Urfi Javed: ಗೋವಾ ವಿಮಾನದಲ್ಲಿ ಕುಡುಕ ಪ್ರಯಾಣಿಕರಿಂದ ಉರ್ಫಿ ಜಾವೇದ್‌ಗೆ ಕಿರುಕುಳದ ಆರೋಪ!

Updated: Saturday, July 22, 2023, 19:00 [IST]

ತನ್ನ ಅಸಾಮಾನ್ಯ ಡ್ರೆಸ್ಸಿಂಗ್ ಸೆನ್ಸ್‌ನಿಂದಾಗಿ ಉರ್ಫಿ ಜಾವೇದ್ ಯಾವಾಗಲೂ ಸುದ್ದಿಯಲ್ಲಿ ಇರುತ್ತಾಳೆ. ನಟಿ ಯಾವಾಗ ಮತ್ತು ಏನು ಧರಿಸುತ್ತಾಳೆ ಎಂಬುದು ಯಾರಿಗೂ ತಿಳಿದಿಲ್ಲ. ಉರ್ಫಿ ಅನೇಕ ವಸ್ತುಗಳಿಂದ ತನಗಾಗಿ ಡ್ರೆಸ್ ಸಿದ್ಧಪಡಿಸಿದ್ದಾಳೆ.

ಆಕೆಯ ಈ ಪ್ರಯೋಗಗಳಿಂದಾಗಿ ಪ್ರತಿ ಬಾರಿಯೂ ಟ್ರೋಲ್ ಗೆ ಒಳಗಾಗುತ್ತಾಳೆ. ಈ ಬಾರಿಯೂ ಉರ್ಫಿ ಸುದ್ದಿಯಾಗಿದ್ದಾರೆ. ಆದರೆ ಈ ಬಾರಿ ಉರ್ಫಿ ಸುದ್ದಿಯಾಗಿದ್ದು ಅವರು ಧರಿಸುವ ಬಟ್ಟೆಯಿಂದಲ್ಲ, ಬದಲಿಗೆ ಆಕೆ ನೀಡಿದ ಕಿರುಕುಳದಿಂದ.

ಹೌದು ಬಾಲಿವುಡ್ ನಟಿ, ತನ್ನ ವಿಶೇಷ ಉಡುಪುಗಳಿಂದ ಸುದ್ದಿಯಲ್ಲಿರುವ ಉರ್ಫಿ, ಜುನ್ 20ರ ರಾತ್ರಿ ಗೋವಾಕ್ಕೆ ಹೋಗುತ್ತಿದ್ದಾಗ ಪ್ರಯಾಣಿಕನೊಬ್ಬ ಕಿರುಕುಳ ನೀಡಿದ್ದಾನೆ ಎಂದು ಅವರು ಆರೋಪ ಮಾಡಿದ್ದಾರೆ. ಈ ಬಗ್ಗೆ ನಟಿ ತನ್ನ ಇನ್ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್‌ವೊಂದನ್ನು ಹಂಚಿಕೊಂಡಿದ್ದಾರೆ. ಅದರಲ್ಲಿ ಯುವಕರ ಗುಂಪು ವಿಮಾನದಲ್ಲಿ ಹೇಗೆ ಲೈಂಗಿಕವಾಗಿ ಕಿರುಕುಳ ನೀಡಲು ಪ್ರಾರಂಭಿಸಿತು ಎಂಬುದರ ಕುರಿತು ಅವರು ಬರೆದಿದ್ದಾರೆ.

ತನ್ನ ಸೀಟಿನ ಹಿಂದೆ ಕೆಲವು ಯುವಕರು, ಕುಡುಕ ಪುರುಷರು ಕುಳಿತಿರುವುದನ್ನು ವೀಡಿಯೊದಲ್ಲಿ ತೋರಿಸಿದ ಅವರು ವಿಡಿಯೋದಲ್ಲಿ ತೋರಿಸಿದ್ದಾರೆ. ಆ ಪುರುಷ ಪ್ರಯಾಣಿಕರು ತನ್ನ ಸಂಕಟವನ್ನು ಮುಟ್ಟಲು ಪ್ರಯತ್ನಿಸಿದರು ಎಂದು ಆಕೆ ವಿವರಿಸಿದ್ದಾಳೆ. ಜೊತೆಗೆ ಆ ವ್ಯಕ್ತಿ ತನ್ನ ಹೆಸರನ್ನು ಕರೆದಿದ್ದಾನೆ, ವಿಮಾನದಲ್ಲಿ ಕಿರುಕುಳ ನೀಡಿದ್ದಾನೆ ಮತ್ತು ಕಟುವಾದ ಕಾಮೆಂಟ್‌ಗಳನ್ನು ರವಾನಿಸಿದ್ದಾನೆ ಎಂದು ಉರ್ಫಿ ಹೇಳಿದ್ದಾರೆ.

ಆಕೆ ಪೋಸ್ಟ್‌ನಲ್ಲಿ, "ನಿನ್ನೆಯ ವಿಮಾನವೊಂದರಲ್ಲಿ ಮುಂಬೈನಿಂದ ಗೋವಾಗೆ ಪ್ರಯಾಣಿಸುತ್ತಿದ್ದಾಗ ಕಿರುಕುಳವನ್ನು ಅನುಭವಿಸಬೇಕಾಯಿತು, ಈ ವೀಡಿಯೊದಲ್ಲಿರುವ ಪುರುಷರು ಅಸಹ್ಯಕರ ವಿಷಯಗಳನ್ನು ಹೇಳುತ್ತಿದ್ದರು, ಈ ಟೀಸಿಂಗ್ ಮತ್ತು ಹೆಸರುಗಳನ್ನು ಕರೆಯುತ್ತಿದ್ದರು. ನಾನು ಅವರನ್ನು ಎದುರಿಸಿದಾಗ ಅವರಲ್ಲಿ ಒಬ್ಬರು ನನ್ನೊಂದಿಗೆ ಜಗಳಕ್ಕೆ ಇಳಿದರು'' ಎಂದು ಹೇಳಿದರು. ''ಕುಡಿದು ಮಹಿಳೆಯರೊಂದಿಗೆ ಅನುಚಿತವಾಗಿ ವರ್ತಿಸುವುದಕ್ಕೆ ಕ್ಷಮೆಯಿಲ್ಲ. ಸಾರ್ವಜನಿಕವಾಗಿ ನಾನೊಬ್ಬ ವ್ಯಕ್ತಿ ಹೌದು, ಆದರೆ ಸಾರ್ವಜನಿಕರ ಆಸ್ತಿ ಅಲ್ಲ'' ಎಂದು ಅವರು ಬರೆದಿದ್ದಾರೆ.

ಉರ್ಫಿ ಇದೆ ಮೊದಲ ಬಾರಿ ಕಿರುಕುಳ ನೀಡಿದ ಆರೋಪ ಮಾಡಿಲ್ಲ. ಈ ಹಿಂದೆ ಇದೇ ರೀತಿ ಆರೋಪಗಳನ್ನು ಮಾಡಿದ್ದಾರೆ. ತುಂಡುಡುಗೆ ಮೂಲಕ ಪಡ್ಡೆ ಹುಡುಗರ ನಿದ್ದೆಗೆಡಿಸುವ ಈ ಚೆಲುವೆಗೆ ಹಿಂದೊಮ್ಮೆ ಯುವಕನೊಬ್ಬ ಕಾಡಿಸಿದ್ದನು.

ಪಂಜಾಬಿ ಚಿತ್ರರಂಗದಲ್ಲಿ ಕೆಲಸ ಮಾಡುವ ಓಬಡೆ ಅಫ್ರಿದಿ ಎಂಬ ವ್ಯಕ್ತಿ ಉರ್ಫಿ ವಾಟ್ಸಾಪ್‌ಗೆ ಕೆಟ್ಟದಾಗಿ ಸಂದೇಶ ಕಳುಹಿಸಿದ್ದನು ಎಂದು ಉರ್ಫಿ ಆರೋಪ ಮಾಡಿದ್ದರು. ಆತ ಆಕೆಯನ್ನು ವಿಡಿಯೋ ಸೆಕ್ಸ್‌ಗಾಗಿ ಬ್ಲಾಕ್‌ಮೇಲ್ ಮಾಡುತ್ತಿದ್ದ ಮತ್ತು ತನ್ನ ವೃತ್ತಿಜೀವನವನ್ನು ಹಾಳುಮಾಡುವ ಆಕೆಯ ಚಿತ್ರಗಳನ್ನು ಹೊಂದಿರುವುದಾಗಿ ಹೇಳಿಕೊಂಡಿದ್ದನು ಎಂದು ಉರ್ಫಿ ಹೇಳಿದ್ದರು. ಹೀಗಾಗಿ ಯುವಕನ ವಿರುದ್ಧ ಉರ್ಫಿ ಗೋರೆಗಾಂವ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದರು. ಸುಮಾರು ಎರಡು ವಾರಗಳ ನಂತರ ಪೊಲೀಸರು ವ್ಯಕ್ತಿಯನ್ನು ಬಂಧಿಸಿದ್ದರು.

ಮುಂಬೈ ಪೊಲೀಸರು ವ್ಯಕ್ತಿಯನ್ನು ಬಂಧಿಸುತ್ತಿರುವ ಚಿತ್ರವನ್ನು ಹಂಚಿಕೊಂಡ ಉರ್ಫಿ ಜಾವೇದ್, "ಒಳ್ಳೆಯ ಸುದ್ದಿ! ನನಗೆ ಕಿರುಕುಳ ನೀಡಿದ ಈ ವ್ಯಕ್ತಿ ಅಂತಿಮವಾಗಿ ಕಂಬಿಗಳ ಹಿಂದೆ ಬಿದ್ದಿದ್ದಾನೆ. ಮುಂಬೈ ಪೊಲೀಸರಿಗೆ ಧನ್ಯವಾದಗಳು" ಎಂದು ಬರೆದಿದ್ದರು. ಆ ವ್ಯಕ್ತಿ ತನ್ನಂತಹ ಎಷ್ಟೋ ಮಹಿಳೆಯರಿಗೆ ಕಿರುಕುಳ ನೀಡುತ್ತಿದ್ದನು ಮತ್ತು ಸಮಾಜಕ್ಕೆ ಮತ್ತು ಮಹಿಳೆಯರಿಗೆ ಅಪಾಯವನ್ನುಂಟುಮಾಡುತ್ತಾನೆ ಎಂದು ಅವರು ಹೇಳಿದರು.