಿ ಕಾಯ್ದೆ? ಇದ್ಹೇಗೆ ಟೆಕ್ಕಿಗಳಿಗೆ ಮಾರಕ?]

ತಾತ್ಕಾಲಿಕವಾಗಿ ಸ್ಥಗಿತಗೊಳಿಸುವ ಈ ಕ್ರಮದಿಂದಾಗಿ ಆಡಳಿತಕ್ಕೆ ಸಾಕಷ್ಟು ಸಹಾಯವಾಗಲಿದೆ ಮತ್ತು ಎಚ್1ಬಿ ವೀಸಾ ವಿಲೇವಾರಿ ಮಾಡುವ ಒಟ್ಟಾರೆ ಸಮಯದ ಉಳಿತಾಯವಾಗಲಿದೆ ಎಂದು ಯುಎಸ್‌ಸಿಐಎಸ್ ಪ್ರಕಟಣೆಯಲ್ಲಿ ತಿಳಿಸಿದೆ. [ಹೆಚ್ 1ಬಿ ವೀಸಾ ಬಳಕೆ ನಿಲ್ಲಲಿ: ನಾರಾಯಣ ಮೂರ್ತಿ ಸಲಹೆ]

ಅಲ್ಲದೆ, ಎಚ್1ಬಿ ವೀಸಾಗೆ ಸಲ್ಲಿಸಲಾಗಿರುವ ಅರ್ಜಿಗಳು ಹನುಮಂತನ ಬಾಲದಷ್ಟು ಇರುವುದರಿಂದ, ವಿಲೇವಾರಿಯಾಗದೆ ಉಳಿದಿರುವ ಎಚ್1ಬಿ ವೀಸಾ ಅರ್ಜಿಗಳನ್ನು ವಿಲೇವಾರಿ ಮಾಡಲು ಈ ಕ್ರಮ ಸಹಾಯವಾಗುತ್ತದೆ ಎಂದು ಹೇಳಲಾಗಿದೆ.

ಈ ಕ್ರಮದಿಂದಾಗಿ ಎಚ್1ಬಿ ವೀಸಾವನ್ನು ತ್ವರಿತಗತಿಯಾಗಿ ಪಡೆಯಲಿಚ್ಛಿಸುವವರು ಫಾರ್ಮ್ ಐ-907 ಅನ್ನು ಸಲ್ಲಿಸುವಂತಿಲ್ಲ. ಅಲ್ಲದೆ, ನಾನ್ ಇಮಿಗ್ರಂಟ್ ವಿಭಾಗದಲ್ಲಿ ವಲಸೆರಹಿತ ನೌಕರರು ಕೂಡ ಫಾರ್ಮ್ ಐ-129 ಅನ್ನು ಸಲ್ಲಿಸವ ಹಾಗಿಲ್ಲ. [ಮೇ ತಿಂಗಳಲ್ಲಿ ಮೋದಿ, ಟ್ರಂಪ್ ಭೇಟಿ: ಎಚ್ 1ಬಿ ವೀಸಾ ಕಗ್ಗಂಟು ಸಡಿಲ?]

Thank you @realDonaldTrump

U.S. Citizens for U.S. jobs, not foreign H-1B workers. https://t.co/rEcgy2FfV6

— P. J. (@Portosj81) March 4, 2017

English summary

This is bad news for the Indian IT industry. The United States Citizenship and Immigration Services on Friday announced that it will temporarily suspend its premium processing for all H1-B petitions from April 3 onwards.